San Juan 13:8 - El Nuevo Testamento

⁸ Pero Pedro okijlij: —Nejua xkaman tinechimpajpakilis nokxiuan. Jesús okijlij: —Tla xnimitsimpajpakilis, xok nouan timopouas.

In yencuic iyectlajtoltzin Dios itech ica toTeco Jesucristo

⁸ Pero Pedro oquijlij: ―Nejhua xqueman tinechimpajpaquilis nocxihuan. Jesús oquijlij: ―Tla xnimitzimpajpaquilis, xoc nohuan timopohuas.

San Juan 13:8 Iomraidhean Croise

San Mateo 16:22

Kemaj Pedro okuikak oksekan niman ijkin okichikajkaijlij: —NoTEKO, ¡maka Dios kineki ijkon nochiuas! ¡Tejua xmitstocaroua para ijkon mopan nochiuas!

San Mateo 21:29

On ikoneu okijlij: “¡Ka! ¡Xnikneki nias!” Pero más sakin* kuajli ononemilij, niman oyaj otekitito.

San Mateo 26:33

Kemaj Pedro okinankilij: —Maski nochimej mitstlalkauiskej, nejua ka.

San Mateo 26:35

Pero Pedro okijlij: —Maski mouan ma nimiki, nejua xnimitsnenekis*. Niman nochimej on nomachtijkej* sano ijki okijtojkej.

San Juan 13:6

Ijkuak ye kimpajpakaskia ikxiuan Simón Pedro, Simón Pedro okijlij: —NoTEKO, ¿tejua tinechimpajpakilis nokxiuan?

San Juan 13:9

Simón Pedro okijlij: —Tla ijkon, noTEKO, maka san xnechimpajpakili nokxiuan, yej no xnechimpajpakili nomauan niman notsontekon.

San Juan 3:5

Niman Jesús okijlij: —Ika tlen melauak nimitsijlia, tla yakaj tlakatl xnokuatekiya ikan atl niman xtlakati itechkopa on Espíritu Santo, xuelis kalakis ne kampa Dios tlamandaroua.

Hechos 22:16

Aman tej, ¿tlinon tikcha? Xmotelkets niman xmokuateki, niman xkijli toTEKO para ma mitschipaua de motlajtlakoluan.”

1 Corintios 6:11

Sekimej nemejuamej nenkichiuayaj on ken on tlajtlakojli. Pero itechkopa toTEKO JesuCristo, niman itechkopa on iEspíritu toDios, yomechyolchipajkej niman nenmejejtokej itech Dios, niman sano Dios yokijtoj ika nochi nemotlajtlakoluan yokintlapojpoluij.

Efesios 5:26

Yejua ijkon okichiu para on yejuan tlaneltokaj okinnochipauilij. Okinnochipauilij ikan atl niman ikan itlajtoltsin Dios.

Colosenses 2:18

Maka xmokauilikan mechkixtilikan nemotetlayokolil on yejuan nopouaj ken sanoyej* yolyemankej niman kinyekteneuaj on ángeles. Yejuamej kijtouaj ika kiseliaj intlamatkilis* intechkopa on tlatlachalistin yejuan ken intemikpan, niman sanoyej noueyimatij ikan intlamachilis yejuan san yejuamej kinemiliaj.

Colosenses 2:23

Nochi in tlanauatiltin nesi melauak ken sanoyej ueyi kijtosneki, pampa sanoyej kinekij nouikaskej ipan intlaneltok, niman sanoyej nochiuaj yolyemankej maski xmelauak yolyemankej, niman hasta kitlajyouiltiaj intlalnakayo. Pero in xitlaj* ika kimpaleuiya para kixtiskej on xkuajli eleuilistli* ipan yejuamej.

Tito 3:5

otechmakixtij. Pero otechmakixtij xpampa tejuamej otikchijkej on tlen kuajli, yej pampa yejua otechiknelij. Otechmakixtij ikan iEspíritu Santo yejuan otechpajpak para tikpiyaskej yenkuik nemilistli, niman yejua otechyenkuilij.

Hebreos 10:22

Tla ijkon tej, ma tiknisiuikan Dios ikan nochi toyojlo niman ikan san se totlaneltok yejuan ajsitikaj*. Ma tiknisiuikan ikan totlamachilis yejuan Cristo yokichipau, niman ikan totlalnakayo yejuan yokipajpak ika on atl chipauak.

El Apocalipsis 1:5

No ijki, ma mechtiochiua JesuCristo yejuan nochipa kuajli tlajtoua ken testigo. Yejua achtoj oyoliu* niman onokuiteu ipan itlalkon para xok kaman mikis, niman kinmandaroua on reyes. Yejua techtlajsojtla* niman otechchipauilij toalma ikan iyesyo.

El Apocalipsis 7:14

Nejua onikijlij: “Señor, tejua tikmati akinomej niman kanon oualejkej.” Niman yejua onechijlij: “In yejuamej on yejuan youajkiskej ipan on temojtij tlajyouilistli. Niman yejuamej okimpakkej intlakeuan niman okimistalijkej ikan iyesyo on Borreguito.