San Juan 12:44 - El Nuevo Testamento

⁴⁴ Jesús okijtoj ikan chikauak tlajtojli: —Yejuan nechneltoka xsan nejua nechneltoka, yej no kineltoka noTajtsin yejuan onechajtitlan.

In yencuic iyectlajtoltzin Dios itech ica toTeco Jesucristo

⁴⁴ Jesús oquijtoj ican chicahuac tlajtojli: ―Yejhuan nechneltoca xsan nejhua nechneltoca, yej no quineltoca noTajtzin yejhuan onechajtitlan.

San Juan 12:44 Iomraidhean Croise

San Mateo 10:40

’On yejuan mechselia, sano ijki ken nejua nechseliskia. Niman yejuan nechselia no kiselia on yejuan onechajtitlan.

San Marcos 9:23

Jesús okijlij: —¿Tline tinechijlia: “Tla tiuelis”? Tla yej tejua titlaneltoka, Dios nochi uelis mitschiuilis.

San Marcos 9:37

—San akinon yejuan nopampa kiselis sen konetl ken in, nejua nechselia, niman on yejuan nechselia, xsan nejua nechselia, yej no kiselia Dios on yejuan onechajtitlan.

San Juan 11:43

Ijkuak ijkon okijtoj, kemaj ikan chikauak tlajtojli okinots Lázaro: —¡Lázaro, xuajkisa!

San Juan 13:20

Ika tlen melauak nemechijlia ika yejuan kiselia on yejuan niktitlani, no nechselia nejua. Niman on yejuan nejua nechselia, no kiselia on yejuan onechajtitlan.

San Juan 5:24

’Ika tlen melauak nemechijlia: Yejuan kuajli kaki on tlen nikijtoua niman kineltoka on yejuan onechajtitlan kipiya nemilistli para nochipa. Niman xkitlajtlakolmakaskej, yej ialma yonomanauij itech mikilistli, niman aman kipiya nemilistli para nochipa.

San Juan 7:28

Ijkuak Jesús ijkon okak, chika temachtijtikatka ipan on ueyitiopan, ikan chikauak tlajtojli okijtoj: —¿Melauak nennechixmatij niman nenkimatstokej kanon niualeua? Nejua xoniuajlaj san pampa nejua oniknek, yej oniuajlaj pampa onechajtitlan on yejuan melauak nochipa kichiua tlen kijtoua. Niman nemejuamej xnenkixmatij.

1 Pedro 1:21

Ipampa Cristo nemejuamej nenkineltokaj Dios, yejuan okiyolitij, niman oketsteu ipan itlalkon, niman okimakak ueyilistli. Ijkon tej, nemejuamej nenkipiyaj nemotlaneltok niman nemotlamachalis* itech Dios.