San Juan 11:41 - El Nuevo Testamento

⁴¹ Kemaj okejkuanijkej on tetl. Niman Jesús oajkotlachix ne iluikak, niman okijtoj: —NoTajtsin, nimitsmaka tlaxtlauijli pampa tinechkaki.

In yencuic iyectlajtoltzin Dios itech ica toTeco Jesucristo

⁴¹ Quemaj oquejcuanijquej on tetl. Niman Jesús oajcotlachix ne ilhuicac, niman oquijtoj: ―NoTajtzin, nimitzmaca tlaxtlahuijli pampa tinechcaqui.

San Juan 11:41 Iomraidhean Croise

San Mateo 11:25

Ipan on tonajli Jesús okichiu oración. Ijkin okijtoj: —Nimitsyekteneua noTajtsin, tejua yejuan iTEKO on iluikak niman in tlaltikpaktli. Nimitsyekteneua pampa nochi in tlajtlamach* xotikinmachistij on tlajmatkej niman on tlakajsikamatkej, pero otikinmachistij on yejuan ken kokonej.

San Mateo 11:26

Melauak noTajtsin, otikchiu ijkon ken tejua otiknek.

San Mateo 27:60

Kemaj okauato ipan on tlalkontli yenkuik yejuan iyaxka. On tlalkontli okichijchijka ipan sen techinantli. Niman kemaj okimimilojtiaj sen tetl sanoyej ueyi para okitentsaku. Niman ijkuak yokitentsaku on tlalkontli, oyaj.

San Marcos 15:46

Kemaj José okou sen tela istak yejuan sanoyej* patioj. Niman ijkuak okitemoltij on imikatlalnakayo Jesús, okitejkuix ikan on tela istak. Kemaj okitôkato ijtik sen tlalkontli yejuan okichkuakej ipan teostotl. Niman ne itenko okimimilojtiajkej sen tetl sanoyej ueyi, niman ika okitentsakukej.

San Lucas 10:21

Kemaj on Espíritu Santo sanoyej okipaktij Jesús niman Jesús okijtoj: —Nimitsueyilia noTajtsin, iTEKO iluikak niman tlaltikpaktli, pampa otikinmiyanilij in tlajtlamach* on yejuan tlamatkej niman on tlakajsikamatkej, niman otikimpantlantilij on yejuan mitsneltokaj ken kokonej. Kemaj, noTajtsin, ijki otikchiu pampa tejua ijki otiknek.

San Lucas 18:13

Pero on tlacobrarojketl san uejka onokau niman xkinekiya nion achijtsin para ajkotlachas ne iluikak, yej san noyelpanuitekiya ikan ajmantli niman kijtouaya: “¡Ay Dios, noTajtsin, xnechikneli*! Nejua sanoyej nitlajtlakolej.”

San Lucas 24:2

Ijkuak ompa oajsikej, okitakej ika on tetl yejuan ika tentsakutikatka on tlalkontli yokejkuanijkaj.

San Juan 11:22

Pero nejua nikmatstikaj ika Dios mitsmakas nochi tlen tiktlajtlanilis.

San Juan 17:1

Ijkuak Jesús yotlan kijtoua in tlajtlamach*, oajkotlachix ne iluikak, niman okijtoj: —NoTajtsin, yoyejkok in hora. Xnechueyili nejua yejuan nimoKoneu para nejua no nimitsueyilis.

San Juan 20:1

Saniman ipan on tonajli domingo ijkuak sanken* tlayouatok katka, María Magdalena oyaj itech on tlalkontli. Niman ijkuak oajsik, okitak ika xok ompa onkatka on tetl yejuan kitentsakutikatka on tlalkontli.

Hechos 7:55

Pero Esteban yejuan yoltentikatka ikan Espíritu Santo ontlachix iluikak niman okitak iueyilis Dios, niman Jesús ompa ijkatikatka iyekmakopa Dios.

Filipenses 4:6

Maka itlaj xkonmatstiakan, yej nochipa xchiuakan oración. Xtlajtlanilikan Dios tlen mechpaloua niman xmakakan tlaxtlauijli.