San Juan 12:16 - El Nuevo Testamento

¹⁶ Achtoj on inomachtijkauan* Jesús xokajsikamatkej on tlajtlamach*. Pero ijkuak Jesús otlejkok ne iluikak, okelnamikkej ika nochi on ye ijki tlajkuilolnestikatka itech yejua, niman ijki mero ipan onochiu.

In yencuic iyectlajtoltzin Dios itech ica toTeco Jesucristo

¹⁶ Ijcuac on onochiu, inomachtijcahuan Jesús xocajsicamatquej on tlajtlamach. Pero ijcuac Jesús otlejcoc ne ilhuicac, oquelnamiquej ica nochi yejhua on ye ijqui tlajcuilolnesticatca yejhua itech, niman ica ijqui mero ipan onochiu.

San Juan 12:16 Iomraidhean Croise

San Marcos 16:19

Niman kemaj ijkuak Jesús yokinnojnots, Dios okuikak ne iluikak kampa onotlalij ipan iyekmatsin.

San Marcos 9:32

Pero on inomachtijkauan* xkajsikamatiyaj tlinon kinmijliaya niman nomojtiayaj para kitlajtojliskej ma kinmelajkaijli on tlen kimijlijtikatka.

San Lucas 18:34

Nochi on tlen okinmijlij xokajsikamatkej, pampa nochi on tlajtlamach* tlen okinmijlij, Dios xokinkauilij ma kajsikamatikan. Yejuamej tej, nion achijtsin xkimatiyaj tlinon ika tlajtlajtojtikatka.

San Lucas 24:25

Kemaj Jesús okinmijlij: —¡Sanoyej mechpoloua kajsikamatilistli, niman sanoyej nemouejkauaj para nenkineltokaj nochi on tlen okijtojkej on tiotlajtojkej!

San Lucas 24:45

Kemaj okinkajsikamachiltij on tlen onkaj ipan on Yektlajkuilojli.

San Lucas 9:45

Pero on nomachtijkej* xkajsikamatiyaj tlinon yejua kinmijliaya, pampa xe kinkauiliaya kimatiskej. Niman yejuamej nomojtiayaj kitlajtoltiskej Jesús ma kinmelajkaijli on tlen kimijlijtikatka.

San Juan 12:23

Niman Jesús okinmijlij: —Yoyejkok on tonajli ijkuak nejua yejuan oninochiu Tlakatl nikselis ueyilistli.

San Juan 14:26

Pero ijkuak noTajtsin kuajtitlanis on Espíritu Santo ikan notokatsin para mechyolchikauas niman mechpaleuis, yejua nochi mechmachtis niman mechelnamiktis nochi tlen yonemechijlij.

San Juan 16:4

Pero in nemechijlia para ijkuak ajsis on tonajli ijkuak ijkon mechchiuiliskej, nenkelnamikiskej ika nejua yonemechijlijka. ’Ijkuak onipeu nenmechmachtia, xonenmechijlij in tlajtlamach* pampa nejua nemouan ninemiya.

San Juan 17:5

Aman tej, noTajtsin, ne kampa tinemi, xnechmaka on ueyilistli yejuan mouan nikpiyaya ijkuak in tlaltikpaktli xe onkatka.

San Juan 2:22

Yejua ika, ijkuak Jesús oyoliu* niman onokuiteu ipan itlalkon, on inomachtijkauan* okelnamikkej in tlen yejua okijtojka. Yejua ika okineltokakej on Yektlajkuilojli niman on tlajtojli yejuan okinmijlijka.

San Juan 7:39

Jesús okijtoj in itechkopa on Espíritu Santo yejuan kiseliskej on yejuan kineltokaskej. Ipan on tonaltin sanken* xe uajlaya on Espíritu Santo, pampa Jesús sanken* xe tlejkouaya ne iluikak para kiselis ueyilistli.

Hechos 2:33

Ijkon tej, Dios yokitlejkoltij yokitlalij iyekmakopa para más ueyixtias. Niman Jesús yokiselij on Espíritu Santo itech iTataj yejuan okiprometerouilij kimakas. Niman aman yotechmakak on tlen nenkitaj niman nenkakij.

Hechos 2:36

’Yejua ika, nochi kech nenhebreos* ipan in país de Israel xmatikan kuajli niman maka xometlamatikan ika in Jesús yejua on yejuan nemejuamej onenkajkopilojkej ipan kojnepanojli, Dios yokitlalij para yejua toTEKO niman yejua Cristo.

Hechos 3:13

On iDios Abraham niman Isaac, niman Jacob niman yejuan no iminDios on toachtojtajuan okueyilij Jesús on iKonetsin. Pero nemejuamej yej onenkitemaktilijkej, niman onenkinenekej* ixpan Pilato ijkuak yejua kinekiya kimakauas.

Hebreos 12:2

Ma tikixkechikan Jesús yejuan itech ualeua totlaneltok niman sano yejua kimelajkatlalia. Jesús xokichiuilij cuenta on tlen tepinajtij ijkuak omik ipan kojnepanojli*, pampa kimatstikatka ika tla yotlajyouij, kipiyas paktli. Niman yejua onotlalij iyekmakopa itrono Dios kampa tlamandaroua.

Hebreos 8:1

Aman nochi on tlen yotiktenejkej yejuan más ueyi kijtosneki sano yejua in: Tikpiyaj sen ueyi tlayekanki tiopixki, niman aman ne iluikak yejua noseuijtikaj iyekmakopa on trono* kampa on toueyi Dios tlamandaroua.