San Juan 13:1 - El Nuevo Testamento

¹ Sa se tonajli poliuiya ijkuak on hebreos* kichiuaj on iluitl itoka Pascua*. Jesús kimatstikatka ika yoyejkok on tiempo para yejua kajteuas in tlaltikpaktli niman yas itech iTajtsin. Yejua nochipa okintlajsojtlak* on iyaxkauan* yejuan nemij ipan in tlaltikpaktli, niman aman kintitia kech ika sanoyej* kintlajsojtla.

In yencuic iyectlajtoltzin Dios itech ica toTeco Jesucristo

¹ Sa se tonajli polihuiya ijcuac on hebreos quipanohuaj on ilhuitl itoca pascua. Jesús quimatzticatca ica yoyejcoc on tiempo para yejhua cajtehuas in tlalticpactli niman yas itech iTajtzin. Yejhua nochipa oquintlajsojtlac on iyaxcahuan yejhuan nemij ipan in tlalticpactli, pero aman quintitiaj quech ica sanoyej quintlajsojtla.

San Juan 13:1 Iomraidhean Croise

San Mateo 26:45

Kemaj oyaj ne kampa nemiyaj on inomachtijkauan*, niman okinmijlij: —¿Hasta aman nenkochij niman nenmoseuijtokej? Yoyejkok on hora ijkuak nechtemaktiliskej ipan inmauan on tlajtlakolejkej nejua yejuan oninochiu Tlakatl.

San Mateo 28:20

Niman xkinmachtikan para ma kitlakamatikan nochi tlen yonemechnauatij. Niman xmatikan ika nejua mojmostla nemouan ninemis hasta ijkuak tlatlalpoliuis. Ma ijki nochiua.

San Lucas 22:53

Mojmostla nemouan ninemiya ne ipan iueyitiopan Dios, niman xonennechajsikej, pero ipan in hora Dios mechkauilia nenkichiuaj on tlen nenkinekij. Aman ipoder Satanás tetlani.

San Lucas 9:51

Ijkuak ye nisiu katka on tonajli ika Jesús tlejkos iluikak, okajsik iojui ikan yolchikaualistli para Jerusalén.

San Juan 11:55

Ye nisiu katka para on hebreos* kichiuaskej on iluitl Pascua*, niman miyek tlakatl yejuan ualeuayaj nochiuiyan ipan on país oyaj ne Jerusalén para nochipauaskej ken intlanauatil on hebreos* tlanauatia.

San Juan 12:23

Niman Jesús okinmijlij: —Yoyejkok on tonajli ijkuak nejua yejuan oninochiu Tlakatl nikselis ueyilistli.

San Juan 13:29

Judas kipiyaya on bolsa kampa kejeuaj tomin. Yejua ika, sekimej okinemilijkej ika Jesús kijliaya itlaj ma kouati yejuan kitekitiltiskej ipan on iluitl, noso itlaj ma kinmaka on mayankej.

San Juan 13:34

Nemechmaka in yenkuik tlanauatijli: xmotlajsojtlakan* inuan oksekimej. Ijkon ken nejua nemechtlajsojtla*, nemejuamej no ijki xmotlajsojtlakan* inuan oksekimej.

San Juan 14:28

Aman yonenkakej ken nikijtoua ika ye niau, niman ika ninokuepas para oksejpa nemouan ninemis. Tla melauak nennechtlajsojtlaskiaj*, nempakiskiaj ika niau itech noTajtsin, pampa yejua más ueyixtikaj xken nejua.

San Juan 14:31

nikchiuas on tlen noTajtsin onechnauatij para in tlaltikpaktlakamej kimatiskej ika nejua niktlajsojtla* noTajtsin. Xmotelketsakan, ma titejkuanikan de nikan.

San Juan 16:28

Melauak nejua onikis itech noTajtsin niman oniuajlaj ipan in tlaltikpaktli. Niman aman nikajteuas in tlaltikpaktli niman oksejpa nias itech noTajtsin.

