San Juan 11:48 - El Nuevo Testamento

⁴⁸ Tla ijki tikauiliskej ma kichiua, nochi tlakatl kineltokas niman on romanos kixoxotoniskej toueyitiopan niman in topaís.

In yencuic iyectlajtoltzin Dios itech ica toTeco Jesucristo

⁴⁸ Tla ijqui ticahuilisquej ma quichihua, nochi tlacatl quineltocas niman on romanos quixoxotonisquej tohueyi tiopan niman in topaís.

San Juan 11:48 Iomraidhean Croise

San Mateo 22:7

Kemaj, on rey sanoyej okualan, niman okintitlan isoldados para no ma kiminmiktitij on yejuan otemiktijkej, niman para kitlatiskej on iminueyikalpan.

San Mateo 22:9

Yejua ika tej, xuiyan ipan iesquinas on calles, niman nochimej on yejuan nenkinnamikiskej xkinnotsakan ma uajuiyan ipan in iluitl.”

San Mateo 24:15

’On yejuan kinomachtis itlajkuilol Daniel ma kajsikamati. Yejua otlajkuiloj itechkopa on xkuajli uentli yejuan tetlajyeloj* kitlaliskej ne kampa tlayekkan. Ijkon tej, ijkuak nemejuamej nenkitaskej ika on tlen Daniel okijkuiloj ye nochijtikaj,

San Mateo 27:25

Niman nochimej on tlakamej okijtojkej: —¡Tejuamej niman tokoneuan topan ma uetsi on tlajtlakojli ipampa on imikilis!

San Lucas 11:52

’¡Lástima para nemejuamej temachtijkej ikan itlanauatil Dios!, pampa xnenkinkauiliaj on tlakamej ma kajsikamatikan on tlajtlamach* itechkopa Dios. Nemejuamej xnenkiseliaj on tlajtlamach* nion xnenkinkauiliaj oksekimej ma kiselikan yejuan kinekij.

San Lucas 8:12

On ojtli yejuan ipan oxinito keski xinachtli kijtosneki inyojlo on tlakamej yejuan kakij itlajtol Dios. Pero uajlau on diablo* niman kejkuania ipan inyojlo itlajtol Dios para maka ma kineltokakan niman maka ma nomakixtikan.

San Juan 1:7

Yejua ouajlaj ken sen testigo niman okitemachistiko de on tlauijli para ijkon nochimej ueliskej tlaneltokaskej.

Hechos 5:28

—Sanoyej otemechchikajkanauatijkej para maka sa xtemachtikan ikan itoka Jesús. Aman xkitakan on tlen onenkichijkej. Yonenkitemiltijkej ikan nemotemachtil imanian nochi Jerusalén niman nenkinekij nentechtlajtlakoltiskej ika imikilis on tlakatl.