San Juan 12:26 - El Nuevo Testamento

²⁶ Tla yakaj kineki nechtekipanos, ika onkaj yas nouan, niman ijkon kampa nejua ninemis, no ompa nemis on yejuan nechtekipanos. Tla yakaj nechtekipanos, noTajtsin kitlakaitas.

In yencuic iyectlajtoltzin Dios itech ica toTeco Jesucristo

²⁶ Tla yacaj quinequi nechtequipanos, ica oncaj yas nohuan, niman ijcon campa nejhua ninemis, no ompa nemis on yejhuan nechtequipanos. Tla yacaj nechtequipanos, noTajtzin quitlacaitas.

San Juan 12:26 Iomraidhean Croise

San Mateo 16:24

Kemaj Jesús okinmijlij on inomachtijkauan*: —Tla yakaj kineki nouan yas, ma kelkaua nochi on tlen más kitlajsojtla, ma nemi listo para tlajyouis noso mikis nopampa, niman kemaj ma uajla nouan.

San Mateo 25:21

Iteko okijlij: “¡Sanoyej kuajli! Tejua tikuajli tekitketl, niman otikchiu ken oniknek. Aman ika kuajli otiktekitiltij on achijtsin, más miyek nimitstlanetis. Nouan xpiya pakilistli.”

San Marcos 8:34

Kemaj Jesús okominnots on tojlamej niman on inomachtijkauan*, niman okinmijlij: —Tla yakaj kineki nouan yas, ma kelkaua nochi on tlen más kintlasojtla, ma nemi listo para tlajyouis noso mikis nopampa, niman kemaj ma uajla nouan.

San Lucas 12:37

Tlatiochijtin yeskej para on tekitkej yejuan ijkuak uajlas inteko kinuajnextis tlajtlachixtokej. Ika tlen melauak nemechijlia ika sano inteko nochiuas intekichiuilijkau. Kemaj kinnotsas ma uajlakan ipan mesa niman kemaj kintlamakas.

San Lucas 6:46

’¿Tline nennechijliaj, “noTEKO, noTEKO”, niman xnenkichiuaj on tlen nemechijlia?

San Lucas 9:23

Niman nochimej okinmijlij: —Tla yakaj kineki nouan yas, ma kelkaua nochi on tlen más kintlasojtla, ma nemi listo para tlajyouis mojmostla noso mikis nopampa, niman kemaj ma uajla nouan.

San Juan 10:27

Noborregos nechtenkakij, niman nejua nikimixmati niman yejuamej nechkuitlapanuiyaj.

San Juan 13:16

Ika tlen melauak nemechijlia ika sen tetekichiuilijketl xejua más ueyixtikaj ken on iteko, niman nion on yejuan kanaj kititlanij xejua más ueyixtikaj ken on yejuan tetitlani.

San Juan 14:15

’Tla nemejuamej nennechtlajsojtlaj, xtlakamatikan notlanauatiluan.

San Juan 14:3

Niman ijkuak yonitlayektlalito, oksejpa niuajlas niman nemechuikas para nemejuamej no nennemiskej kampa nejua ninemis.

San Juan 15:20

Xkelnamikikan on tlen onemechijlij: “Xakaj tlakeuajli más ueyixtikaj xken on iteko.” Tla nejua nechtlajyouiltiaj, nemejuamej no mechtlajyouiltiskej. Niman tla okitlakamatkej notemachtil, no kitlakamatiskej on yejuan nemejuamej nemotemachtil.

San Juan 17:24

’NoTajtsin, nikneki para on yejuan otinechinmakak nouan nemiskej kampa ninemis para ma kitakan on ueyilistli yejuan otinechmakak. Nikpiya on ueyilistli pampa otinechtlajsojtlak desde ijkuak in tlaltikpaktli xe onkatka.

San Juan 21:22

Jesús okijlij: —Tla nejua nikneki para yejua ma nemi hasta ijkuak oksejpa niuajlas, on xejua motekiu. Tejua xuajla nouan.

Romanos 1:1

Nejua, Pablo, niitekitkau JesuCristo. Dios onechnots niman onechkalaktij para niapóstol. Yejua onechtlapejpenij para nikteijlis on kuajli tlajtojli yejuan kiteijlia ken Dios temakixtia.

Romanos 14:18

Yejuan ijkin kitekipanoua Cristo, kipaktia Dios niman on tlakamej kitlakaitaj.

2 Corintios 4:5

Ijkuak titemachtiaj, xtoka tejuamej titemachtiaj, yej tikteijliaj ika JesuCristo yejua toTEKO niman ika tejuamej titochiua nemotekipanokauan pampa tiktlajsojtlaj Jesús.

2 Corintios 5:8

Yejua ika, nochipa tikpiyaj toyojlo itech, niman más tiknekiskiaj ma tiktlalkauikan totlalnakayo niman ma tichantitij iuan toTEKO.

Gálatas 1:10

Sekimej mechijliaj ika nejua nitemachtia san para nikimpaktia on tlakamej. ¿Nemejuamej nenkinemiliaj ika nikneki nikimpaktis on tlakamej? ¡Melauak tej, ika ka! Nejua ijkon nikijtoua pampa nikneki ma nikpakti Dios. Tla niknekiskia nikimpaktiskia tlakamej, tla ijkon, xok niitekitkau yeskia Cristo.

Filipenses 1:23

Sanoyej ouijtikaj* tlinon más kuajli para nejua. Niknekiskia nimikis para nias itech Cristo, pampa on más kuajli yeskia para nejua.

Colosenses 3:24

Ijkon xchiuakan, pampa nenkimatstokej ika toTEKO mechmakas sen herencia. Nemejuamej nenkitekipanouaj Cristo yejuan melauak toTEKO.

Colosenses 4:12

No ijki mechtlajpaloua Epafras yejuan nemochanejkau niman itekipanojkau Cristo. Yejua nochipa sanoyej kitlajtlanilia Dios para nemejuamej xmelajkanemikan niman xchijchikajtiakan ipan nemotlaneltok, niman para kuajli nenkimatiskej on tlen Dios kineki para nenkichiuaskej.

2 Pedro 1:1

Nejua, Simón Pedro, niitekitkau JesuCristo niman niiapóstol. Nemechijkuilouilia in tlajkuilolamatl para nemejuamej yejuan nenmelajkatlakamej ixpan Dios niman JesuCristo totemakixtijkau. Nemejuamej nenkipiyaj kualtsin nemotlaneltok yejuan sanoyej ueyi kijtosneki, no ijki ken tejuamej tikpiyaj.

1 Juan 5:3

Ijkuak tiktlakamatij itlanauatiluan Dios, sano yejua tiktlajsojtlaj. Niman itlanauatiluan xyetikej,

Judas 1:1

Nejua Judas, niitekitkau JesuCristo, niman niikniu Santiago. Nemechtlajkuiluiya nemejuamej yejuan Dios toTajtsin omechnots para ikoneuan niman omechxeloj intech on tlajtlakolejkej niman mechejeua pampa nennemij san sekan iuan JesuCristo.

El Apocalipsis 14:4

In tlakamej xonijtlakojkej inuan siuamej. Yejuamej xkaman teuan onotekakej. Niman san kanon yau on Borreguito, yejuamej ompa iuan yauij. Yejuamej okinkojkej intsajlan on tlaltikpaktlakamej. Niman yejuamej nochiuaj achtoj ofrenda para Dios niman para on Borreguito.