San Juan 15:2 - El Nuevo Testamento

² Yejua kiteki nochi nomatsitsiuan yejuan xtlakij, pero kitlakuijkuilia niman kichipaua on nomatsitsiuan yejuan tlakij para más ma tlakikan.

In yencuic iyectlajtoltzin Dios itech ica toTeco Jesucristo

² Yejhua quitequi nochi nomatzitzihuan yejhuan xtlaqui, pero quitlacuijcuilia niman quichipahua on nomatzitzihuan yejhuan tlaquij para más ma tlaquican.

San Juan 15:2 Iomraidhean Croise

San Mateo 13:12

San akinon yejuan kajsikamati itemachtil Dios, Dios kipaleuis para más miyek kajsikamatis. Pero on yejuan xkajsikamati itemachtil Dios, kixtiliskej on tlen achijtsin kajsikamati.

San Mateo 13:33

No okintlalilij in okse ejemplo: —On tlakamej yejuan Dios kinmandaroua ipan in tlaltikpaktli ijkomej ken on tlaxokolilistli* yejuan sen siuatl kimaneloua ikan yeyi tlatemachitli harina hasta kaman nochi najkokui.

San Mateo 15:13

Pero yejua okinmijlij: —San katlejua xojtli noso kojtli* yejuan noTajtsin iluikak chanej* xokitôkak, hasta ipan ineluayo kinuiuitlaskej.

San Mateo 21:19

San nisiu kampa yaya okitak sen kojtli* itoka higuera. Pero ijkuak okinisiuij, xokinextilij itlakyo on kojtli, yej san kipiyaya ixojyo. Kemaj Jesús okijlij on higuera: —¡Maka sa kaman titlakis! Niman on higuera* nimantsin ouak.

San Mateo 25:29

pampa on yejuan kuajli kitekitiltia on tlen kipiya, más kimakaskej, niman on yejuan xkuajli kitekitiltia on tlen kipiya, kikuiliskej on tlen achijtsin kipiya.

San Mateo 3:10

Nemejuamej nenijkonmej ken on kojtin* yejuan xtlakij. Nochi kojtli* yejuan xtlakis kitsontekiskej niman kitlatiskej. Yejua ika, xmotakan sano nemejuamej, pampa on hacha ye onkaj listo para kintekis hasta ipan inneluayouan on kojtin* yejuan xtlakij.

San Mateo 3:12

Yejua ye ipan ima kipiya on itlapipitsal para yejua ika kajkauis on trigo niman kixelos itech on itlajsojlo. Kejeuas on trigo ipan on kueskontli, pero on itlajsojlo kitlatis ipan on tlitl yejuan xkaman seuis.

San Mateo 7:19

Niman nochi kojtlakijlotl yejuan xkuajli kipiya itlakyo, kitsontekij niman kitlatiaj.

San Marcos 4:20

Pero on kuajli tlajli kijtosneki inyojlo on tlakamej yejuan kuelkakij itlajtol Dios, niman kiseliaj, niman intech kisa sen kuajli tlakyotl. Yejuamej ken on xinachtli yejuan okitlakitij 30 iteyo, niman ken on yejuan okitlakitij 60, noso ken on yejuan okitlakitij se ciento.

San Lucas 8:13

On tepetlayoj yejuan seki xinachtli ipan oxin, kijtosneki inyojlo on tlakamej yejuan kakij itlajtol Dios niman kiseliaj ikan paktli. Pero tlaneltokaj san keski tonajli, pampa on itlajtol Dios xnoneluayotia uejkatlan ipan inyojlo. Yejua ika ijkuak kintlatlata on tlen xkuajli, noxelouaj itech on tlaneltoktli.

San Juan 15:1

’Nejua niken melauak itemekayo* on uvas, niman noTajtsin ken on yejuan cuidaroua on uvas.

