San Juan 1:45 - El Nuevo Testamento

⁴⁵ Kemaj Felipe oyaj niman okinextij Natanael. Niman yejua okijlij: —Yotiknextijkej on tlakatl yejuan okiteneu Moisés ipan on amamoxtli de on tlanauatiltin, niman no on tiotlajtojkej itechkopa otlajkuilojkej. In Jesús ikoneu José yejuan chanej* ipan on kalpan itoka Nazaret.

In yencuic iyectlajtoltzin Dios itech ica toTeco Jesucristo

⁴⁵ Quemaj Felipe oyaj niman oquinextij Natanael. Niman yejhua oquijlij: ―Yoticnextijquej on tlacatl yejhuan oquiteneu Moisés ipan on itlajcuilolamahuan ican tlanahuajtijli, niman no on tiotlajtojquej ica otlajcuilojcaj. Yejhua Jesús iconeu José yejhuan chanej ipan on pueblo itoca Nazaret.

San Juan 1:45 Iomraidhean Croise

San Mateo 10:3

Felipe, Bartolomé, Tomás, Mateo on yejuan tlacobrarojketl katka ikan impuestos, Santiago yejuan ikoneu Alfeo, Lebeo, yejuan no itoka Tadeo,

San Mateo 13:55

¿Tline in xejua ikoneu on kojxinki, niman xejua inanaj María? ¿Tlen xejua iminikniu Santiago, José, Simón niman Judas yejuan nikan totsajlan chantij?

San Mateo 2:23

Ijkuak ompa oajsikej, ochantitoj ipan on kalpan itoka Nazaret. Yejua in onochiu san para onocumpliroj on tlen okijtojka on tiotlajtojketl ijkuak okijkuiloj ika Jesús kitokayotiskej nazareno.

San Mateo 21:11

Niman on yejuan yayaj iuan Jesús okijtojkej: —In yejua tiotlajtojketl Jesús, yejuan chanej* Nazaret yejuan onkaj ipan iueyitlalpan Galilea.

San Marcos 14:67

Niman ijkuak okitak Pedro ompa nototonijtikatka itech on tlitl, opeu kitlajtlata, niman okijlij: —Tejua no tikistinemiya iuan Jesús yejuan ualeua Nazaret.

San Marcos 6:3

¿Tlen xejua kojxinki yejuan ikoneu María? ¿Xejua ikniu Santiago, niman José, niman Judas niman Simón? ¿Xnikan ipan in kalpan chantij on ikniuan yejuan siuamej? Niman sanoyej okipinauismatkej niman okualankej itechkopa.

San Lucas 18:37

Niman okijlijkej ika Jesús yejuan ualeua Nazaret ompaka panotikaj.

San Lucas 2:4

José uejka teuejkakoneu katka itech David. Yejua ika okis ipan on kalpan Nazaret, yejuan onkaj ipan on iueyitlalpan Galilea, niman oyaj ipan on kalpan Belén, yejuan onkaj ipan on iueyitlalpan Judea kampa otlakat David.

San Lucas 2:48

Ijkuak itajuan okitakej, opakatlachixkej, niman inanaj okijlij: —Nokonetsin, ¿tline* ijkin otitechchiuilij? Motataj niman nejua sanoyej yotimojkamikej chika timitstejtemouaj.

San Lucas 24:27

Kemaj opeu kinmelajkaijlia nochi on temachtijli kampa kijtoua de yejua ipan on Yektlajkuilojli. Ouajpeu ipan on itlajkuiloluan Moisés niman kemaj on tlajkuiloltin yejuan nochimej on tiotlajtojkej okijkuilojkej.

San Lucas 24:44

Kemaj okinmijlij: —Ijkuak sanken* nemouan ninemiya, onemechijlij ijkin: Ika onkaj nocumpliros nochi on tlen noka tlajkuilolnestikaj ipan itlanauatil Moisés niman ipan intlajkuilol on tiotlajtojkej niman ipan on salmos.

