San Juan 1:10 - El Nuevo Testamento

¹⁰ On yejuan Tlajtojli nemiya ipan in tlaltikpaktli. Maski Dios okichijchiu in tlaltikpaktli itechkopa yejua, on tlaltikpaktlakamej xokixmatkej.

In yencuic iyectlajtoltzin Dios itech ica toTeco Jesucristo

¹⁰ Yejhua on yejhuan Tlajtojli nemiya ipan in tlalticpactli. Masqui Dios oquitlalij in tlalticpactli itechcopa yejhua, on tlalticpactlacamej xoquixmatquej.

San Juan 1:10 Iomraidhean Croise

San Mateo 11:27

’NoTajtsin, yonechmakak nochi tekiuajyotl ipan nochi tlajtlamach*. Xakaj nechixmati, nejua yejuan niiKoneu, yej san yejua on noTajtsin. Niman xakaj kixmati noTajtsin, yej san nejua yejuan niiKoneu niman on yejuan nikintlapejpenia para nikchiua no ma kixmatikan.

San Juan 1:11

Ouajlaj intech on hebreos* niman on hebreos* xokiselijkej.

San Juan 1:18

Xkaman yakaj kitaya Dios. Pero isenTekonetsin yejuan toTajtsin sanoyej kitlajsojtla* yejua yokiteititij.

San Juan 1:3

Dios okichijchiu nochi on tlajtlamach* tlen onkaj niman tlen yoltikaj itechkopa yejua on yejuan Tlajtojli. Xitlaj tlen onkaj nion on tlen yoltikaj onochijchiu tla xyejua.

San Juan 1:5

In tlauijli onkatkaj intsajlan on xkuajkualtin tlakamej niman xkuajkualtin espíritus, niman yejuamej xuelij kiseuiya on tlauijli.

San Juan 17:25

NoyekTajtsin, on tlaltikpaktlakamej xmitsixmatij, pero nejua nimitsixmati, niman in yejuan achtopa otinechinmakak ye kimatstokej ika tejua otinechajtitlan.

San Juan 5:17

Pero Jesús okinmijlij: —NoTajtsin hasta aman tekiti, niman nejua no nitekiti.

Hechos 14:17

Dios nochipa kintitiaya ika nemi ika on tlen kuajli kichiuaya impampa. Yejua kichiua para ma kiaui niman para kuajli ma tlatlaki. Yejua tej, techmaka on tlen tikuaj para kuajli tinemij niman tipakij ikan nochi toyojlo.

1 Corintios 1:21

Dios ikan itlamatkilis* xokinkauilij on tlakamej ma kixmatikan on tlamatkilistli yejuan kisa ipan in tlaltikpaktli. Yej Dios okitlalij iyojlo para kinmakixtis on yejuan tlaneltokaj itechkopa on temachtijli yejuan tikteijliaj, maski yejua in temachtijli nesi ken xitlaj* kijtosneki para on tlaltikpaktlakamej.

1 Corintios 2:8

Nion se yejuan tekiuajketl ipan in tlaltikpaktli kajsikamati itlamatkilis* Dios. Tla kajsikamatiskiaj xkipiloskiaj on toueyiTEKO ipan kojnepanojli*.

1 Corintios 8:6

para tejuamej san se Dios tikpiyaj. Yejua toTajtsin yejuan okitlalij nochi tlajtlamach*, niman tejuamej tinemij para yejua. Niman no san se toTEKO tikpiya, niman on toTEKO yejua JesuCristo. Yejua itechkopa onotlalij nochi tlajtlamach* niman itechkopa tinemij.

Colosenses 1:16

Itechkopa Cristo, Dios okichijchiu nochi tlen onkaj ne iluikak niman nikan ipan tlaltikpaktli, on yejuan tikitaj niman on yejuan xtikitaj. Niman itechkopa Cristo, Dios okintlalij espíritus yejuan kipiyaj poder, tekiuajyotl, niman tlamandarouaj. Dios okichijchiu nochi tlajtlamach* itechkopa Cristo, niman okichijchiu nochi tlajtlamach* no para Cristo.

1 Juan 3:1

¡Xmatikan kenijki sanoyej* techtlajsojtla* Dios toTajtsin, hasta techtokayotiaj tiikoneuan Dios, niman melauak tiikoneuan! Yejua ika, on tlaltikpaktlakamej xtechixmatij pampa no xkixmatij Dios.