San Juan 12:43 - El Nuevo Testamento

⁴³ Ijkon tej, xkijtouayaj ika tlaneltokaj pampa yejuamej más kuelitayaj kiseliskej tlakaitalistli de on tlakamej xken kiseliskej tlakaitalistli de Dios.

In yencuic iyectlajtoltzin Dios itech ica toTeco Jesucristo

⁴³ Ijcon, tej, xquipantlantiayaj intlaneltoc pampa yejhuamej más cuelitayaj para tlacamej ma quintlacaitacan xej para Dios ma quintlacaita.

San Juan 12:43 Iomraidhean Croise

San Mateo 6:2

’Yejua ika, ijkuak nenkimpaleuiskej on yejuan mayankej, maka xtemachistikan ken kichiuaj on omexayakyejkej ne ipan on sinagogas*, tiopamej niman ipan calles. Yejuamej kichiuaj san para on tlakamej ma kintlakaitakan. Pero nejua ika tlen melauak nemechijlia ika san ika on tlen kichiuaj ye kipiyaj intlayokolil.

San Lucas 16:15

Kemaj Jesús okinmijlij: —Nemejuamej nenkichiuaj para nennesij ken sanoyej* nenkuajkualtin tlakamej imixpan on tlakamej, pero Dios kixmati nemoyojlo. Xmatikan ika on tlen on tlakamej kiseliaj ken ueyixtikaj, para Dios xitlaj* kijtosneki.

San Lucas 19:17

Niman on rey okijlij on tlakatl: “Sanoyej kuajli tlen otikchiu. Tejua tikuajli tekitketl. Niman pampa otikpix kuajli moyojlo ipan on tlen achijtsin onimitsmakak, nimitsmaktilis majtlaktli kalpanmej para titekiuaj yes.”

San Juan 12:26

Tla yakaj kineki nechtekipanos, ika onkaj yas nouan, niman ijkon kampa nejua ninemis, no ompa nemis on yejuan nechtekipanos. Tla yakaj nechtekipanos, noTajtsin kitlakaitas.

San Juan 5:41

’Nejua xniktejtemoua para on tlakamej ma nechueyiteneuakan.

San Juan 5:44

¿Kenijki tej, uelis nennechneltokaskej tla sano nemejuamej nenkimoseliliaj on ueyiteneualistli niman xnenkitejtemouaj on ueyiteneualistli yejuan san Dios kitemaka?

San Juan 7:18

On yejuan tlajtlajtoua san on tlen yejua kinemilia, kichiua san para on tlakamej ma kueyilikan. Pero on yejuan kichiua kanika para yej ma kiueyilikan on yejuan oteuajtitlan, on yejua kijtoua tlen melauak niman xkaman tlakajkayaua.

San Juan 8:54

Jesús okinmijlij: —Tla sano nejua ninotlakaita, notlakaitalis xitlaj* kijtosneki. Pero noTajtsin kemaj nechtlakaita, on yejuan nemejuamej nenkijtouaj ika nemoDios.

Romanos 2:29

Yej melauak hebreo* on yejuan hebreo* ipan iyojlo. Niman on neskayotl itoka circuncisión yejuan melauak, onkaj ipan teyojlo. On neskayotl yejuan melauak, sen tlakatl kiselia itechkopa on Espíritu Santo niman xpampa kitlakamati on tlanauatijli. On yejuan melauak hebreo* xkiselia yekteneualistli intech on tlakamej, yej itech Dios.

Romanos 2:7

Niman on yejuan kichiuaj kanika para kitejtemouaj on ueyilistli, niman tetlakaitalistli niman nemilistli yejuan para nochipa itechkopa on tlen kuajli kichiuaj, Dios kinmakas yenkuik nemilistli yejuan para nochipa kipiyaskej.

1 Corintios 4:5

Yejua ika tej, maka yakaj xtlajtlakolmakakan itlaj ika ijkuak xe yejko on tonajli ijkuak uajlas toTEKO. Ipan on tonajli yejua kipanextis nochi on yejuan iyantikaj, niman kiteititis ken cada se kinemilia ipan iyojlo. Niman ijkuakon Dios kiyekteneuas cada se ken noneki.

2 Corintios 10:18

Ijkon xchiuakan, pampa sen tlakatl xkitlakaitaj tla sano yejua noueyiteneua, yej kiselia tekaitalistli ijkuak Dios kiueyiteneua ika okichiu tlen kuajli.

1 Tesalonicenses 2:6

Tejuamej xkaman tiknekij para on tlakamej ma techyekteneuakan, nemejuamej noso oksekimej.

1 Pedro 3:4

Yej nemokualtsinka* noneki kisas ipan nemoyojlo. Sen siuatl ikualtsinyo kisa ipan iyojlo ijkuak yolyemanki* niman tenotski. In yejua ueyi kijtosneki ixpan Dios.