San Juan 15:16 - El Nuevo Testamento

¹⁶ Nemejuamej xonennechtlapejpenijkej, yej nejua onemechtlapejpenij niman onemechtlalij ipan notekiu para xuiyan niman xpiyakan miyek tlakyotl yejuan nokauas para nochipa. Kemaj noTajtsin mechmakas nochi tlen nenkitlajtlaniliskej ikan notokatsin.

In yencuic iyectlajtoltzin Dios itech ica toTeco Jesucristo

¹⁶ Nemejhuamej xonennechtlapejpenijquej, yej nejhua onemechtlapejpenij niman onemechtlalij ipan notequiu para xhuiyan niman xpiacan miyec tlacyotl yejhuan nocahuas para nochipa. Quemaj noTajtzin mechmacas nochi tlen nenquitlajtlanilisquej ican notoca.

San Juan 15:16 Iomraidhean Croise

San Mateo 21:22

Niman tla nenkineltokaskej nochi tlen nenkitlajtlaniskej ijkuak nenkichiuaskej oración, nenkiseliskej.

San Mateo 7:7

’Xtlajtlanilikan Dios on tlen mechpoloua, niman yejua mechmakas. Xtejtemokan on tlen mechpoloua, niman nenkinextiskej. Xtetepinikan on tsakuiljyotl*, niman Dios mechtlapouilis.

San Lucas 6:13

Ijkuak otlanes, okiminnots inomachtijkauan*, niman de yejuamej okintlapejpenij majtlaktli uan ome nomachtijkej* yejuan okintokayotij apóstoles*.

San Juan 13:18

’In tlen nikijtoua xpara nochimej nemejuamej. Nejua nikixmatstikaj inyojlo nochimej on yejuan yonikintlapejpenij. Pero ika onkaj nochiuas on tlen kijtoua on Yektlajkuilojli: “On yejuan nouan tlakua, yonokuep notlauelikniu.”

San Juan 15:19

Tla nemejuamej nemouikaskiaj ken on tlaltikpaktlakamej yejuan xnechneltokaj, yejuamej mechtlajsojtlaskiaj* ken yejuamej notlajsojtlaj. Pero nejua onemechtlapejpenij intsajlan on tlaltikpaktlakamej. Yejua ika, on tlaltikpaktlakamej mechtlauelitaj pampa xok nemouikaj ken yejuamej.

San Juan 15:5

Nejua ken sen itemekayo on uvas niman nemejuamej ken nennomatsitsiuan. Xitlaj uelis nenkichiuaskej tla xnennemiskej nouan. On yejuan nochipa nemis nouan niman nochipa ninemis iuan kipiyas miyek itlakijlo.

San Juan 6:70

Jesús okinmijlij: —Maski onemechtlapejpenij nemejuamej majtlaktli uan ome, nemotsajlan nemi se yejuan kitekipanoua on diablo*.

Hechos 1:24

Niman kemaj ijkin okichikej oración: —ToTEKO, tejua yejuan tikixmati iyojlo nochi tlakatl, xtechititi katlejua tiktlapejpenia intech in omemej

Hechos 1:8

Yej, ijkuak on Espíritu Santo uajlas nemopan, nenkiseliskej poder. Niman noka nentenojnotsaskej ne Jerusalén, niman imanian Judea, niman Samaria, niman nochiuiyan ipan in tlaltikpaktli.

Hechos 10:41

Xokinotitij nochi tlakatl, yej san tejuamej yejuan Dios otechtlapejpenij para titestigos, tejuamej yejuan iuan otitlakuajkej niman iuan otatlikej sakin* ijkuak yonoyolitij* niman yonokuiteu ipan itlalkon.

Hechos 22:14

Kemaj onechijlij: “On yejuan iminDios toachtojtajuan omitstlapejpenij para tikixmatis on tlen yejua kineki, niman para tikitas on akin Yolmelajki niman para tikakis itlajtol yejuan yejua kijtoua.

Hechos 9:15

Pero on toTEKO okijlij: —Xuiya, pampa on tlakatl yoniktlapejpenij para tenojnotsas noka nejua intech on yejuan xhebreos*, reyes niman on hebreos*.

Romanos 1:13

Nokniuan, nikneki xmatikan ika miyekpa oniknek nemechonnotsas, pero hasta aman tlamach nechteltia. Nikneki nias para yakajmej nikinyolpatlas para más mieyekej ma kineltokakan Dios ijkon ken nikchiua inuan on oksekimej yejuan xhebreos*.

Romanos 1:5

Itechkopa JesuCristo, Dios onechmakak iueyitetlajsojtlalis* yejuan xnechtocarouaya nikselis. Niman ikan iteiknelilis* onechtitlan ken apóstol* para ma nikinnojnotsa on yejuan xhebreos* yejuan chantij ipan nochi países. Nikinnojnotsa para ma kineltokakan niman ma kitlakamatikan Dios.