San Lucas 3:23

Jesús kipiyaya kanaj 30 xipan ijkuak opeu temachtia. On tlakamej kinemiliayaj ika yejua tekoneu katka itech José maski xmelauak itataj katka José. José tekoneu katka itech Elí,

San Lucas 4:22

Niman nochimej kuajli kiteneuayaj Jesús niman pakatlachayaj ika on kualtsin tlajtojli yejuan kinmijliayaj. Pero ijkin kinotlajtoltiayaj: —¿Tlen xejua in ikoneu José?

San Juan 1:44

Felipe chanej* katka ipan on kalpan itoka Betsaida kampa no chantiyaj Andrés niman Pedro.

San Juan 12:21

Yejuamej okinisiuijkej Felipe yejuan chanej* katka Betsaida de Galilea, niman ijkin okijlijkej: —Señor, tiknekij tikitaskej Jesús.

San Juan 14:8

Kemaj Felipe okijlij: —NoTEKO, xtechkauili ma tikitakan toTajtsin, niman ijkon tiyolpachiuiskej.

San Juan 18:5

Yejuamej okijlijkej: —Jesús nazareno. Jesús okinmijlij: —Nejua niJesús nazareno. Judas, on yejuan okitemaktilij Jesús no ompa inuan nemiya.

San Juan 18:7

Kemaj Jesús oksejpa okintlajtoltij: —¿Akinon nenkitejtemouaj? Niman yejuamej okijtojkej: —Jesús nazareno.

San Juan 19:19

Pilato okijkuiloj sen tlajkuilojli niman otlanauatij ma kitlalitij ipan on kojnepanojli. On tlajkuilojli kijtouaya: “In yejua Jesús Nazareno yejuan iminRey on hebreos*.”

San Juan 21:2

Simón Pedro, Tomás, on yejuan kuitiayaj kouatsin*, Natanael yejuan chanej Caná de Galilea, Santiago niman Juan, ikoneuan Zebedeo, niman okse omemej inomachtijkauan* Jesús san sekan nemiyaj.

San Juan 6:42

Niman okijtojkej: —¿Tlen in xejua Jesús, on ikoneu José? Tejuamej tikixmatij itataj niman inanaj. Yejua ika, ¿man tline aman kijtoua ika ualeua iluikak?

San Juan 6:5

Niman Jesús okitak iyeualkan ika miyek tlakatl kinisiuiyaya. Yejua ika okijlij Felipe: —¿Kanon tikouaskej tlakuajli para nochimej in tojlamej?

San Juan 6:7

Niman Felipe okijlij: —Se tlakatl noneki tekitis kanaj ome ciento tonaltin para uelis kouas pan para nochimej in tojlamej. Maski Ijkon kichiuaskia xkajxilis nion siquiera para cada se kikuas se pitentsin.

Hechos 10:38

Nemejuamej nenkimatstokej kenijki Dios okimakak poder Jesús yejuan ualeua ne Nazaret, nimanokiyoltemitij ikan on Espíritu Santo. Niman no ijki nemejuamej nenkimatstokej kenijki Jesús nouiyan okichijtinen on tlen kuajli niman nochimej on yejuan itlaj ika kintlajyouiltiaya ipoder on diablo* okimpajtij, pampa Dios iuan nemiya.

Hechos 2:22

Pedro no okijtoj: —Tlakamej hebreos*, xkakikan in tlen nikijtos. Dios kuajli omechititij ika on Jesús Nazareno, melauak yejua iKoneu. Ijkon tej, Dios omechititij ikan uejueyi tetlatlachalistli, milagros* niman tlamauisoltin yejuan yejua okichiu nemotsajlan itechkopa Jesús ijkon ken nemejuamej kuajli nenkimatstokej.

Hechos 22:8

Kemaj oniknankilij: “¿Akin tejua Señor?” Niman yejua onechijlij: “Nejua niJesús yejuan niualeua Nazaret, sano yejua yejuan tiktlaueltotokatinemi.”

Hechos 26:9

’Sano nejua achtoj niknemiliaya ika onkatka para nikinchiuilis miyek tlajtlamach* tlen xkuajli on yejuan kineltokaj Jesús yejuan ualeua Nazaret.

Hechos 3:6

Pero Pedro okijlij: —Xnikpiya plata nion oro, yej tlen nejua nikpiya nimitsmaka. Ikan itokatsin JesuCristo, yejuan ualeua Nazaret, nimitsnauatia xmotelketsa niman xnejnemi.