San Juan 1:51 - El Nuevo Testamento

⁵¹ No ijki okijtoj Jesús: —Ika tlen melauak nemechijlia, ika nemejuamej nenkitaskej tlapojtias on iluikak niman on iángeles Dios tlejkoskej niman temoskej nopan yejuan oninochiu Tlakatl.

In yencuic iyectlajtoltzin Dios itech ica toTeco Jesucristo

⁵¹ No ijqui oquijtoj Jesús: ―Ica tlen melahuac nemechijlia, ica nemejhuamej nenquitasquej tlapojtias on ilhuicac niman on iilhuicactequitcahuan Dios tlejcosquej niman temosquej nopan yejhuan oninochiu Tlacatl.

San Juan 1:51 Iomraidhean Croise

San Mateo 25:31

’Ijkuak nejua yejuan oninochiu Tlakatl niuajlas ikan noueyilis inuan nochimej noángeles, ninotlalis ken rey ipan noueyixtikaj trono* para nitetlajtlakolmakas niman niteyekteneuas.

San Mateo 26:24

Nejua yejuan oninochiu Tlakatl nimikis ijki ken kijtoua on Yektlajkuilojli, pero ¡lástima para on tlakatl yejuan nechtemaktilis! Más kuajli yeskia tla xkaman tlakatiskia.

San Mateo 3:16

Kemaj ijkuak Jesús yonokuatekij, okis itech on atl. Kemaj on, nimantsin on iluikak otlapou, niman yejua okitak iEspíritu Dios uajtemouaya ken itlaj paloma niman onotlalijtejkok ipan.

San Mateo 4:11

Kemaj on diablo* okitlalkauij Jesús. Niman on ángeles oualajkej itech Jesús niman okipaleuijkej.

San Mateo 8:20

Pero Jesús okijlij: —On ostotsitsintin kipiyaj intekal, niman on totomej kipiyaj intepajsol, pero nejua yejuan oninochiu Tlakatl xnikpiya kanon nikochis.

San Mateo 9:6

Aman, nejua nemechititis ika nejua yejuan oninochiu Tlakatl nikpiya itlanauatil Dios ipan in tlaltikpaktli para nitetlapojpoluilis on tlajtlakoltin. Kemaj okijlij on tlakatl yejuan sepojtoya: —Xmokuiteua, xkajkokui motlapech, niman xuiya mochan.

San Marcos 1:10

Niman ijkuak Jesús ouajkis ne ijtik on atl, okitak on iluikak otlapou, niman on Espíritu Santo uajtemouaya ken itlaj paloma niman ipan onotlalij.

San Marcos 14:62

Niman Jesús okijtoj: —Kemaj, nejua. Niman nennechitaskej nejua yejuan oninochiu Tlakatl ninotlalis iyekmakopa Dios yejuan kipiya nochi poder. Niman no nennechitaskej niuajlas ipan on moxtli de ne iluikak ualeua.

San Lucas 2:13

Kemaj nimantsin ne itech on ángel ouajnonextijkej sanoyej miyekej oksekimej ángeles yejuan oualejkej ne iluikak. Yejuamej kueyiliayaj Dios niman kijtouayaj:

San Lucas 2:9

Sen ángel yejuan toTEKO Dios okuajtitlan okinuajnotitij. Niman iueyilis toTEKO Dios ken sen tlauijli opetlan inyeualkan on tlajpixkej. Kemaj, yejuamej sanoyej* onomojtijkej.

San Lucas 22:43

Kemaj sen ángel yejuan oualeu iluikak, okinotitij niman okimakak yolchikaualistli.

San Lucas 22:69

Pero desde aman nejua yejuan oninochiu Tlakatl ninotlalis iyekmakopa on Dios yejuan nochi ueli kichiua.

San Lucas 24:4

Chika yejuamej xkajsikamatiyaj tlinon onochiu, nimantsin omemej tlakamej ikan petlanki tlakentli* ouajnonextijkej ompa intech majmaniyaj.

