San Juan 10:16 - El Nuevo Testamento

¹⁶ No nikimpiya oksekimej borregos yejuan xtlapoualti ipan in corral. No ika onkaj nikinuajuikas. Yejuamej kuajli kitenkakiskej notlajtol niman nechtlakamatiskej. Ijkon tej, san sekan nemiskej niman no san se tlapixki nemis.

In yencuic iyectlajtoltzin Dios itech ica toTeco Jesucristo

¹⁶ No niquimpia ocsequimej borregos yejhuan xtlapohualti ipan in corral. No ica oncaj niquinhuajhuicas. Yejhuamej cuajli quitencaquisquej notlajtol niman nechtlacamatisquej. Ijcon, tej, san secan nemisquej niman no san se tlapixqui nemis.

San Juan 10:16 Iomraidhean Croise

San Mateo 17:5

Chika Pedro ijkon tlajtouaya, sen moxtli yejuan sanoyej istak okintlapachoj. Niman kemaj ipan on moxtli okakistik sen tlajtojli yejuan okijtoj: —In yejua notlajsojkaKoneu yejuan nechpaktia. Yejua xtenkakikan.

San Lucas 15:8

’Noso ma tikonijtokan ika sen siuatl kipiya majtlaktli tomin tlachijchijtli ikan plata niman se okipoloj. ¿Xkitlikuiltia itlauil niman peua tlachpana chika ikan miyek cuidado kitejtemoua on tomin hasta kaman kinextia?

San Juan 10:11

’Nejua nikuajli tlajpixki. On kuajli tlapixki kitemaka inemilis impampa on borregos.

San Juan 10:2

Pero yejuan kalakis ipan ikalakiyan on corral, yejua tlajpixki ika on borregos.

San Juan 10:27

Noborregos nechtenkakij, niman nejua nikimixmati niman yejuamej nechkuitlapanuiyaj.

San Juan 10:3

Sen tlakatl kitlapouilia on tsakuijlotl para ma kalaki on tlajpixki. Kemaj on borregos yejuan iyaxkauan* kitenkakij ijkuak kintokayotia para kiminnotsa, niman kemaj kinkixtia.

San Juan 10:4

Niman kemaj ijkuak yokinuajkixtij nochimej iborregos, nejnemi inyakapan, niman on borregos kikuitlapanuiyaj pampa kitenkakij itlajtol.

San Juan 10:5

Pero yejuan xkixmatij, xkikuitlapanuiyaj, yej ontlatlaksaj* pampa xkitenkakij on yejuan xkixmatij.

San Juan 11:52

Niman ijkon okijtoj xsan ipampa on país, yej no para kinsentlalis nochimej on ikoneuan Dios yejuan nochajchayajtinemij*.

San Juan 17:20

’Pero xnitlajtlani san impampa yejuamej, yej no impampa on yejuan nechneltokaskej itechkopa on temachtijli yejuan kiteijliskej.

San Juan 6:37

Nochimej on kech nechinmakas noTajtsin uajlaskej notech, niman on yejuan uajlaskej notech nikinselis.

Hechos 15:14

Simón Pedro yotechtlajtlajtouilij kenijki Dios okinmiknelij kemach ye ika on yejuan xhebreos, niman okinselij sekimej ken ikoneuan.

Hechos 18:10

pampa nejua mouan ninemi. Xakaj uelis itlaj mitschiuilis, pampa miyek tlakatl noyaxkauan* ipan in ueyikalpan.

Hechos 22:14

Kemaj onechijlij: “On yejuan iminDios toachtojtajuan omitstlapejpenij para tikixmatis on tlen yejua kineki, niman para tikitas on akin Yolmelajki niman para tikakis itlajtol yejuan yejua kijtoua.

Romanos 11:25

Nokniuan, nikneki para xmatikan in tlen melauak yejuan Dios kiyantikatka, para maka xmomatikan tlamatkej*. On tlen melauak sano yejua in: on hebreos* yonoyoltechikajkaj para xkiseliskej temakixtilistli. Pero yejuamej noyoltechikajtiaskej san chika nochimej tlaneltokaj on yejuan xhebreos* yejuan Dios kinmakixtis.

2 Tesalonicenses 2:13

Pero noneki nochipa tikmakaskej tlaxtlauijli Dios nemopampa, tokniuan yejuan toTEKO mechtlajsojtla*, pampa Dios omechtlapejpenij para achtoj onentlaneltokakej de on oksekimej. Onemomakixtijkej itechkopa ipoder on Espíritu Santo para onemochijkej iyekkoneuan ijkuak onenkineltokakej on tlen melauak.

Hebreos 13:20

Dios, yejuan techmaka yolseuilistli, okiyoliuitij* niman okuiteu ipan itlalkon toTEKO JesuCristo yejuan ueyi Tlajpixki intech on borreguitos. Yejua ueyi Tlajpixki pampa itechkopa iyesyotsin, okipeualtij on yenkuik pacto* yejuan para nochipa onyas.

1 Pedro 2:10

Achtoj nemejuamej xnenteyaxkauan* katkaj itech Dios, pero aman neniyaxkauan. Achtoj xnenkimatiyaj iteiknelilis* Dios, pero aman yonenkiselijkej iteiknelilis*.

1 Pedro 2:25

Ipan se tiempo nenchayajkakistinemiyaj ken borreguitos yejuan polijtinemij. Pero aman yonenualajkej itech Cristo yejuan mechcuidaroua ken sen tlajpixki niman yejuan kimejeua nemoalmas.

1 Pedro 5:4

Ijkuak uajnonextis Cristo, yejuan kinmandaroua on tlajpixkej, nenkiseliskej sen tetlayokolijli* sanoyej* kualtsin yejuan xkaman popoliui xken sen tetlayokolijli* yejuan tikseliaj ipan in tlaltikpaktli.

El Apocalipsis 3:20

Xmatstia ika nejua nijkatikaj tekiauatempan, niman nikteteloua on tsakuijlotl*. Tla yakaj kakis ika nikonotstikaj niman kitlapos itsakuijlou, nikalakis, niman iuan nitlakuas, niman yejua nouan tlakuas.