San Juan 14:21 - El Nuevo Testamento

²¹ Yejuan kimati niman kitlakamati notlanauatiluan, melauak nechtlajsojtla*. Niman on yejuan nechtlajsojtla* noTajtsin no kitlajsojtlas. Niman nejua no niktlajsojtlas niman ninoteititis itech.

In yencuic iyectlajtoltzin Dios itech ica toTeco Jesucristo

²¹ Yejhuan quimati niman quitlacamati notlanahuatilhuan, melahuac nechtlajsojtla. Niman on yejhuan nechtlajsojtla noTajtzin no quitlajsojtlas. Niman nejhua no nictlajsojtlas niman ninoteititis itech.

San Juan 14:21 Iomraidhean Croise

San Lucas 11:28

Pero yejua okijtoj: —¡Dios más kintiochiua on yejuan kakij itlajtoltsin niman kitlakamatij!

San Juan 14:15

’Tla nemejuamej nennechtlajsojtlaj, xtlakamatikan notlanauatiluan.

San Juan 14:18

Nejua xnemechkauas ken iknomej, yej ninokuepas para nemouan nichantis.

San Juan 15:14

Niman nemejuamej nennotetlajsojkaikniuan, tla nenkichiuaj tlen nejua nemechnauatia.

San Juan 16:14

Yejua nechmakas ueyilistli pampa kiselis on tlen melauak noka nejua niman mechmachistis.

San Juan 16:27

pampa sano yejua toTajtsin mechtlajsojtla*. Mechtlajsojtla pampa nemejuamej nennechtlajsojtlaj niman nenkineltokaj ika nejua itech oniualeu.

San Juan 17:23

Nejua ninemi iminuan niman tejua tinemi nouan para yejuamej uajnochiuaj melauak san se niman ijki on tlaltikpaktlakamej uelis kimatiskej ika tejua otinechajtitlan, niman ika mokoneuan tikintlajsojtla* ken nejua tinechtlajsojtla.

Hechos 22:18

Onikitak toTEKO, niman onechijlij: “Isijkapan xkisa nikan Jerusalén pampa xkiseliskej on tlen noka tikijtos.”

2 Corintios 12:8

Niman yexpa yoniktlajtlanilij toTEKO para ma nechkixtili on tlajyouilistli.

2 Corintios 3:18

Tinochimej tejuamej yopoliu topan on tela para otitochijkej ken itlaj espejo yejuan ipan ueli petlani iueyilis toTEKO. Niman titochijtiuij más ken yejua ipan itlachalis pampa tikpiyaj más niman más de iueyilis. Niman in kichiua toTEKO yejuan Espíritu.

2 Corintios 4:6

Dios, yejuan otlanauatij ma petlani on tlauijli ne kampa tlayouatok, no yotechueliltij para itlauil ma petlani ipan toyojlo, niman ijkon yotikixmatkej iueyilis yejuan kipantlantia ipan ixayak JesuCristo.

2 Tesalonicenses 2:16

Ma toTEKO JesuCristo, niman Dios toTajtsin, yejuan techtlajsojtla* niman ikan iteiknelilis* otechmakak yolseuilistli para nochipa niman sen kuajli tlamachalistli*,

2 Timoteo 4:22

Ma toTEKO JesuCristo mouan nemi, niman ma Dios mechtiochiua nemochimej*. Ma ijki nochiua.

1 Juan 2:5

Pero tla yakaj kichiua on tlen Dios kijtoua, tla ijkon, melauak ikan nochi iyojlo kitlajsojtla*.

1 Juan 3:1

¡Xmatikan kenijki sanoyej* techtlajsojtla* Dios toTajtsin, hasta techtokayotiaj tiikoneuan Dios, niman melauak tiikoneuan! Yejua ika, on tlaltikpaktlakamej xtechixmatij pampa no xkixmatij Dios.

1 Juan 5:3

Ijkuak tiktlakamatij itlanauatiluan Dios, sano yejua tiktlajsojtlaj. Niman itlanauatiluan xyetikej,

2 Juan 1:6

Totetlajsojtlalis kijtosneki ika tiktlakamatij itlanauatiluan Dios. Niman on tlanauatijli, yejuan nemejuamej onenkakkej desde ijkuak onempejkej nenkineltokaj Cristo, sano yejua in: xmotlajsojtlakan* nochipa.

El Apocalipsis 2:17

Xpiyakan cuidado on tlen on Espíritu Santo kinmijlia on tlaneltokakej. On yejuan tetlaniskej nikinmakas ma kuakan on maná yejuan iyantikaj. Niman no nikinmakas sen tetsintli istak kampa tlajkuilolnestias sen yenkuik tokayotl yejuan xakaj kixmatis, yej san on yejuan kiselia kixmatis.”

El Apocalipsis 22:14

Sanoyej tlatiochijtiyeskej on yejuan kichipauaj intlaken para uelis kuaskej on tlen kitlakitia on kojtlakijlotl yejuan kitemaka nemilistli, niman uelis kalakiskej ipan on tsakuijlotl* ne ipan on ueyikalpan.

El Apocalipsis 3:20

Xmatstia ika nejua nijkatikaj tekiauatempan, niman nikteteloua on tsakuijlotl*. Tla yakaj kakis ika nikonotstikaj niman kitlapos itsakuijlou, nikalakis, niman iuan nitlakuas, niman yejua nouan tlakuas.