San Juan 13:10 - El Nuevo Testamento

¹⁰ Pero Jesús okijlij: —On yejuan kemach otlan naltia xok noneki nochi nopajpakas, yej san ikxiuan, pampa nochiuiyan chipajtikaj. Nemejuamej nenchipajtokej, maski impan nemoyojlo xnochimej nenchipajtokej.

In yencuic iyectlajtoltzin Dios itech ica toTeco Jesucristo

¹⁰ Pero Jesús oquijlij: ―On yejhuan quemach otlan naltia xoc nonequi nochi nopajpacas, yej san icxihuan, pampa nochihuiyan chipajticaj. Nemoyojlo chijchipajtoquej, masqui xnochimej.

San Juan 13:10 Iomraidhean Croise

San Mateo 6:12

Niman xtechtlapojpoluili totlajtlakoluan ijkon ken tejuamej tikintlapojpoluiyaj on yejuan techchiuiliaj tlen xkuajli.

San Juan 13:18

’In tlen nikijtoua xpara nochimej nemejuamej. Nejua nikixmatstikaj inyojlo nochimej on yejuan yonikintlapejpenij. Pero ika onkaj nochiuas on tlen kijtoua on Yektlajkuilojli: “On yejuan nouan tlakua, yonokuep notlauelikniu.”

San Juan 13:9

Simón Pedro okijlij: —Tla ijkon, noTEKO, maka san xnechimpajpakili nokxiuan, yej no xnechimpajpakili nomauan niman notsontekon.

San Juan 15:3

Nemejuamej yonenchipajkej itechkopa on temachtijli yejuan yonemechijlij.

2 Corintios 5:17

Yejua ika, tla yakaj nemi san seknek iuan Cristo, yejua sen yenkuik tlakatl ipan inemilis. On xkuajli inemilis yejuan kipiyaya yopanok, niman aman kipiya yenkuik inemilis.

2 Corintios 5:21

Maski Cristo xokichiu nion se tlajtlakojli, Dios san topampa okimakak castigo ken tlajtlakolej yeskia. In onochiu para Dios ma techseli ken tiyolmelajkej ijkuak san sekan tinemij iuan Cristo.

2 Corintios 7:1

Aman tej, notlajsojkaikniuan, pampa Dios techmaka nochi in promesas, ma tikixtikan ipan totlalnakayo niman toalma nochi on tlen techijtlakoua. Niman ma kuajli titoyolchipauakan pampa tikmakajsij toTEKO.

1 Tesalonicenses 5:23

Sano yejua Dios, on yejuan mechmaka yolseuilistli, ma tlami mechyolchipaua. Niman ma kejeua nemoespíritu, nemoalma niman nemotlalnakayo para maka ijtlakauis ijkuak uajlas toTEKO JesuCristo.

Hebreos 9:10

On yeuejkaui costumbre san se onkatka ika on tlen kikuayaj, ika on tlen koniyaj niman ika on ken nochipauayaj ikan atl. In tlanauatiltin tlapaleuiyayaj san chika Dios xe kipatlaya on tlajtlamach*.

Santiago 3:2

Tinochimej tikchiuaj miyek tlajtlamach* tlen xkuajli. Pero tla yakaj ikan inenepil nochipa san kijtoua tlen kuajli, yejua melauak de nochi kuajli tlakatl, niman ueli kuajli kimandaroua nochi itlalnakayo.