San Juan 15:16

Nemejuamej xonennechtlapejpenijkej, yej nejua onemechtlapejpenij niman onemechtlalij ipan notekiu para xuiyan niman xpiyakan miyek tlakyotl yejuan nokauas para nochipa. Kemaj noTajtsin mechmakas nochi tlen nenkitlajtlaniliskej ikan notokatsin.

San Juan 15:3

Nemejuamej yonenchipajkej itechkopa on temachtijli yejuan yonemechijlij.

San Juan 15:6

On yejuan xnochipa nemis nouan, kitekecheuaskej notech niman uakis ken sen kuamatli. Tla ijkon nochiuas on kuamatli yej kisentlaliaskej para kitlatiskej.

San Juan 15:8

Ijkuak nemejuamej nenkipiyaj miyek tlakyotl, noTajtsin kiselia ueyilistli, niman ijki nenkiteititiaj ika nemejuamej melauak nennotemachtijkauan.

San Juan 17:12

Ijkuak nejua iminuan ninemiya ipan in tlaltikpaktli, on yejuan otinechinmakak onikinmanauij ikan mopoder. Onikinmanauij niman nion se xopoliu, yej san opoliu on yejuan ye ijki onkatka para poliuis para onocumpliroj on tlen kijtoua on Yektlajkuilojli.

Romanos 11:17

Aman nokniuan yejuan xnenhebreos*, in nemechijlia: on hebreos* kipiyaj on ojtli de temakixtilistli. Pero Dios okinkuilij sekimej hebreos* niman omechmakak nemejuamej yejuan xnenhebreos*. Aman tej, nenkipiyaj sano yejua on temakixtilistli.

Romanos 11:22

Xkita tej, ken sanoyej teikneliani* Dios. Pero no xkita ken tlauelej. Yejua tlauelej intech on yejuan okichichiuilijkej on itemakixtilis, pero teikneliani nemotech. Niman yejua mechiknelis tla nennejnemiskej ipan itetlajsojtlalis*. Pero tla xnennejnemiskej ipan itetlajsojtlalis*, mechmejkuanis ken okinchiuilij on hebreos*.

Romanos 8:28

Tikmatstokej ika Dios kitekitiltia para kuajli, nochi on tlajtlamach* yejuan impan nochiua on yejuan kitlajsojtlaj*, on yejuan okintlapejpenij para kichiuaj on tlen kineki.

1 Corintios 13:1

Tla nejua nitlajtlajtoskia ikan intlajtol* oksekimej tlakamej niman intlajtol* ángeles, pero xnitetlajsojtla, notlajtol xitlaj* ika tlapaleuiskia, yej san kakistiskia ken sen tambor noso sen kampana yejuan tsiliniskia.

Tito 2:14

Yejua san topampa onotemakak ipan mikilistli para techmakixtia itech nochi kech tlajtlakojli onkaj, niman para techchipaua kuajli. Yejua otechchipau para technoyaxkatia*, niman para tikpiyaskej miyek nekilistli para tikchiuaskej nochi tlen kuajli.

Hebreos 12:15

Xmotakan sano nemejuamej, maka yej semej nemejuamej xnenkiseliskej iueyitetlajsojtlalis Dios. Niman no xmotakan sano nemejuamej para maka nensemej yej nenmochiuaskej ken itlaj veneno niman ijkon nenkinmijtlakoskej miyekej.

1 Juan 2:19

Yejuamej totsajlan okiskej, pero ika tlen melauak xnejli tokniuan. Tla tokniuan yeskiaj, nokauaskiaj touan. Pero yejuamej okiskej totsajlan para onoteititijkej ika yejuamej xtokniuan.

El Apocalipsis 3:19

On yejuan nikintlajsojtla*, nikinchikajkanotsa, niman nikincastigaroua ijkuak kichiuaj tlen xkuajli. Yejua ika, xnechtlakamati ikan nochi moyojlo niman xmoyolpatla.