San Juan 14:12 - El Nuevo Testamento

¹² Ika tlen melauak nemechijlia, ika yejuan nechneltokas kichiuas on tekitl tlen nikchiua. Niman yejua kichiuas on tekitl yejuan más uejueyi, pampa nejua niau itech noTajtsin.

In yencuic iyectlajtoltzin Dios itech ica toTeco Jesucristo

¹² Ica tlen melahuac nemechijlia, ica yejhuan nechneltocas quichihuas on tequitl tlen nicchihua. Niman yejhua quichihuas on tequitl yejhuan más huejhueyi, pampa nejhua niau itech noTajtzin.

San Juan 14:12 Iomraidhean Croise

San Mateo 21:21

Jesús okinmijlij: —Ika tlen melauak nemechijlia, ika tla nentlaneltokaj niman xnenometlamatij, xsan on tlen onikchiuilij on higuera* uelis nenkichiuaskej, yej no uelis nenkijliskej in tepetl: “Xmejkuanij nikan, niman xuetsiti ijtik on mar”, niman ijki nochiuas.

San Marcos 11:13

Jesús okontak uejka sen kojtli*, itoka higuera, yejuan xojyoj katka. Yejua oyaj para okitato tla kipiya itlakijlo. Ijkuak okinisiuij, xitlaj* okinextilij itlakijlo, yej san ixojyo kipiyaya pampa ijkuakon xe tiempo katka para tlakis.

San Marcos 16:17

Niman in tlamauisoltin kichiuaskej on akin tlaneltokaskej. Kinkixtiskej on xkuajkualtin espíritus ika notoka. Tlajtoskej ikan okseki yenkuik tlajtoltin.

San Juan 14:28

Aman yonenkakej ken nikijtoua ika ye niau, niman ika ninokuepas para oksejpa nemouan ninemis. Tla melauak nennechtlajsojtlaskiaj*, nempakiskiaj ika niau itech noTajtsin, pampa yejua más ueyixtikaj xken nejua.

San Juan 16:7

Pero nemechijlia tlen melauak. Más kuajli para nemejuamej tla nias, pampa tla nejua xnias, xuajlas on Tlapaleuijketl. Pero tla nias, nejua nikuajtitlanis nemotech.

San Juan 4:37

Tla ijkon, melauak ken kijtoua sen tlajtojli: “Se tlatôka niman okse pixka.”

San Juan 5:20

Tej, noTataj nechtlajsojtla* niman nechititia nochi tlen yejua kichiua. Yejua nechititis tlajtlamach* yejuan más uejueyi xken yejua in para nikchiuas. Ijkon tej, nemejuamej mechtlatlachaltis.

San Juan 7:33

Niman Jesús okijtoj: —Sa keski tonajli nemouan ninemis, niman kemaj nias itech on yejuan onechajtitlan.

San Juan 7:39

Jesús okijtoj in itechkopa on Espíritu Santo yejuan kiseliskej on yejuan kineltokaskej. Ipan on tonaltin sanken* xe uajlaya on Espíritu Santo, pampa Jesús sanken* xe tlejkouaya ne iluikak para kiselis ueyilistli.

Hechos 10:46

Ijkon okintlatlachaltij pampa kinkakiyaj on yejuan xhebreos* tlajtlajtouayaj ika sesetlamantik yenkuik tlajtoltin*, niman kiyekteneuayaj Dios.

Hechos 16:18

Ijkin okichiu miyek tonaltin. Ijkuak Pablo okiyolajxitij, ouajnokuep niman okijlij on xkuajli espíritu yejuan ipan nemiya: —Ikan itokatsin JesuCristo nimitsnauatia xkisa itech in ichpochtli. Niman on espíritu nimantsin okitlalkauij.

Hechos 19:12

Hasta opajtikej on kokoxkej ijkuak ika kintejtemoltiayaj on pañitos niman on tlakentin yejuan Pablo okinteloj. Niman on xkuajkualtin espíritus no kisayaj intech on tlakamej.

Hechos 2:33

Ijkon tej, Dios yokitlejkoltij yokitlalij iyekmakopa para más ueyixtias. Niman Jesús yokiselij on Espíritu Santo itech iTataj yejuan okiprometerouilij kimakas. Niman aman yotechmakak on tlen nenkitaj niman nenkakij.

Hechos 2:41

Ijkon tej, on yejuan okiselijkej itemachtil Pedro onokuatekijkej. Ipan on tonajli kanaj yeyi mil tlakamej teuan onopojkej intech on tlaneltokakej.

Hechos 4:16

Kijtouayaj: —¿Tlinon tikinchiuiliskej in tlakamej? Nochimej yejuan chantij Jerusalén kimatstokej ika yejuamej okichijkej sen ueyi milagro niman tejuamej xuelis tikiyanaskej.

Hechos 4:33

Niman ikan miyek poder, on apóstoles* sanken* tenojnotsayaj ken toTEKO Jesús onoyolitij* niman onokuiteu ipan itlalkon. Niman Dios sanoyej* okintiochiu nochimej yejuamej.

Hechos 4:4

Pero miyekej yejuan okakkej on temachtilistli otlaneltokakej. Niman okimpojkej san on yejuan tlakamej oajsik kanaj makuijli mil tlakamej.

Hechos 5:15

Ijkon tej, kinuajkixtiayaj on kokoxkej ipan calles niman kintlaliayaj ipan intlapech noso ipan impetl para ijkuak panos Pedro maski san itlaseuajlo* kimajsis semej yejuamej.

Hechos 6:7

On itlajtol Dios nochayajtiaya intech miyekej oksekimej. Niman on nomachtijkej* sanoyej miyekixtiayaj ne Jerusalén, niman hasta tiopixkej miyekej kiseliayaj on tlaneltoktli.

Hechos 8:7

Ijkon tej, miyekej tlakamej yejuan kipiyayaj on xkuajkualtin espíritus kimpajtiaya niman on xkuajkualtin espíritus tsajtsiyaj chikauak ijkuak kisayaj impan on tlakamej. Niman miyekej on yejuan sepouiyaj niman uilatsitsintin pajtiaya.

Hechos 9:34

Niman Pedro okijlij: —Eneas, JesuCristo yomitspajtij. Xmotelketsa niman xkuektlali motlapech. Kemaj nimantsin Eneas onotelkets.

Hechos 9:40

Kemaj Pedro okinkixtij nochimej, niman kemaj onotlakuantelkets niman okichiu oración. Kemaj ouajnokuep niman okontak on siuatl yejuan miktoya. Niman okijlij: —Tabita, xmokuiteua. Niman yejua okinuajtlapoj ixtololojuan, niman ijkuak okitak Pedro, ouajnotlalij.

Romanos 15:19

itechkopa ipoder on tlamauisoltin niman on milagros, niman itechkopa ipoder on Espíritu Santo. Ijkon tej, nouiyan desde Jerusalén hasta ne iueyitlalpan Ilírico kuajli yoniktemitij ika on kuajli tlajtojli yejuan kiteijlia ken Dios temakixtia.