San Lucas 3:21

Pero Herodes antes kitsakuaskia Juan, Juan okikuatekij miyek tlakatl. Niman no okuatekij Jesús. Kemaj chika Jesús kichiuaya oración, on iluikak otlapou,

San Juan 1:50

Jesús okijlij: —¿Tinechneltoka san ika onimitsijlij onimitsontak tlatsintlan de on kojtli* higuera? Aman tej, nimitsijlia ika más uejueyi tlajtlamach* tikitas.

San Juan 10:1

’Ika tlen melauak nemechijlia, on yejuan xkalakis ipan ikalakiyan on corral kampa nemij borregos, yej kalakis san kanon, on sen tlachteketl.

San Juan 10:7

Yejua ika, Jesús oksejpa okinmijlij: —Ika tlen melauak nemechijlia: Nejua ninochiua ikalakiyan on corral kampa kalakij on borreguitos.

San Juan 13:16

Ika tlen melauak nemechijlia ika sen tetekichiuilijketl xejua más ueyixtikaj ken on iteko, niman nion on yejuan kanaj kititlanij xejua más ueyixtikaj ken on yejuan tetitlani.

San Juan 13:38

Jesús okijlij: —¿Melauak tikpiya moyojlo para timikis san nopampa? Ika tlen melauak nimitsijlia ika antes tsajtsis on kaxtil*, tejua yexpa tinechnenekis.

San Juan 14:12

Ika tlen melauak nemechijlia, ika yejuan nechneltokas kichiuas on tekitl tlen nikchiua. Niman yejua kichiuas on tekitl yejuan más uejueyi, pampa nejua niau itech noTajtsin.

San Juan 16:20

Ika tlen melauak nemechijlia, nemejuamej nenchokaskej niman nenmajmanaskej, niman on tlaltikpaktlakamej pakiskej. Pero maski nenmajmanaskej, nemoajmanalis nokuepas pakilistli.

San Juan 16:23

’Ipan on tonajli xokuitlaj nennechtlajtoltiskej. Ika tlen melauak tej, nemechijlia ika noTajtsin mechmakas nochi tlen nenkitlajtlaniliskej ikan notokatsin.

San Juan 21:18

Ika tlen melauak nimitsijlia ika ijkuak más tikonetl katka, san tiuajmotlakentiaya niman tiaya kampaka tejua tiknekiya, pero ijkuak ye tiueuentsin yes, san tikinuajmelauas momauan niman okse mitstlakentis, niman mitsuikas kampa xtiknekis tias.

San Juan 3:3

Kemaj Jesús okijlij: —Ika tlen melauak nimitsijlia, tla yakaj xoksejpa tlakati, xuelis kalakis kampa Dios tlamandaroua.

San Juan 3:5

Niman Jesús okijlij: —Ika tlen melauak nimitsijlia, tla yakaj tlakatl xnokuatekiya ikan atl niman xtlakati itechkopa on Espíritu Santo, xuelis kalakis ne kampa Dios tlamandaroua.

San Juan 5:19

Kemaj Jesús okinmijlij: —Ika tlen melauak nemechijlia ika nejua yejuan niiKoneu Dios xueli nikchiua itlaj noselti, yej san niueli nikchiua on tlen nikita kichiua noTataj. On tlen noTataj kichiua no nikchiua.

San Juan 5:27

Niman yonechmakak itlanauatil para niteyolkuitis niman nitetlajtlakolmakas pampa oninochiu Tlakatl.

San Juan 6:26

Pero Jesús okinmijlij: —Ika tlen melauak nemechijlia nemejuamej nennechtejtemouaj xpampa onenkajsikamatkej tlen kijtosneki on milagro yejuan onikchiu yaloua ijkuak onemechtlakualtij, yej san pampa onentlakuajkej hasta kampa onemixuikej.

