San Juan 15:19 - El Nuevo Testamento

¹⁹ Tla nemejuamej nemouikaskiaj ken on tlaltikpaktlakamej yejuan xnechneltokaj, yejuamej mechtlajsojtlaskiaj* ken yejuamej notlajsojtlaj. Pero nejua onemechtlapejpenij intsajlan on tlaltikpaktlakamej. Yejua ika, on tlaltikpaktlakamej mechtlauelitaj pampa xok nemouikaj ken yejuamej.

In yencuic iyectlajtoltzin Dios itech ica toTeco Jesucristo

¹⁹ Tla nemejhuamej nemohuicasquiaj quen on tlalticpactlacamej yejhuan xnechneltocaj, yejhuamej mechtlajsojtlasquiaj quen yejhuamej notlajsojtlaj. Pero nejhua onemechtlapejpenij intzajlan on tlalticpactlacamej. Yejhua ica on tlalticpactlacamej mechtlahuelitaj pampa xoc nemohuicaj quen yejhuamej.

San Juan 15:19 Iomraidhean Croise

San Mateo 10:22

Nochi tlakatl mechtlauelitas san pampa nennechneltokaj. Pero yejuan melajkanemis ikan itlaneltok hasta ijkuak nochi yopanok, Dios yejua kimakixtis.

San Mateo 24:9

’Kemaj nemejuamej mechtemakaskej para mechtlajyouiltiskej, niman mechmiktiskej, niman san nopampa nochi tlakatl mechtlauelitas.

San Lucas 6:32

’Tla nemejuamej nenkintlajsojtlaj san yejuamej on yejuan no ijki mechtlajsojtlaj, ¿tlinon más kuajli nenkichiuaj xken oksekimej?, pampa hasta on tlajtlakolejkej ijki kichiuaj.

San Juan 13:18

’In tlen nikijtoua xpara nochimej nemejuamej. Nejua nikixmatstikaj inyojlo nochimej on yejuan yonikintlapejpenij. Pero ika onkaj nochiuas on tlen kijtoua on Yektlajkuilojli: “On yejuan nouan tlakua, yonokuep notlauelikniu.”

San Juan 15:16

Nemejuamej xonennechtlapejpenijkej, yej nejua onemechtlapejpenij niman onemechtlalij ipan notekiu para xuiyan niman xpiyakan miyek tlakyotl yejuan nokauas para nochipa. Kemaj noTajtsin mechmakas nochi tlen nenkitlajtlaniliskej ikan notokatsin.

San Juan 6:70

Jesús okinmijlij: —Maski onemechtlapejpenij nemejuamej majtlaktli uan ome, nemotsajlan nemi se yejuan kitekipanoua on diablo*.

Santiago 4:4

¡Ay nemejuamej tlakamej yejuan xok nenkitokaj Dios! Nemejuamej ken sen siuatl yejuan auilnemi. ¿Xnenkimatij ika on yejuan kinekij ikan xkuajli eleuilistli on tlajtlamach* yejuan onkaj ipan in tlaltikpaktli, yejuamej nochiuaj itlauelikniuan Dios? San akinon yejuan ikan xkuajli eleuilistli kineki on tlajtlamach* yejuan onkaj ipan in tlaltikpaktli nochiua itlauelikniu Dios.

1 Pedro 4:3

Ipan on tiempo yopanok, nemejuamej onenkichijkej miyek xkuajli no ijki ken on yejuan xhebreos*. Onenkichijkej nochi tlen sanoyej xkuajli, onenkipixkej xkuajli eleuilistli, onenkichijkej iluimej kampa sanoyej nentlauaniyaj, nochipa nentlauantinemiyaj niman nenkinmauistiliayaj on ídolos.

1 Juan 3:12

Maka ma tikchiuakan ken Caín okichiu, yejuan tekoneu katka itech on diablo*, niman okimiktij ikniu. ¿Niman tline* okimiktij? Okimiktij pampa Caín kichiuaya on tlen xkuajli, niman on ikniu kichiuaya tlen kuajli.

El Apocalipsis 12:17

Kemaj on dragón sanoyej okualan itechkopa on siuatl, niman okinuisokito yejuan iuejkakoneuan on siuatl. In yejuamej on yejuan kitlakamatij itlanauatil Dios, niman ikan yolchikaualistli kijtouaj ika kineltokaj JesuCristo.

El Apocalipsis 12:9

Ijkon tej, on ueyi dragón okuajkixtijkej ne iluikak. On dragón, sano yejua on kouatl yejuan desde yeuejkaui nemi, itoka diablo* noso Satanás. Yejua okajkayau nochi tlakatl chanej* ipan in tlaltikpaktli. Yejua tej, niman iángeles okinuajxinijkej ipan in tlaltikpaktli.