San Juan 10:6 - El Nuevo Testamento

⁶ Jesús okinmijlij in ejemplo, pero yejuamej xokajsikamatkej tlinon kinekiya kimijlis.

In yencuic iyectlajtoltzin Dios itech ica toTeco Jesucristo

⁶ Jesús oquintlalilij yejhua in ejemplo, pero yejhuamej xocajsicamatquej tlinon quinequiya quimijlis.

San Juan 10:6 Iomraidhean Croise

San Mateo 13:34

Nochi yejua in Jesús okinmijlij on tlakamej ikan ejemplos niman xitlaj* kinmijliaya tla xikan ejemplo.

San Mateo 13:51

Kemaj Jesús okintlajtoltij: —¿Nochi nenkajsikamatij yejua in? Yejuamej okijtojkej: —Kemaj, toTEKO.

San Marcos 4:34

Yejua kinmachtiaya san ikan ejemplos niman xitlaj* kinmijliaya tla xikan ejemplo. Pero ijkuak Jesús sa iselti nemiya inuan inomachtijkauan*, yejua kinmijliaya tlinon kijtosneki on ejemplos.

San Juan 16:25

’In tlajtlamach* yonemechijlij ikan ejemplos. Pero yejkos on tonajli ijkuak xok nemechnojnotsas ikan ejemplos, yej kuajli nemechmejlakanojnotsas itechkopa noTajtsin.

San Juan 16:29

Kemaj on inomachtijkauan* okijlijkej: —Aman kemaj kuajli titechnojnotsa xok ikan ejemplos.

San Juan 6:52

Kemaj on hebreos* opejkej sano yejuamej nokamauisojkij. Kijtouayaj: —¿Kenijki tej, uelis sano inakayo techkualtis?

San Juan 6:60

Ijkuak miyekej inomachtijkauan* ijkon okakkej, okijtojkej: —Yejua in tlen tikijtoua sanoyej* ouijtikaj* para tikseliskej. ¿Akinon uelis kiselis in temachtijli?

San Juan 7:36

¿Tlinon kijtosneki on ika otechijlij: “Nennechtejtemoskej pero xnennechnextiskej”, niman “Xuelis nenyaskej kampa nejua ninemis”?

San Juan 8:27

Pero yejuamej xokajsikamatkej ika kiteneuaya on iTajtsin.

San Juan 8:43

¿Tline* xueli nenkajsikamatij on tlen nemechijlia? On pampa xnenkinekij nenkiseliskej notemachtil.

1 Corintios 2:14

On yejuan xkipiya iEspíritu Dios, xkiselia on tlajtlamach* yejuan on Espíritu temachtia pampa para yejua on xitlaj* kijtosneki. Niman xueli kajsikamati on tlajtlamach* pampa on san yejuan kipiya iEspíritu Dios ueli kajsikamati.

2 Pedro 2:22

Pero kuajli impan onocumpliroj on ken kijtoua on tlajtojli: “On chichi* oksejpa kikua isotlal, niman on pitso yejuan kemach okonaltijkej oksejpa onnosokipopolaktia.”

1 Juan 5:20

No tikmatstokej ika iKonetsin Dios youajlaj, niman yotechmakak kajsikamatilistli para tikixmatiskej yejuan melauak Dios. Aman tinemij san sekan iuan on yejuan melauak Dios. In kijtosneki tinemij san sekan iuan iKonetsin. JesuCristo yejua melauak Dios, niman yejua techmaka yenkuik nemilistli para nochipa.