San Juan 1:14 - El Nuevo Testamento

¹⁴ Niman on yejuan Tlajtojli onochiu tlakatl niman totsajlan onen. Yejua sanoyej* otetlajsojtlak* niman otemachtij tlen melauak. Niman otikitakej iueyilis. On ueyilistli yejua kipiya, pampa yejua isenTekoneu toTajtsin.

In yencuic iyectlajtoltzin Dios itech ica toTeco Jesucristo

¹⁴ Niman on yejhuan Tlajtojli otlacat niman totzajlan onen. Yejhua sanoyej otetlajsojtlac niman otemachtij tlen melahuac. Niman otiquitaquej ihueyilis. On hueyilistli yejhua quipia pampa yejhua isenTeconeu toTajtzin.

San Juan 1:14 Iomraidhean Croise

San Mateo 1:16

Jacob tajtli katka de José yejuan iueuentsin katka María, niman María nantli katka de Jesús. Yejua no itoka Cristo yejuan kijtosneki on yejuan Dios okitlalij para tlamandaros.

San Lucas 2:11

Aman ne ipan ikalpan David otlakat nemoTemakixtijkau. Yejua Cristo on nemoTEKO.

San Lucas 2:7

Ompa okitlakatilij on iachtoj tlakakonetsin. Okitlatlapachoj ikan tela* niman okitekak ipan sen canoa, pampa xonkatka kampa noseuiskej ijtik on mesón.

San Lucas 9:32

Maski Pedro niman icompañeros sanoyej kochisnekiyaj, onotlachaltijkej, niman okitakej on iueyilis Jesús niman on omemej tlakamej yejuan ompa iuan nemiyaj.

San Juan 1:1

Ijkuak nion tlen xitlaj* onkatka, iTlajtoltsin Dios ye onkatka. Niman iTlajtoltsin, yejuan sano yejua Cristo, nemiya iuan Dios niman sano yejua Dios.

San Juan 11:40

Pero Jesús okijlij: —¿Tlen xonimitsijlij tla titlaneltoka tikitas iueyilis Dios?

San Juan 14:6

Jesús okinankilij: —Nejua niojtli, nitlin melauak, niman ninemilistli. Tej, san nejua notechkopa uelis ajsiskej itech noTajtsin.

San Juan 14:9

Jesús okijlij: —Felipe, maski yoniuejkau nemouan ninemi, ¿sanken* xtinechixmati? On yejuan nechita, no kita on noTajtsin. Yejua ika, ¿tline* tinechtlajtlanilia ma nemechititi on noTajtli?

San Juan 17:22

Yejuamej yonikinmakak sano yejua on ueyilistli yejuan tejua otinechmakak para san sekan ma nemikan, ijkon ken tejua niman nejua tinemij san seknek.

San Juan 17:24

’NoTajtsin, nikneki para on yejuan otinechinmakak nouan nemiskej kampa ninemis para ma kitakan on ueyilistli yejuan otinechmakak. Nikpiya on ueyilistli pampa otinechtlajsojtlak desde ijkuak in tlaltikpaktli xe onkatka.

San Juan 18:37

Kemaj Pilato okijlij: —Tla ijkon tej, ¿tejua tiRey? Jesús okinankilij: —Nejua niRey ken tejua tikijtoua. Nejua onitlakat niman oniuajlaj ipan in tlaltikpaktli para onitemachtiko on tlen melauak. Nochimej yejuan kitlakamatij on tlen melauak, kakij tlen nejua nikijtoua.

San Juan 2:11

Yejua in tlen Jesús okichiu ne Caná de Galilea, yejua iachtoj milagro yejuan okiteititij iueyilis, niman on inomachtijkauan* okineltokakej.

San Juan 3:16

’Tej, Dios sanoyej* okintlajsojtlak* on tlaltikpaktlakamej, hasta okitemakak isenteKonetsin para nochi on akin kineltokas xpoliuis, yej kipiyas nemilistli para nochipa.

San Juan 3:18

’On yejuan kineltoka xkitlajtlakolmakaskej, pero yejuan xkineltoka ye kipiya tlajtlakolmakalistli san pampa xkineltoka isenteKonetsin Dios.

San Juan 6:51

Nejua nipan yejuan kitemaka nemilistli niman yejuan oniualeu iluikak. Yejuan kikuas in pan nemis para nochipa. On pan yejuan nejua nikmakas sano yejua nonakayo yejuan nikuentlalis para on tlaltikpaktlakamej ueliskej nemiskej para nochipa.

San Juan 8:32

Nenkixmatiskej tlen melauak, niman on tlen melauak yejua mechmanauis.

Hechos 13:33

Aman yocumpliroj ipromesa para tejuamej yejuan tiinuejkakoneuan. In onochiu ijkuak okiyoliuitij* niman okuiteu Jesús ne ipan itlalkon. Ijkon onochiu ken tlajkuilolnestikaj ipan on ika ome salmo: “Tejua tinoKoneu niman aman on tlakamej kimatiskej ika tejua tinoKoneu.”