San Juan 17:1

Ijkuak Jesús yotlan kijtoua in tlajtlamach*, oajkotlachix ne iluikak, niman okijtoj: —NoTajtsin, yoyejkok in hora. Xnechueyili nejua yejuan nimoKoneu para nejua no nimitsueyilis.

San Juan 17:16

Ijkon ken nejua xninouika ken on tlaltikpaktlakamej, yejuamej no xnouikaj ken on tlaltikpaktlakamej.

San Juan 17:26

Yonikinmachistij akin tejua, niman sanken* moka nitemachistis para on tetlajsojtlalistli* yejuan tinechpiyalia ma kipiyakan, niman para sano nejua intech ma ninemi.

San Juan 17:5

Aman tej, noTajtsin, ne kampa tinemi, xnechmaka on ueyilistli yejuan mouan nikpiyaya ijkuak in tlaltikpaktli xe onkatka.

San Juan 18:4

Pampa Jesús ye kimatstikatka tlinon ipan nochiuas, ouajla okinnamikiko, niman okintlajtoltij: —¿Akinon nenkitejtemouaj?

San Juan 19:28

Kemaj ijkuak nochi in yopanok, Jesús kimatstikatka ika nochi itekiu yotlan, niman para onocumpliroj on Yektlajkuilojli, ijkin okijtoj: —Nejua namiki.

San Juan 2:13

Kemaj ika ye nisiu uajlaya on iluitl itoka Pascua* yejuan on hebreos* kejeuayaj, Jesús oyaj ipan on ueyikalpan Jerusalén.

San Juan 6:4

Ipan on tonaltin ye nisiu katka para on hebreos* kichiuaskej on iluitl itoka Pascua*.

San Juan 7:30

Kemaj kinekiyaj kajsiskej, pero xakaj okajsik pampa sanken* xe ajsiya on tonajli para ijkon nochiuas.

San Juan 7:6

Kemaj Jesús okinmijlij: —Sanken* xe yejko on tonajli para nias, pero para nemejuamej san katlejua tonajli kuajli para nenyaskej.

San Juan 8:20

Jesús okijtoj in tlajtlamach* chika temachtiaya ne ijtik on ueyitiopan kampa kejeuayaj on uentomin. Pero xakaj okajsik, pampa sanken* xe yejkoya on tonajli para ijkon ipan nochiuas.

Romanos 8:37

Pero ipan nochi in, tikmatstokej ika titetlanij nochipa itechkopa Cristo yejuan otechtlajsojtlak.

1 Corintios 1:8

Sano Dios mechmelajkapiyas hasta ijkuak nochi tlamis, para maka mechtlajtlakolmakas ijkuak uajlas toTEKO JesuCristo.

Hebreos 3:14

Titlapoualtin iuan Cristo, tla hasta on sa ika nochi tonajli timelajkanemij ipan on tlaneltoktli yejuan otikpixkej ijkuak opeu tikneltokaj Cristo.

Hebreos 3:6

Pero Cristo yejuan yolchipauak tekoneu, kuajli okichiu nochi itekiu yejuan Dios okimakak intech ikoneuan. Tejuamej tiikoneuan tla tikejeuaj totlaneltok niman totlamachalis* yejuan tikpiyaj.

Hebreos 6:11

Niman tiknekij para cada se de nemejuamej ma kiteititi hasta ijkuak mikis on iyoleualis, para nochi on tlen kicha kiselis.

1 Pedro 1:13

Yejua ika, xtlamachilistlachakan para kuajli xtlanemilikan. Kuajli xmoyekanakan. Xmachakan ikan nochi nemoyojlo iueyitetlajsojtlalis* Dios yejuan nenkiseliskej ijkuak JesuCristo uajlas.

1 Juan 4:19

Tejuamej tiktlajsojtlaj Dios pampa yejua achtopa otechtlajsojtlak.

El Apocalipsis 1:5

No ijki, ma mechtiochiua JesuCristo yejuan nochipa kuajli tlajtoua ken testigo. Yejua achtoj oyoliu* niman onokuiteu ipan itlalkon para xok kaman mikis, niman kinmandaroua on reyes. Yejua techtlajsojtla* niman otechchipauilij toalma ikan iyesyo.