San Juan 6:32

Jesús okinmijlij: —Ika tlen melauak nemechijlia: Moisés xejua okitemakak on pan yejuan ualeua iluikak. Yej noTajtsin yejua kitemaka on pan yejuan melauak ualeua iluikak.

San Juan 6:47

Ika tlen melauak nemechijlia, ika on yejuan nechneltoka kipiya nemilistli yejuan para nochipa.

San Juan 6:53

Jesús okinmijlij: —Nejua yejuan onochiu Tlakatl ika tlen melauak nemechijlia, tla nemejuamej xnenkikuaj nonakayo niman xnenkonij noyesyo, xnennemiskej para nochipa.

San Juan 8:34

Jesús okinmijlij: —Ika tlen melauak nemechijlia ika nochimej yejuan tlajtlakouaj, yejuamej nokaua esclavos itech on tlajtlakojli.

San Juan 8:51

Ika tlen melauak nemechijlia ika yejuan kichiua on tlen nejua nikijtoua, xkaman mikis.

San Juan 8:58

Jesús okinmijlij: —Ika tlen melauak nemechijlia: ijkuak Abraham xe nemiya, nejua ye ninemiya.

Hechos 10:11

Okitak on cielo tlapouiya niman uajtemotiaya ipan tlajli sen ueyi manta istak, uajsasalijtiaya ipan nochi inaui esquina.

Hechos 7:56

Kemaj okijtoj: —¡Xkitakan! Nejua nikita on iluikak tlapojtikaj, niman on yejuan onochiu Tlakatl ompa ijkatikaj iyekmakopa Dios.

2 Tesalonicenses 1:7

Niman Dios no kimati kenijki kuajli para mechmakas neseuijli nemejuamej yejuan nentlajyouiyaj ijkon ken tejuamej techmakas. Niman in nochiuas ijkuak ajsis on tonajli ika toTEKO Jesús uajnonextis ne iluikak iuan iuejueyixtokej ángeles.

2 Tesalonicenses 1:9

Yejuamej kincastigaroskej ikan mikilistli para nochipa, niman uejka kominxiniskej de itech toTEKO, niman de iueyilis niman ipoder.

1 Timoteo 3:16

Tinochimej tikmatij ika on tlen iyantikatka* yejuan Dios otechititij itechkopa totlaneltok sanoyej ueyi kijtosneki: Dios ouajlaj ken sen tlakatl; on Espíritu Santo okiteititij ika yejua chipauak. On ángeles okitakej. Okitemachistijkej ipan tlaltikpaktli. On tlakamej okineltokakej nochiuiyan ipan in tlaltikpaktli. Niman kemaj okuikakej iluikak.

Hebreos 1:14

Tla ijkon tej, ¿akinomej on ángeles? On ángeles yejuamej espíritus kuajkualtin yejuan tepaleuiyaj. Niman Dios kintitlani para komimpaleuiyaj on yejuan kiseliaj temakixtilistli.

Judas 1:14

Enoc katka ika chikome tlakatl yejuan onemiko sakin* de Adán. Yejua no okiteijlij on tiotlajtojli yejuan okiselij itech Dios. Yejua okijtoj kenijki impan nochiuas on yejuan xkuajli nouikaj. Ijkin okijtoj: “Xkakikan, toTEKO uajlas niman sanoyej miyek ángeles kinuajuikas,

El Apocalipsis 19:11

Kemaj onikitak tlapojtikaj on iluikak. Niman ne kampa uajtlapojtikaj ouajnonextij sen istak caballo. Ipan on caballo yetikatka sen tlakatl yejuan itoka Fiel niman no itoka Melajkatlakatl. Yejua tetlajtlakolmaka niman tlauijsoki ken kitocaroua.

El Apocalipsis 4:1

Kemaj onajkotlachix niman onikitak uajtlapojtikaj sen tsakuijlotl ne iluikak. Niman on tlajtojli yejuan achtoj onechnotska ken itlaj trompeta, onechijlij: “Nikan xuajtlejko, niman nimitsititis on tlajtlamach* yejuan nochiuas sankin.”