San Juan 10:14 - El Nuevo Testamento

^14-15 Nejua nikuajli tlajpixki. Ijkon ken noTajtsin nechixmati niman nejua nikixmati, no ijki nikinmixmati noborregos, niman yejuamej no nechixmatij. Niman impampa on noborregos niktemaka nonemilis.

In yencuic iyectlajtoltzin Dios itech ica toTeco Jesucristo

^14-15 Nejhua nicuajli tlajpixqui. Ijcon quen noTajtzin nechixmati niman nejhua niquixmati, no ijqui niquinmixmati noborregos, niman yejhuamej no nechixmatij. Niman impampa on noborregos nictemaca nonemilis.

San Juan 10:14 Iomraidhean Croise

San Juan 10:11

’Nejua nikuajli tlajpixki. On kuajli tlapixki kitemaka inemilis impampa on borregos.

San Juan 10:13

Yejua in tlakatl cholojteua pampa tekiti san ika kitlaxtlauiliaj, niman para yejua xitlaj* kijtosneki on borregos.

San Juan 10:27

Noborregos nechtenkakij, niman nejua nikimixmati niman yejuamej nechkuitlapanuiyaj.

San Juan 17:3

In nemilistli yejuan para nochipa se kiselia ijkuak mitsixmati tejua yejuan san moselti melauak tiDios, niman nejua niJesuCristo yejuan otinechajtitlan.

San Juan 17:8

pampa yonikinmakak motemachtil yejuan otinechmakak, niman yejuamej yokiselijkej. Aman yejuamej kimatij ika melauak motech oniualeu, niman kineltokaj ika tejua otinechajtitlan.

2 Corintios 4:6

Dios, yejuan otlanauatij ma petlani on tlauijli ne kampa tlayouatok, no yotechueliltij para itlauil ma petlani ipan toyojlo, niman ijkon yotikixmatkej iueyilis yejuan kipantlantia ipan ixayak JesuCristo.

Efesios 1:17

niman niktlajtlanilia iDios toTEKO JesuCristo, on toueyiTajtsin, para ma mechmaka itechkopa on Espíritu Santo tlamatkilistli niman kajsikamatilistli para más kuajli nenkixmatiskej.

Efesios 3:19

Tej, niktlajtlanilia Dios para nemejuamej xkixmatikan on itetlajsojtlalis*, maski xkaman uelis nochi kuajli nenkajsikamatiskej on itetlajsojtlalis*, niman para nentemiskej de nochi tlen Dios kipiya.

Filipenses 3:8

Xok ueyi kijtosneki on tlajtlamach* pampa más ueyi kijtosneki ika nikixmati JesuCristo ken noTEKO. Ipampa Cristo nochi on tlajtlamach* onikau niman nikita ken itlaj tlajsojli para ueli niknoyaxkatia Cristo,

2 Timoteo 1:12

Yejua ika, aman tlamach nikijyouiya. Pero nejua xnipinaua, pampa nikmatstikaj akinon yonikneltokak. Niman kuajli nikmatstikaj ika yejua uelis kejeuas on tlen onechtlaktitij hasta ipan on tonajli ijkuak oksejpa uajlas.

2 Timoteo 2:19

Pero Dios yokitlalij on tlen melauak yejuan kojtitikaj ken itlaj cimiento* de tepantli. Niman ipan on cimiento* kipiya in kuajli tlajtojli: “ToTEKO kimixmatstikaj yejuan melauak iyaxkauan”, niman “Nochimej on yejuan kineltokaj niman kimauistiliaj toTEKO noneki ma kajkauakan on tlen xkuajli.”

1 Juan 5:20

No tikmatstokej ika iKonetsin Dios youajlaj, niman yotechmakak kajsikamatilistli para tikixmatiskej yejuan melauak Dios. Aman tinemij san sekan iuan on yejuan melauak Dios. In kijtosneki tinemij san sekan iuan iKonetsin. JesuCristo yejua melauak Dios, niman yejua techmaka yenkuik nemilistli para nochipa.

El Apocalipsis 2:13

Nejua nikmatstikaj nochi tlen tikchiua niman no nikmatstikaj kanon tichanti. Tichanti kampa on Satanás kipiya itrono. Pero maski nepa tichanti, notech tikuajpixtiu motlaneltok. Maski okimiktijkej Antipas, on yejuan melauak notenojnotsakau, ompa kampa chanti Satanás, tejua xotinechkau.

El Apocalipsis 2:19

Yejua ijkin mitsijlia: Nejua nikixmati motekiu, motetlajsojtlalis*, motlaneltok, niman moijyouilis. Niman nikmatstikaj ika aman más titekiti xken achtopa.

El Apocalipsis 2:2

Nejua nikmati nochi tlen tikchiua. Nikmati ika sanoyej* chikauak titekiti nopampa, niman no nikixmati moijyouilis. Nikmatstikaj ika xueli tikinxikoua on xkuajkualtin tlakamej. Nejua nikmatstikaj ika yotikintlatlatak on yejuan noteneuaj apóstoles*, pero xnejli apóstoles*. Niman yotikitak ika san tlakajkayauaj.

El Apocalipsis 2:9

Yejua ijkin mitsijlia: Nejua nikixmati ken titlajyouiya niman ika xitlaj* tikpiya, maski ika tlen melauak tejua tirico ixpan Dios. No nikmatstikaj ika on yejuan noteneuaj hebreos* mitsijtouiliaj on tlen xkuajli. Pero yejuamej xmelauak nopouaj ken hebreos*, yej nochiuaj isinagoga* Satanás.

El Apocalipsis 3:1

’Xtlajkuilui ipastor on tiopan ne Sardis niman ijkin xkijli: “In yejua itlajtol on yejuan kipiya on chikome iEspíritus Dios niman on chikome sitlalimej. Yejua ijkin mitsijlia: Nejua nikmatstikaj nochi tlen tikchiua. Nikmatstikaj ika timiktok maski tejua timoteneua tikpiya nemilistli ne ixpan Dios.

El Apocalipsis 3:15

Nejua nikmatstikaj nochi tlen tikchiua. Nikmatstikaj ika xmelauak tinechtlajsojtla* ikan nochi moyojlo, nion xmelauak tinechtlauelita. Ninekisia melauak tinechtlajsojtlaskia ikan nochi moyojlo, noso melauak tinechtlauelitaskia.

El Apocalipsis 3:8

Yejua ijkin mitsijlia: Nejua nikmatstikaj nochi tlen tikchiua. Aman xkaki, nejua yonimitstlapouilij sen tsakuijlotl* yejuan xakaj uelis kitsakuas. Maski tejua xmás tikojtik, tiktlakamati notemachtil, niman xtinechneneki*.