San Juan 14:10 - El Nuevo Testamento

¹⁰ ¿Xtikneltoka ika nejua ninemi iuan noTajtsin niman noTajtsin nouan nemi? On tlajtlamach* tlen nemechijlia, xnejua notlajtol. On tekitl yejuan nikchiua, noTajtsin yejua kichiua notechkopa.

In yencuic iyectlajtoltzin Dios itech ica toTeco Jesucristo

¹⁰ ¿Xticneltoca ica nejhua ninemi ihuan noTajtzin niman noTajtzin nohuan nemi? On tlajtlamach tlen nemechijlia ocse onechijlij. On tequitl yejhuan nesi ica nicchihua, noTajtzin yejhuan nopan nocahua quichihua notechcopa.

San Juan 14:10 Iomraidhean Croise

San Juan 10:30

Nejua niman noTajtsin san se titochiuaj.

San Juan 10:38

Pero tla melauak nikchiua itekiu, xneltokakan on tlen nikchiua maski xnenkinneltokaj on tlen nemechijlia. Ijkon tej, xneltokakan para xmatikan ika melauak noTajtsin nouan nemi, niman nejua iuan ninemi.

San Juan 11:26

Niman nochi yejuan sanken* nemi niman nechneltoka, nemis para nochipa. ¿Tikneltoka in?

San Juan 12:49

Ijkon nochiuas pampa nejua xnikijtoua on tlen san nejua niknemilia, yej noTajtsin, yejuan onechajtitlan, yejua onechnauatij on tlen nikijtos niman nikteititis.

San Juan 14:11

Kemaj Jesús okinmijlij inomachtijkauan*: —Xneltokakan ika nejua ninemi iuan noTajtsin, niman noTajtsin nouan nemi. Pero tla xnenuelij nenkineltokaj on tlen nemechijlia, xneltokakan itechkopa on tekitl yejuan nikchiua.

San Juan 14:20

Ipan on tonajli nemejuamej nenkimatiskej ika ninemi iuan noTajtsin, niman nemejuamej nouan nennemij, niman nejua ninemi nemouan.

San Juan 14:24

Yejuan xnechtlajsojtla xkejeua on tlen nikijtoua. In kuajli tlajtojli yejuan yonemechijlij xkisa notech, yej kisa itech noTajtsin yejuan onechajtitlan.

San Juan 17:8

pampa yonikinmakak motemachtil yejuan otinechmakak, niman yejuamej yokiselijkej. Aman yejuamej kimatij ika melauak motech oniualeu, niman kineltokaj ika tejua otinechajtitlan.

San Juan 3:2

Nikodemo oyaj okinotsato Jesús ijkuak tlayoua, niman okijlij: —Temachtijketl, tikmatstokej ika Dios omitsajtitlan para otitechmachtiko, pampa xakaj ueli kiteititia ipoder ikan milagros* ken tejua tikchiua tla Dios xkipaleuiya.

San Juan 5:17

Pero Jesús okinmijlij: —NoTajtsin hasta aman tekiti, niman nejua no nitekiti.

San Juan 5:19

Kemaj Jesús okinmijlij: —Ika tlen melauak nemechijlia ika nejua yejuan niiKoneu Dios xueli nikchiua itlaj noselti, yej san niueli nikchiua on tlen nikita kichiua noTataj. On tlen noTataj kichiua no nikchiua.

San Juan 7:16

Jesús okinmijlij: —Notemachtil xnoyaxka*, yej onikselij itech on yejuan onechajtitlan.

San Juan 8:28

Yejua ika okinmijlij: —Ijkuak nemejuamej nennechajkopiloskej ipan sen kojnepanojli*, nejua yejuan oninochiu Tlakatl, ijkuakon nenkimatiskej akin nejua. Niman nenkimatiskej ika xitlaj* nikchiua yejuan san nejua nikneki, yej san nikijtoua on tlen noTajtsin yonechmachtij.

San Juan 8:38

Nejua nikijtoua on tlen noTajtsin nechititia, niman nemejuamej nenkichiuaj tlen nemotataj mechijlia.

San Juan 8:40

Pero maski nemechijlia on tlen melauak yejuan Dios yonechijlij, nemejuamej nenkinekij nemechmiktiskej. ¡Abraham xkaman itlaj ijkon okichiu!

Hechos 10:38

Nemejuamej nenkimatstokej kenijki Dios okimakak poder Jesús yejuan ualeua ne Nazaret, nimanokiyoltemitij ikan on Espíritu Santo. Niman no ijki nemejuamej nenkimatstokej kenijki Jesús nouiyan okichijtinen on tlen kuajli niman nochimej on yejuan itlaj ika kintlajyouiltiaya ipoder on diablo* okimpajtij, pampa Dios iuan nemiya.

2 Corintios 5:19

In tej, kijtosneki ika ipan on kojnepanojli* Dios nemiya iuan Cristo, niman ompa otlauelseu inuan on tlaltikpaktlakamej, niman okinselij, niman intech kitlalijtikatka iyolseuilis. Yejua xok okichiuilij cuenta on intlajtlakol. Niman tejuamej otechtlalij para tiktemachistiskej on temachtijli yejuan kijtoua kenijki Dios tlauelseui inuan on tlaltikpaktlakamej niman kinselia ikan yolseuilistli.

Colosenses 1:19

Dios ikan paktli okitlalij ipan Cristo, nochi tlen yejua ika tentikaj.

Colosenses 2:9

pampa nochi tlen Dios ika tentikaj, tiuelij tikitaj itech Cristo.

1 Juan 5:7

Ipan iluikak nemij yeyimej yejuan kitepannextiliaj ika JesuCristo melauak iKoneu Dios: toTajtsin, iTlajtoltsin, niman iEspíritu Santo. Niman in yeyimej san se tlajtojli kitepannextiliaj.