Romanos 15:4

Nochi tlen ye uejkaui onijkuiloj ipan on Yektlajkuilojli, onijkuiloj para techmachtia. Onijkuiloj para on ijyouilistli niman teyoltlalilistli ma techmaka tlamachalistli* itechkopa on Yektlajkuilojli.

Romanos 9:21

On tlakatl yejuan kichijchiua on kontli yejua kitocaroua kijtos tlinon kichijchiuas ika on sokitl. Sano ika on sokitl yejua kitlapejnenia para kichijchiua sen kontli yejuan ipan kamanaj xochitl niman okse para ipan tlajsoltemalo.

1 Corintios 10:11

Nochi tlen impan onochiu on toachtojtajuan onotlajkuiloltlalij ipan on Yektlajkuilojli ken sen ejemplo para maka no ijki tikchiuaskej, yejuan tinemij ipan in sa ika nochi tiempo.

Gálatas 1:15

Pero Dios, ikan iueyitetlajsojtlalis* yejuan xnechtocarouaya nikselis, achtoj onechtlapejpenij ijkuak xe nitlakati para niktekipanos.

Efesios 2:10

Dios otechchijchiu itechkopa Cristo Jesús para ma tikchiuakan tlajtlamach* tlen kuajli yejuan Dios desde ye uejkaui okitlalij para ma tikchiuakan.

Colosenses 1:23

Pero in san nochiuas tla melauak yonenkineltokakej Cristo niman xkaman nenkauaj nemotlaneltok. Niman no noneki nochipa nentlamachaskej itech on kuajli tlajtojli yejuan kiteijlia ken Dios temakixtia yejuan onenkakkej. Yejua in kuajli tlajtojli noteijlia nochiuiyan imanian in tlaltikpaktli. Niman nejua Pablo yejua niknotekimaka para nikteijlia.

Colosenses 1:6

yejuan oyejkok nemotech. Nochiuiyan ipan in tlaltikpaktli más miyek tlakatl yokiselij Cristo ipampa in temachtijli. Ijkon onochiu nemotsajlan desde onenkakkej niman onenkajsikamatkej ika melauak Dios mechmaka iteiknelilis*.

1 Timoteo 2:7

Yejua ika in, Cristo Jesús onechkalaktij ken itenojnotskau, iapóstol* niman temachtijketl intech on yejuan xhebreos* para nikinmachtis ika on tlaneltoktli niman on tlen melauak. Nejua nikijtoua tlen melauak itech Cristo, niman xnitekajkayaua.

2 Timoteo 1:11

Dios onechtlapejpenij para nikteijlis in temachtijli, niman onechtitlan ken apóstol* para nikinmachtis on yejuan xhebreos*.

2 Timoteo 2:2

On tlen yotinechkakilij imixpan miyek testigos, xkinnauati on tlakamej yolmelajkej yejuan uelij kuajli temachtiaj para yejuamej ma temachtikan.

Tito 1:5

Onimitskau ipan on tlaluaktli itoka Creta para xchiua tlinon nejua xonitlan, niman para tikintlalis on ueuetkej tlayekankej itech tokniuan ipan itekiu Dios kampa tlaneltokaj ipan cada kalpan, sano ijki ken nejua onimitsnauatij.

Hebreos 11:4

Ipampa itlaneltok Abel, okixpantilij Dios sen uentli yejuan más kuajli xken on yejuan okixpantilij Caín. Yejua ika, Dios okiselij Abel ken yolmelajki niman okiselilij iuen. Maski Abel yomik, sanken* kiteititia itlaneltok yejuan okipix.

Santiago 3:18

Yejuamej kichiuaj kanika para onyas yolseuilistli niman yolmelajkilistli.

1 Pedro 3:15

Yej ipan nemoyojlo xtlakaitakan Cristo yejuan nemoTEKO. Nochipa xnemikan listos para nenkinnankiliskej nochimej on yejuan mechtlajtoltiskej de nemotlamachalis*.

1 Pedro 3:2

pampa kitas ika timouika ikan chipaualistli, niman kenijki tiktlakaita Dios.

1 Juan 4:10

Xmatikan tlinon kijtosneki in tetlajsojtlalistli*. In tetlajsojtlalistli* xkijtosneki ika otiktlajsojtlakej* Dios, yej yejua otechtlajsojtlak hasta okuajtitlan iKonetsin para omik ipan kojnepanojli* para otechtlapojpoluilij totlajtlakoluan.

1 Juan 4:19

Tejuamej tiktlajsojtlaj Dios pampa yejua achtopa otechtlajsojtlak.