Romanos 8:3

Itlanauatil Moisés okipoloj itekiuajyo pampa totlalnakayo xouel okitlakamat. Yejua ika, on tlen on tlanauatijli xouel okichiu, Dios okichiu ijkuak okuajtitlan iKonetsin yejuan onochiu Tlakatl ikan itlalnakayo ken totlalnakayo tejuamej yejuan titlajtlakolejkej. Dios okuajtitlan ken itlaj uentli para kipopolos tlajtlakojli. Ijkon tej, okixoxotonij ipoder on tlajtlakojli

Romanos 9:5

Yejuamej ualejtokej intech on toachtojtajuan. Niman Cristo ikan itlalnakayo no ualejtikaj intech on toachtojtajuan. Niman Cristo, sano yejua Dios, yejuan nochi kimandaroua. Ma yejua kiseli yekteneualistli para nochipa. Ma ijki nochiua.

1 Corintios 15:47

On achtoj Adán kisa ipan in tlaltikpaktli niman tlachijchijtli ikan tlajli. Yejua okis itech in tlaltikpaktli, niman on sa ika nochi Adán kisa ne iluikak.

2 Corintios 12:9

Pero toTEKO nechijlia: “Tikpiya noueyitetlajsojtlalis*. Xitlaj más mitspoloua. Nopoder más kuajli noteititia ijkuak sen tlakatl xkojtik.” Yejua ika, nipaki ninoueyimati ika xnikojtik, pampa ijki nikpantlantia ipoder Cristo.

Gálatas 4:4

Pero ijkuak oyejkok on tonajli yejuan Dios okitlapejpenij, okuajtitlan iKonetsin yejuan otlakat itech sen siuatl. Niman pampa hebreo* katka, okitlakamat nochi itlanauatiluan Moisés,

Efesios 3:8

Maski nejua xijki niueyixtikaj ken nochimej on yejuan ikoneuan Dios, yejua ikan iueyitetlajsojtlalis* onechmakak in tekitl para nikimijlis on yejuan xhebreos* de on iriquezas Cristo yejuan xakaj uelis kijtos kech ika miyek.

Colosenses 1:19

Dios ikan paktli okitlalij ipan Cristo, nochi tlen yejua ika tentikaj.

Colosenses 2:3

Ipan Cristo iyantikaj on tesoros de on tlamatkilistli* niman de on kajsikamatilistli.

Colosenses 2:9

pampa nochi tlen Dios ika tentikaj, tiuelij tikitaj itech Cristo.

1 Timoteo 3:16

Tinochimej tikmatij ika on tlen iyantikatka* yejuan Dios otechititij itechkopa totlaneltok sanoyej ueyi kijtosneki: Dios ouajlaj ken sen tlakatl; on Espíritu Santo okiteititij ika yejua chipauak. On ángeles okitakej. Okitemachistijkej ipan tlaltikpaktli. On tlakamej okineltokakej nochiuiyan ipan in tlaltikpaktli. Niman kemaj okuikakej iluikak.

Hebreos 1:3

Cristo yejua kipantlantia iueyilis Dios niman sano yejua kixneskayotia* nochi kenijki nemi Dios. Niman no yejua kejeua nochi on tlen onkaj ikan itlajtol yejuan kipiya poder. Kemaj ijkuak yomik Cristo para otechkixtilij totlajtlakol, onotlalij iyekmakopa itrono Dios kampa tlamandaroua ne iluikak.

Hebreos 1:5

IKonetsin Dios más ueyixtikaj pampa Dios nion sen ángel xkaman ijkin okijlij: Tejua tinoKoneu, niman aman on tlakamej kimatiskej ika nimoTataj. Niman Dios no xakaj ángel okijlij: Nejua nimoTataj yes, niman tejua tinoKoneu yes.

Hebreos 10:5

Yejua ika, ijkuak Cristo ouajlaj ipan in tlaltikpaktli, okijlij Dios: Uentli niman ofrenda xtikneki. Yej sen tlalnakayotl otinechmakak para nejua ijkuak onitlakat.

Hebreos 2:11

JesuCristo yejuan chipauak iuan on yejuan kinchipaua san se Tajtli kipiyaj. Yejua ika, yejua xpinaua para kintokayotia ikniuan.

Hebreos 5:5

Aman sano ijki. Cristo xsano yejua onokalaktij ueyi tlayekanki tiopixki, yej Dios okalaktij toueyitiopixkau niman okimakak on ueyilistli ijkon ken Dios okijlij: Tejua tinokoneu, niman aman oninochiu nimoTataj.

1 Juan 4:14

Niman sano tejuamej otikitakej iKonetsin Dios niman tiktepanextiliaj ika toTajtsin okuajtitlan para okinmakixtiko in tlaltikpaktlakamej.

1 Juan 4:9

Dios okipantlantij ken techtlajsojtla* ijkuak okuajtitlan isenteKonetsin ipan tlaltikpaktli para itechkopa iKonetsin ma tikpiyakan nemilistli para nochipa.

2 Juan 1:7

Nimitsijlia in pampa miyekej tlakajkayajkej kistinemij imanian in tlaltikpaktli. Yejuamej kijtouaj ika JesuCristo xouajlaj ikan itlalnakayo. On yejuan ijkon kijtoua, yejua tlakajkayajketl, niman yejua kineki kixoxotonilis itekiu Cristo.

El Apocalipsis 19:13

Yejua tlakemej katka ikan sen tlakentli* yejuan okipatsojkej ikan yestli. Yejua itoka: iTlajtoltsin Dios.

El Apocalipsis 21:3

Niman sen chikauak tlajtojli yejuan ualeuaya iluikak, okijtoj: “Xkita, aman Dios chanti intsajlan on tlakamej. Yejua inuan chantis, niman yejuamej nochiuaskej ikoneuan. Sano yejua Dios inuan chantis niman yejua nochiuas iminDios.