San Juan 10:25 - El Nuevo Testamento

²⁵ Jesús okinmijlij: —Yonemechijlij niman xonennechneltokajkej. On tlajtlamach* yejuan nikchiua ikan itokatsin noTajtsin, yejua kiteititia akin nejua.

In yencuic iyectlajtoltzin Dios itech ica toTeco Jesucristo

²⁵ Jesús oquimijlij: ―Yonemechijlij niman xonennechneltocajquej. On tlajtlamach yejhuan nicchihua ipan itocatzin noTajtzin nechteixpantiaj aquin nejhua.

San Juan 10:25 Iomraidhean Croise

San Juan 10:32

Niman Jesús okinmijlij: —Nemixpan yonikchiu miyek tlajtlamach* tlen kuajli itechkopa ipoder noTajtsin. ¿Katlejua de in tlajtlamach* ika nennechmojmotlasnekij?

San Juan 10:37

Tla xnikchiua itekiu noTajtsin, maka xnechneltokakan.

San Juan 10:38

Pero tla melauak nikchiua itekiu, xneltokakan on tlen nikchiua maski xnenkinneltokaj on tlen nemechijlia. Ijkon tej, xneltokakan para xmatikan ika melauak noTajtsin nouan nemi, niman nejua iuan ninemi.

San Juan 11:47

Yejua ika, on fariseos* niman intlayekankauan on tiopixkej onosentlalijkej inuan on más uejueyi tekiuajkej ipan on sanedrín* niman okijtojkej: —¿Tlinon tikchiuaskej? In tlakatl kichiua miyek milagros.

San Juan 12:37

Maski Jesús okichiu miyek milagros* imixpan, xkineltokayaj.

San Juan 14:11

Kemaj Jesús okinmijlij inomachtijkauan*: —Xneltokakan ika nejua ninemi iuan noTajtsin, niman noTajtsin nouan nemi. Pero tla xnenuelij nenkineltokaj on tlen nemechijlia, xneltokakan itechkopa on tekitl yejuan nikchiua.

San Juan 20:30

Jesús okichiu okseki miyek milagros* imixpan on inomachtijkauan* yejuan xtlajkuilolnestikaj ipan in amamoxtli*.

San Juan 3:2

Nikodemo oyaj okinotsato Jesús ijkuak tlayoua, niman okijlij: —Temachtijketl, tikmatstokej ika Dios omitsajtitlan para otitechmachtiko, pampa xakaj ueli kiteititia ipoder ikan milagros* ken tejua tikchiua tla Dios xkipaleuiya.

San Juan 7:31

Pero miyekej okineltokakej, niman okijtojkej: —Tikneltokaj ika in tlakatl yejua Cristo pampa xakaj uelis uajlas yejuan kichiuas más milagros* ken yejua in tlakatl.

San Juan 8:12

Jesús oksejpa okinnots on tlakamej niman okinmijlij: —Nejua nitlauijli ipan in tlaltikpaktli. Yejuan yas nouan, xnejnemis kampa tlayouajtok, yej nejnemis ipan on tlauijli yejuan kimakas yenkuik nemilistli.

San Juan 8:24

Onemechijlij ika nenmikiskej ipan nemotlajtlakol. Tla xnennechneltokaj ika nejua niCristo yejuan Dios onechtlalij para nitlamandaros, nenmikiskej ipan nemotlajtlakol.

San Juan 8:56

Abraham on nemoachtojtataj opak pampa okimat ika niuajtlakatiskia ipan in tlaltikpaktli. Yejua itechkopa itlaneltok onechitak niman yejua ika opak.

San Juan 8:58

Jesús okinmijlij: —Ika tlen melauak nemechijlia: ijkuak Abraham xe nemiya, nejua ye ninemiya.

Hechos 10:38

Nemejuamej nenkimatstokej kenijki Dios okimakak poder Jesús yejuan ualeua ne Nazaret, nimanokiyoltemitij ikan on Espíritu Santo. Niman no ijki nemejuamej nenkimatstokej kenijki Jesús nouiyan okichijtinen on tlen kuajli niman nochimej on yejuan itlaj ika kintlajyouiltiaya ipoder on diablo* okimpajtij, pampa Dios iuan nemiya.

Hechos 2:22

Pedro no okijtoj: —Tlakamej hebreos*, xkakikan in tlen nikijtos. Dios kuajli omechititij ika on Jesús Nazareno, melauak yejua iKoneu. Ijkon tej, Dios omechititij ikan uejueyi tetlatlachalistli, milagros* niman tlamauisoltin yejuan yejua okichiu nemotsajlan itechkopa Jesús ijkon ken nemejuamej kuajli nenkimatstokej.

Hebreos 2:3

¿kenijki titomanauiskej itech itlauel Dios tla san tikajauilmatij on temakixtilistli yejuan sanoyej* ueyi kijtosneki? On temachtijli de temakixtilistli toTEKO achtoj yejua otemachtij, niman on yejuan okakkej okitojkej ika on temachtijli yejua melauak.