Efesios 4:2 - El Nuevo Testamento

² Nemejuamej maka xmoueyimatikan, yej xmonotsakan ikan yolyemanilistli*. Xmijyouilikan nochi iuan cada se ikan tetlajsojtlalistli*.

In yencuic iyectlajtoltzin Dios itech ica toTeco Jesucristo

² Nemejhuamej ma ca xmohueyimatican, yej xmonotzacan ican yolyemanalistli. Xquimijyohuican semej ihuan ocsequimej niman xquimpalehuican ica on tetlajsojtlalistli yejhuan nenquipiaj.

Efesios 4:2 Iomraidhean Croise

San Mateo 11:29

Xmokauilikan ma nemechpaleui niman xmokauilikan ma nemechmachti, pampa nejua niyolsejki niman niyolyemanki*, niman notech nenkiseliskej neseuilistli para nemoalma.

San Marcos 9:19

Kemaj Jesús okinmijlij: —¡Ay, nemejuamej tlakamej yejuan xnentlaneltokaj! ¿Hasta kamanon ninemis nemouan? ¿Hasta kamanon nemechijyouis? Xkuajuikakan nikan on telpochtli.

Hechos 20:19

Nochipa oniktekipanoj toTEKO ikan nochi yolyemanilistli, niman ikan miyek chokistli niman ika miyek tlajyouilistli yejuan onechchiuilijkej on hebreos*.

Romanos 15:1

Tejuamej yejuan tikojtikej ipan totlaneltok noneki tikimpaleuiskej on yejuan xkojtikej ipan intlaneltok. Maka tej, sano tejuamej ma titopaktikan.

1 Corintios 13:7

On yejuan tetlajsojtla kipiya iyojlo para kixikoua nochi tlajtlamach* tlen xkuajli, para kineltoka on tlen kuajli intech oksekimej, para kinnekilia nochi kuajli ma uajla impan oksekimej, niman para kimijyouiya oksekimej.

Gálatas 6:2

Xmopaleuikan inuan oksekimej ijkuak nenkipiyaj pasolouilistli, niman ijkon nenkitlakamatiskej itlanauatil Cristo.

Efesios 1:4

Ijkuak xe onkatka in tlaltikpaktli, Dios otechtlapejpenij para tinemiskej san sekan iuan Cristo. Otechtlapejpenij para tikpiyaskej toyojlo chipauak, niman para xtikpiyaskej tlajtlakojli ne ixpan Dios.

Colosenses 1:11

No tiktlajtlaniliaj Dios para nenkipiyaskej yolchikaualistli ikan nochi iueyi poder, para ijki uelis nenkixikoskej nochi tlajtlamach* ikan miyek ijyouilistli niman pakilistli.

1 Timoteo 6:11

Pero tejua, yejuan tikuajli tlakatl itech Dios, xtlalkaui nochi on tlajtlamach*. Yej xpiya yolmelaualistli, yolchipaualistli, tlaneltokalistli, tetlajsojtlalistli*, ijyouilistli, niman yolyemanilistli*.

2 Timoteo 2:25

Ikan yolyemanilistli* ma kinmelajkatlali on yejuan xipanteitaj. Kas Dios kichiuas para noyolpatlaskej niman ijkon kixmatiskej tlen melauak.

Santiago 1:21

Yejua ika tej, xkajkauakan nochi tlen xchipauak niman nochi miyek tlajtlamach* yejuan xkuajli onkaj. Xselikan ikan yolyemanilistli* itemachtil Dios yejuan okitlalij ne ipan nemoyojlo. Yejua tej, temachtijli kipiya poder para kimakixtis nemoalma.

1 Pedro 3:15

Yej ipan nemoyojlo xtlakaitakan Cristo yejuan nemoTEKO. Nochipa xnemikan listos para nenkinnankiliskej nochimej on yejuan mechtlajtoltiskej de nemotlamachalis*.

1 Pedro 3:8

Sa ika nochi nemechijlis, nenmochimej kuajli xnemikan iuan cada se ikan paktli. Xmajmanakan ijkuak se itlaj kajmana. Xmotlajsojtlakan* iuan cada se ken iknijtin. Xteiknelikan niman xnemikan yolyemankej.