San Juan 13:23 - El Nuevo Testamento

²³ Niman semej inomachtijkauan*, yejuan Jesús sanoyej kitlajsojtlaya*, nemiya inakastlan kampa tlakuajtikatkaj.

In yencuic iyectlajtoltzin Dios itech ica toTeco Jesucristo

²³ Niman semej inomachtijcahuan, yejhuan Jesús sanoyej quitlajsojtlaya, nemiya inacastlan ne campa tlacuajticatcaj.

San Juan 13:23 Iomraidhean Croise

San Lucas 16:22

Se tonajli on mayanki omik, niman on ángeles okuikakej para nemis iuan Abraham ne iluikak. On tlakatl yejuan rico katka no omik, niman okitokatoj.

San Juan 1:18

Xkaman yakaj kitaya Dios. Pero isenTekonetsin yejuan toTajtsin sanoyej kitlajsojtla* yejua yokiteititij.

San Juan 11:3

On omemej siuamej iknijtin otlatitlankej ijkin ma kijlitij Jesús: —ToTEKO, motejtlajsokaikniu* kualo.

San Juan 11:36

Niman on hebreos* okijtojkej: —Xkitakan ken sanoyej kitlajsojtlaya*.

San Juan 11:5

Jesús kintlajsojtlaya* Marta inuan ikniuan María niman Lázaro.

San Juan 13:24

Niman Simón Pedro okixnots para ma kitlajtolti akinon on yejuan kiteneuaya kitemakas.

San Juan 13:25

Yejua ika, on nomachtijketl más okinisiuij niman onotekak iyelpan Jesús, niman okitlajtoltij: —NoTEKO, ¿akinon on yejuan mitstemakas?

San Juan 19:26

Ijkuak Jesús okitak inanaj iuan ijkatikaj on nomachtijketl yejuan sanoyej kitlajsojtla*, okijlij inanaj: —Siuatl, ompa on nemi mokoneu.

San Juan 20:2

Kemaj onotlaloj ne kampa nemiyaj Simón Pedro niman on nomachtijketl yejuan Jesús sanoyej* kitlajsojtlaya*, niman okinmijlij: —Yokejkuanijkej toTEKO ipan itlalkon niman xtikmatij kanon okauatoj.

San Juan 21:20

Kemaj Pedro ouajnokuep, niman okitak ika kikuitlapanuiya on nomachtijketl yejuan Jesús sanoyej kitlajsojtlaya. (On nomachtijketl katka yejuan nemiya inakastlan Jesús ijkuak otlakuajkej, niman ijkin okitlajtoltij: “NoTEKO, ¿akinonon yejuan mitstemakas?”)

San Juan 21:24

In yejua nomachtijketl yejuan kitemachistia nochi ken okitak in tlajtlamach*, niman okijkuiloj nochi in tlajtlamach* ipan in amamoxtli*. Niman tikmatij ika on tlen kijtoua, yejua tlen melauak.

San Juan 21:7

Kemaj on nomachtijketl yejuan Jesús sanoyej kitlajsojtlaya*, okijlij Pedro: —¡Tlakaj yejua toTEKO! Niman ijkuak Simón Pedro okak ika yejua inTEKO, nimantsin onotlakentij pampa onotlakenkixtijka. Kemaj, ijkuak yonotlakentij, onatlajkal.