San Juan 14:23 - El Nuevo Testamento

²³ Jesús okijlij: —Yejuan nechtlajsojtla* kejeuas on tlen nikijtoua. Niman noTajtsin kitlajsojtlas, niman noTajtsin niman nejua tiuajlaskej para iuan tichantiskej.

In yencuic iyectlajtoltzin Dios itech ica toTeco Jesucristo

²³ Jesús oquijlij: ―Yejhuan nechtlajsojtla quejehuas on tlen niquijtohua. Niman noTajtzin quitlajsojtlas, niman noTajtzin niman nejhua tihuajlasquej para ihuan tichantisquej.

San Juan 14:23 Iomraidhean Croise

San Juan 14:21

Yejuan kimati niman kitlakamati notlanauatiluan, melauak nechtlajsojtla*. Niman on yejuan nechtlajsojtla* noTajtsin no kitlajsojtlas. Niman nejua no niktlajsojtlas niman ninoteititis itech.

San Juan 14:15

’Tla nemejuamej nennechtlajsojtlaj, xtlakamatikan notlanauatiluan.

1 Juan 2:24

Yejua ika, xkejeuakan ipan nemoyojlo on temachtijli yejuan omechmachtijkej desde onenkineltokakej Cristo. Tla on temachtijli nokaua ipan nemoyojlo, nemejuamej nemokauaskej iuan Cristo on iKonetsin Dios, niman iuan toTajtsin Dios.

1 Juan 4:4

Notlajsojtlakoneuan, nemejuamej nentekoneuan itech Dios, niman on yejuan kinekij kixoxotoniliskej itekiu Cristo xomechkajkayajkej ikan on xkuajli temachtijli, pampa on Espíritu Santo yejuan nemouan nemi más kojtik xken on diablo* yejuan nemi ipan in tlaltikpaktli.

2 Corintios 6:16

Noso, ¿kenijki on itiopan Dios yejuan nochiua ikoneuan, uelis nemiskej san sekan inuan on tlamachijchiualtin ídolos? Nemejuamej tej, nemochiuaj itiopan on Dios yejuan nochipa nemi, ijkon ken sano Dios okijtoj: Intsajlan nichantis niman inuan nikistinemis. Nejua niiminDios yes niman yejuamej nokoneuan yeskej.

San Juan 10:30

Nejua niman noTajtsin san se titochiuaj.

San Juan 6:56

Yejuan kikua nonakayo niman koni noyesyo nemis san sekan nouan, niman nejua no ninemis san sekan iuan.

San Juan 14:17

Yejua tej, on Espíritu Santo yejuan mechtlamachilistis ika on tlen melauak. On tlaltikpaktlakamej xuelij kiseliaj, pampa xkitaj niman xkixmatij. Pero nemejuamej nenkixmatij, pampa yejua nemouan nemi niman nemouan nokauas.

El Apocalipsis 21:22

Ompa tej, nion sen tiopan xonikitak ipan on ueyikalpan, pampa toTEKO Dios yejuan nochi ueli kichiua niman on Borreguito, sano yejuamej tiopan.

El Apocalipsis 22:3

Ipan on ueyikalpan xok onyas tlajtlakomakalistli pampa xok yakaj tlajtlakos. On iueyixtikaj trono* Dios onyas ne ipan on ueyikalpan, niman on Borreguito no ompa nemis. Ompa on itekitkauan kimauistiliskej.

San Juan 8:51

Ika tlen melauak nemechijlia ika yejuan kichiua on tlen nejua nikijtoua, xkaman mikis.

San Juan 8:52

Ijkuakon on hebreos* okijlijkej: —Aman kuajli tikmatij ika tikpiya sen xkuajli espíritu. Abraham niman nochimej on tiotlajtojkej omikkej, niman tejua tikijtoua: “Yejuan kichiua on tlen nejua nikijtoua, xkaman mikis.”

San Juan 14:24

Yejuan xnechtlajsojtla xkejeua on tlen nikijtoua. In kuajli tlajtojli yejuan yonemechijlij xkisa notech, yej kisa itech noTajtsin yejuan onechajtitlan.

San Juan 15:10

Tla nenkitlakamatiskej notlanauatiluan, nemokauaskej ipan notetlajsojtlalis ijkon ken nejua niktlakamati itlanauatiluan noTajtsin niman ninokaua ipan itetlajsojtlalis*.

San Juan 16:27

pampa sano yejua toTajtsin mechtlajsojtla*. Mechtlajsojtla pampa nemejuamej nennechtlajsojtlaj niman nenkineltokaj ika nejua itech oniualeu.

Efesios 3:17

para Cristo ma nemi ipan nemoyojlo itechkopa nemotlaneltok. Niman niktlajtlanilia Dios para nemejuamej xmokojtilikan ipan on tetlajsojtlalistli* yejuan nenkipiyaj ken sen kojtli* yejuan uejkatlan nokiktsia ikan ineluayo, niman ken sen kajli yejuan uejkatlan peua.

1 Juan 2:5

Pero tla yakaj kichiua on tlen Dios kijtoua, tla ijkon, melauak ikan nochi iyojlo kitlajsojtla*.

1 Juan 5:3

Ijkuak tiktlakamatij itlanauatiluan Dios, sano yejua tiktlajsojtlaj. Niman itlanauatiluan xyetikej,

2 Juan 1:6

Totetlajsojtlalis kijtosneki ika tiktlakamatij itlanauatiluan Dios. Niman on tlanauatijli, yejuan nemejuamej onenkakkej desde ijkuak onempejkej nenkineltokaj Cristo, sano yejua in: xmotlajsojtlakan* nochipa.

El Apocalipsis 21:3

Niman sen chikauak tlajtojli yejuan ualeuaya iluikak, okijtoj: “Xkita, aman Dios chanti intsajlan on tlakamej. Yejua inuan chantis, niman yejuamej nochiuaskej ikoneuan. Sano yejua Dios inuan chantis niman yejua nochiuas iminDios.