San Juan 14:16 - El Nuevo Testamento

¹⁶ Niman nejua niktlajtlanilis noTajtsin ma mechajtitlanili okse yejuan mechyolchikauas, mechpaleuis niman nemouan nemis para nochipa.

In yencuic iyectlajtoltzin Dios itech ica toTeco Jesucristo

¹⁶ Niman nejhua nictlajtlanilis noTajtzin ma mechajtitlanili ocse yejhuan mechyolchicahuas, mechpalehuis niman nemohuan nemis para nochipa.

San Juan 14:16 Iomraidhean Croise

San Mateo 28:20

Niman xkinmachtikan para ma kitlakamatikan nochi tlen yonemechnauatij. Niman xmatikan ika nejua mojmostla nemouan ninemis hasta ijkuak tlatlalpoliuis. Ma ijki nochiua.

San Juan 14:14

San tlinon yejuan nemejuamej nentlajtlaniskej ikan notoka, nikchiuas.

San Juan 14:18

Nejua xnemechkauas ken iknomej, yej ninokuepas para nemouan nichantis.

San Juan 14:26

Pero ijkuak noTajtsin kuajtitlanis on Espíritu Santo ikan notokatsin para mechyolchikauas niman mechpaleuis, yejua nochi mechmachtis niman mechelnamiktis nochi tlen yonemechijlij.

San Juan 15:26

’Pero nikuajtitlanis on Tlapaleuijketl yejuan kisas itech noTajtsin. Yejua on Espíritu Santo yejuan tekajsikamachiltis on tlen melauak. Ijkuak yejua uajlas noka tenojnotsas.

San Juan 16:22

No ijki nochiuas nemouan. Aman nenmajmanaj, pero nejua niuajlas nemechalitas, niman ijkuakon nemoyojlo sanoyej pakis. Niman yejua on pakilistli xakaj uelis mechkuilis.

San Juan 17:15

Nejua xnimitstlajtlanilia xkinkixti intsajlan on tlaltikpaktlakamej, yej nimitstlajtlanilia xkinmanaui de on diablo*.

San Juan 17:20

’Pero xnitlajtlani san impampa yejuamej, yej no impampa on yejuan nechneltokaskej itechkopa on temachtijli yejuan kiteijliskej.

San Juan 4:14

Pero akin konis on atl yejuan nikmakas xkaman amikis, pampa on atl yejuan nikmakas yejua ijtik ken itlaj ameyajli yejuan kimakas nemilistli para nochipa.

San Juan 7:39

Jesús okijtoj in itechkopa on Espíritu Santo yejuan kiseliskej on yejuan kineltokaskej. Ipan on tonaltin sanken* xe uajlaya on Espíritu Santo, pampa Jesús sanken* xe tlejkouaya ne iluikak para kiselis ueyilistli.

Hechos 1:4

Chika Jesús sanken* nemiya iuan iapóstoles* ijkin okinnauatij: —Maka xkisakan Jerusalén, yej xchakan para nenkiseliskej on Espíritu Santo yejuan toTajtsin okijtoj ika mechajtitlanilis ijkon ken nejua onemechijlij.

Hechos 13:52

Pero on tlaneltokakej sanoyej pakiyaj niman on Espíritu Santo nochimej okinyoltemitij.

Hechos 9:31

Kemaj on yejuan tlaneltokaj nouiyan ipan inueyitlalpan Judea, Galilea niman Samaria kipiyayaj yolseuilistli niman noyolchikauayaj. Kitlakaitayaj on toTEKO, niman kimpaleuiya on Espíritu Santo. Ijkon tej, más miyekixtiayaj.

Romanos 14:17

pampa kampa Dios tlamandaroua, tlen tikua noso tikoni xitlaj* kijtosneki. Pero on yolchipaualistli niman yolseuilistli, niman on paktli yejuan tikpiyaj itechkopa Espíritu Santo, yejua ueyi kijtosneki.

Romanos 15:13

Ma Dios, yejuan kitemaka tlamachalistli*, ma mechmaka nochi paktli niman yolseuilistli pampa nenkineltokaj para nenkipiyaskej miyek tlamachalistli* itechkopa ipoder on Espíritu Santo.

Romanos 5:5

Niman on tlamachalistli* xtikpoloskej pampa Dios yokitemitij toyojlo ikan itetlajsojtlalis* itechkopa on Espíritu Santo yejuan otechmakak.

Romanos 8:34

¿Akinon tej, uelis kintlajtlakolmakas? Xakaj uelis pampa Cristo yejuan omik niman oksejpa oyoliu* nemi ne iyekmakopa Dios kampa topampa tlajtojtikaj.

Gálatas 5:22

Pero on yejuan nouikaj ken kinyekana on Espíritu, kiteititiaj miyek tlajtlamach* kuajli yejuan kisa itech on Espíritu. Yejuamej tetlajsojtlaj*, pakij, noyolseuiyaj, noijyouiyaj, tenotskej, tepaleuiyaj ikan kuajli inyojlo, nochipa kichiuaj on tlen kijtouaj,

Filipenses 2:1

Tla Cristo nochi ika mechyoleua, pampa san sekan iuan nennemij, tla itetlajsojtlalis* mechyoltlalia, tla nennemij san sekan iuan iEspíritu Dios, niman tla nenkixmatij itetlajsojtlalis* niman iteiknelilis*,

2 Tesalonicenses 2:16

Ma toTEKO JesuCristo, niman Dios toTajtsin, yejuan techtlajsojtla* niman ikan iteiknelilis* otechmakak yolseuilistli para nochipa niman sen kuajli tlamachalistli*,

Hebreos 7:25

Yejua ika, yejua ueli kinmakixtia para nochipa on yejuan itechkopa kinisiuiyaj Dios, pampa yejua nochipa nemi para impampa kitlajtlanilijtikaj Dios ma kimpaleui.

1 Juan 2:1

Notlajsojkakoneuan, nemechtlajkuiluiya yejua in tlajtlamach* para maka nentlajtlakoskej. Pero tla yakaj tlajtlakoua, tikpiyaj totepantlajtojkau yejuan techpaleuis para tikseliskej tetlapojpoluilistli itech toTajtsin Dios. In totepantlajtojkau yejua JesuCristo yejuan yolmelajki.

1 Juan 2:27

Pero on Espíritu Santo, yejuan JesuCristo omechmakak, nokaua ipan nemoyojlo. Yejua ika, xpoliui para yakaj mechmachtis, pampa iEspíritu Dios mechmachtia nochi tlajtlamach* tlen melauak. Itemachtil melauak, niman xkaman mechmachtis on tlen xmelauak. Yejua ika tej, nochipa san sekan iuan Cristo xnemikan, ijkon ken mechmachtia on Espíritu Santo.

2 Juan 1:2

Nemechtlajsojtla ipampa on temachtijli yejuan melauak yejuan tikpiyaj ipan toyojlo, niman tikpiyaskej para nochipa.