San Juan 15:15 - El Nuevo Testamento

¹⁵ Xok nemechtokayotis tekichijkej pampa sen tekichijketl xkimati tlinon kichiua iteko. Pero nemechtokayotia nennotlajsojkaikniuan pampa yonemechijlij nochi tlen noTajtsin onechijlij.

In yencuic iyectlajtoltzin Dios itech ica toTeco Jesucristo

¹⁵ Xoc nemechtocayotia tequichijquej pampa se tequichijquetl xquimati tlen quichihua iteco. Pero nemechtocayotia notetlajsojcahuan pampa yonemechijlij nochi tlen noTajtzin onechijlij.

San Juan 15:15 Iomraidhean Croise

San Mateo 13:11

Yejua okinmijlij: —Nemejuamej Dios yomechkauilij para nenkimatiskej on tlinon iyantikatka* kenijki yejua tlamandaroua. Pero yejuamej in tlakamej xkinkauilia ma kimatikan.

San Lucas 10:23

Kemaj okimixtlaloj inomachtijkauan* niman okinmijlij yejuamej inseltimej: —Melauak tlatiochijtin on yejuan kitaj on tlen nemejuamej nenkitaj.

San Juan 12:26

Tla yakaj kineki nechtekipanos, ika onkaj yas nouan, niman ijkon kampa nejua ninemis, no ompa nemis on yejuan nechtekipanos. Tla yakaj nechtekipanos, noTajtsin kitlakaitas.

San Juan 13:16

Ika tlen melauak nemechijlia ika sen tetekichiuilijketl xejua más ueyixtikaj ken on iteko, niman nion on yejuan kanaj kititlanij xejua más ueyixtikaj ken on yejuan tetitlani.

San Juan 15:20

Xkelnamikikan on tlen onemechijlij: “Xakaj tlakeuajli más ueyixtikaj xken on iteko.” Tla nejua nechtlajyouiltiaj, nemejuamej no mechtlajyouiltiskej. Niman tla okitlakamatkej notemachtil, no kitlakamatiskej on yejuan nemejuamej nemotemachtil.

San Juan 16:12

’Nikpiya miyek tlinon más nemechijlis, pero nemejuamej xuelis nenkajsikamatiskej aman.

San Juan 17:26

Yonikinmachistij akin tejua, niman sanken* moka nitemachistis para on tetlajsojtlalistli* yejuan tinechpiyalia ma kipiyakan, niman para sano nejua intech ma ninemi.

San Juan 20:17

Jesús okijlij: —Maka xnechkiktsi pampa xe niau itech noTajtsin. Pero xuiya niman xkimijliti nokniuan ika yeniau itech noTajtsin niman nemoTajtsin, itech noDios niman nemoDios.

San Juan 4:19

Niman ijkuak on siuatl ijkon okak, okijlij Jesús: —Señor, nejua nikita ika tejua titiotlajtojketl.

San Juan 8:26

Nikpiya miyek tlajtlamach* tlen nemoka nikijtos niman tlen nemechtlajtlakoltis. Pero noTajtsin yejuan onechajtitlan yejua kijtoua tlen melauak. Niman tlen nikijtoua ipan in tlaltikpaktli on yejua onikak itech.

Hechos 20:27

pampa yonemechpantlantilij nochi on kech itetlakanonotsalis Dios.

Romanos 7:15

Nejua xnikajsikamati tlinon nikchiua. Tej, xniueli nikchiua on tlen kuajli nikneki, yej nikchiua on tlen xnikuelita.

1 Corintios 2:16

In Yektlajkuilojli kijtoua: “¿Akinon kimati on tlen toTEKO kinemilia? ¿Akinon uelis kimachtis Dios?” Pero tejuamej tikpiyaj on Espíritu Santo yejuan techititia tlinon Cristo kinemilia.

Gálatas 4:6

Niman pampa titekoneuan, Dios okuajtitlan ipan toyojlo iEspíritu on iKonetsin. Niman on Espíritu techchiualtia para tikijliaj Dios: “¡Abba*, noTajtsin!”

Efesios 1:9

Yejua otechpanextilij ken okinek on tlen xakaj kimatiya itechkopa Cristo.

Efesios 3:5

On tlen kiyantikatka Dios, xakaj okimachistij ipan okse tiempo, pero aman ikan iEspíritu Santo kinmachistia on yektitokej apóstoles* niman tiotlajtojkej.

Colosenses 1:26

yejuan iyantikatka* para nochi tlakatl. Pero aman Dios okipantlantij intech on iyolchipakauan.

Filemón 1:16

Aman xok tikpiyas ken sen esclavo, yej ken itlaj yejuan más ueyi kijtosneki xken sen esclavo. Kijtosneki ken sen motlajsojkaikniu. Nejua sanoyej* niktlajsojtla, pero tejua noneki tiktlajsojtlas más sanoyej xsan pampa sen tlaltikpaktlakatl, yej no pampa tokniu itech toTEKO.

Santiago 1:1

Nejua, Santiago, niitekitkau Dios niman toTEKO JesuCristo. Nemechtlajpaloua nemejuamej majtlaktli iuan ome familias tekoneuan itech Israel yejuan nenchajchayajtokej nochiuiyan ipan in tlaltikpaktli.

Santiago 2:23

Ijkon kuajli onochiu on tlen kijtoua on Yektlajkuilojli yejuan kijtoua: “Abraham okineltokak Dios, niman ipampa itlaneltok Dios okiselij ken sen yolmelajkatlakatl.” Niman Abraham okitokayotijkej itlajsojkaikniu* Dios.

1 Pedro 1:11

Ijkuak on Espíritu yejuan Cristo okinmakak okintitij on tlen Cristo kijyouis niman sakin* kipiyas ueyilistli, yejuamej kinekiyaj kimatiskej akinonon Cristo, niman kamanon nochiuas.

2 Pedro 1:1

Nejua, Simón Pedro, niitekitkau JesuCristo niman niiapóstol. Nemechijkuilouilia in tlajkuilolamatl para nemejuamej yejuan nenmelajkatlakamej ixpan Dios niman JesuCristo totemakixtijkau. Nemejuamej nenkipiyaj kualtsin nemotlaneltok yejuan sanoyej ueyi kijtosneki, no ijki ken tejuamej tikpiyaj.

Judas 1:1

Nejua Judas, niitekitkau JesuCristo, niman niikniu Santiago. Nemechtlajkuiluiya nemejuamej yejuan Dios toTajtsin omechnots para ikoneuan niman omechxeloj intech on tlajtlakolejkej niman mechejeua pampa nennemij san sekan iuan JesuCristo.

El Apocalipsis 1:1

Ipan in tlajkuilolamatl nikijkuiloua on tlajtlamach* yejuan Dios okinek para JesuCristo ma kinmachisti on itekitkauan on tlen saniman nochiuas. Cristo okimachistij Juan in tlajtlamach* itechkopa sen ángel.