San Juan 11:25 - El Nuevo Testamento

²⁵ Kemaj Jesús okijlij: —Nejua nikinyoliuitia on yejuan yomikkej niman nikinmaka nemilistli oksejpa. Yejuan nechneltokas, maski mikis, nemis oksejpa.

In yencuic iyectlajtoltzin Dios itech ica toTeco Jesucristo

²⁵ Quemaj Jesús oquijlij: ―Nejhua niquinyolihuitia on yejhuan mimiquej niman niquinmaca nemilistli ocsejpa. Yejhuan nechneltocas, masqui miquis, nemis ocsejpa.

San Juan 11:25 Iomraidhean Croise

San Lucas 23:43

Niman Jesús okinankilij: —Ika tlen melauak nimitsijlia ika aman nouan tinemis ne iluikak.

San Juan 1:4

ITlajtoltsin Dios kitemaka on nemilistli yejuan para nochipa. Niman on nemilistli kitemaka tlauijli yejuan nochi tlakatl kimaka kajsikamatilistli.

San Juan 14:19

Sa keski tonaltin niman on tlaltikpaktlakamej xok nechitaskej, pero nemejuamej nennechitaskej. Niman nemejuamej nennemiskej pampa nejua ninemi.

San Juan 14:6

Jesús okinankilij: —Nejua niojtli, nitlin melauak, niman ninemilistli. Tej, san nejua notechkopa uelis ajsiskej itech noTajtsin.

San Juan 3:16

’Tej, Dios sanoyej* okintlajsojtlak* on tlaltikpaktlakamej, hasta okitemakak isenteKonetsin para nochi on akin kineltokas xpoliuis, yej kipiyas nemilistli para nochipa.

San Juan 3:36

Yejuan kineltoka iKonetsin Dios kipiya nemilistli para nochipa, pero on yejuan xkitlakamati xkipiyas in nemilistli, yej kiselis on temojtij icastigo Dios.

San Juan 5:21

Ijkon ken noTataj kinyoliuitis* on mikatsitsimej niman kinmakas nemilistli, nejua yejuan niiKoneu no ijki nikmakas nemilistli on yejuan niknekis nikmakas.

San Juan 5:26

Ijkon ken noTajtsin kitemaka nemilistli para nochipa, no ijki nejua yejuan niiKoneu niktemaka nemilistli para nochipa.

San Juan 6:35

Niman Jesús okinmijlij: —Nejua nipan yejuan kitemaka nemilistli. Yejuan notech uajlau xkaman apismikis, niman yejuan nechneltokas xkaman amikis.

San Juan 6:44

Xakaj ueli notech uajlau tla xkinotsa noTajtsin. Niman nejua nikyolitis niman nikuiteuas ipan itlalkon ipan on sa ika nochi tonajli.

Hechos 3:15

Ijkon tej, nemejuamej onenkimiktijkej on yejuan kitemaka yenkuik nemilistli. Pero Dios okiyolitij* niman okuiteu ipan itlalkon, niman yejua ika tejuamej tiktepanextiliaj.

Romanos 4:17

On Yektlajkuilojli ijkin kijtoua: “Onimitstlalij titajtli ipan miyek países.” In onochiu pampa Abraham okineltokak Dios, on Dios yejuan kinyoliuitia on mikatsitsimej, niman yejuan san ika itlanauatil kichiua para ma onya on tlen xonkatka.

Romanos 8:2

Itechkopa JesuCristo, ipoder on tlanauatijli yejuan kisa itech on Espíritu Santo yonechmanauij itech ipoder on tlanauatijli de tlajtlakojli. On tlanauatijli de tlajtlakojli nechuikaya ipan mikilistli, pero aman on Espíritu Santo nechuika ipan nemilistli.

1 Corintios 15:18

Niman tla ijkon, on mikatsitsimej yejuan okineltokakej Cristo no ixpolijtokej.

1 Corintios 15:29

Tla on mikatsitsimej xyoliskej* niman xnokuiteuaskej, ¿tline tej, sekimej impampa nokuatekiyaj? ¿Tlinon para tej, ijkon kichiuaj tla xkineltokaj ika ipan okse tonajli on mikatsitsimej yoliskej*?

2 Corintios 4:14

Titlajtlajtouaj pampa tikmatstokej ika Dios yejuan okiyoliuitij* niman okuiteu toTEKO Jesús ne ipan itlalkon no techyoliuitis niman techkuiteuas ipan totlalkon, pampa tinemij san sekan iuan Jesús. Niman san sekan nemouan techuikas ne ixpan.

Filipenses 1:23

Sanoyej ouijtikaj* tlinon más kuajli para nejua. Niknekiskia nimikis para nias itech Cristo, pampa on más kuajli yeskia para nejua.

Filipenses 3:10

Nikneki nikixmatis Cristo, niman ipan in nemilistli yejuan amantsin nikpiya nikneki nikpiyas on ipoder yejuan okiselij ijkuak oyoliu* niman onokuiteu ipan itlalkon. Niman no nikneki nikijyouis on tlen yejua okijyouij, niman nimikis ken yejua omik.

1 Tesalonicenses 4:14

Tikneltokaj ika Jesús omik niman onokuiteu ipan itlalkon. Yejua ika tej, tikneltokaj ika Dios kinuikas iuan Jesús on tlaneltokakej yejuan yomikkej ijkuak uajlas oksejpa.

El Apocalipsis 1:18

Nejua nikpiya nemilistli. Nejua tej, onimikka, pero xkita, aman nikpiya nemilistli para nochipa. Nejua nikpiya poder para nikinyolitis on yejuan yomikkej niman nikpiya poder para niktlapos niman niktsakuas kampa nemij on mikatsitsimej.

El Apocalipsis 20:5

In yejuan otlamandarojkej iuan Cristo yejuamej achtoj oyolijkej niman onokuitejkej impan intlalkon. Pero on oksekimej mikatsitsimej xoyolkej hasta ijkuak opanok on se mil xipan.

El Apocalipsis 21:4

Dios kimpopouilis nochi iminixayo, niman xok onyas mikilistli, nion chokistli, nion ajmantli, nion kokolistli*, pampa nochi tlen achtoj onkatka yopanok.”

El Apocalipsis 22:1

Kemaj on ángel onechititij on río yejuan kipiya on atl de nemilistli. Niman on atl chipauak katka ken itlaj teskatl. On atl ualejtoya ne itech on ueyixtikaj itrono* Dios, niman itech on Borreguito,

El Apocalipsis 22:17

On Espíritu Santo niman isiuau on Borreguito ijkin mitsijlia: “¡Xuajla!” Niman on yejuan kakis, no ijki ma kijto: “¡Xuajla!” Niman on yejuan amiki, ma uajla, niman ma koni on atl de nemilistli yejuan notetlayokolia.