Efesios 4:1 - El Nuevo Testamento

¹ Yejua ika, nejua yejuan nitsakutikaj pampa nitekiti para toTEKO, sanoyej* nemechtlajtlanilia para xmouikakan ken kitocaroua para kuajli nemokauaskej ken Dios omechnots para nenkichiuaskej.

In yencuic iyectlajtoltzin Dios itech ica toTeco Jesucristo

¹ Yejhua ica nejhua, yejhuan nitzacuticaj pampa nitequiti para toTeco, sanoyej nemechtlajtlanilia ica xmohuicacan quen quitocarohua nenquichihuasquej para cuajli ihuan nemocahuasquej ijcon quen Dios omechnotz para nenquichihuasquej.

Efesios 4:1 Iomraidhean Croise

Hechos 9:31

Kemaj on yejuan tlaneltokaj nouiyan ipan inueyitlalpan Judea, Galilea niman Samaria kipiyayaj yolseuilistli niman noyolchikauayaj. Kitlakaitayaj on toTEKO, niman kimpaleuiya on Espíritu Santo. Ijkon tej, más miyekixtiayaj.

Romanos 11:29

Tlen Dios kinmaka on yejuan kintlapejpenia, xok kaman kinkuilia.

Romanos 12:1

Yejua ika tej, notlajsojkaikniuan, pampa Dios sanoyej* otechtiochiu ikan iteiknelilis*, nejua sanoyej nemechtlajtlanilia xmotemaktilikan itech Dios ken itlaj uentli yejuan yoltikaj niman yektli ijkon ken yejua kineki. Tla ijkon nenkichiuaskej, nenkimauistiliskej Dios ken noneki.

1 Corintios 4:16

Yejua ika tej, nemechtlachikauilia xmouikakan ken ninouika.

2 Corintios 10:1

Nejua, Pablo, nemechnotsa ken Cristo kichiuaskia ikan iyolyemanilis niman itetlajsojtlalis*. Sekimej kijtouaj ika niyolyemanki* ijkuak ompa ninemi nemouan, pero ijkuak xompa ninemi nemouan chikauak nemechnotsa ipan notlajkuilolamau.

2 Corintios 5:20

Ijkon tej, Cristo otechtlalij para tiitenojnotskauan. Niman aman sano Dios mechnojnotsa totechkopa. Aman tej, sanoyej temechtlajtlaniliaj ken technauatia Cristo: xkauilikan Dios ma tlauelseui nemouan, niman ma mechseli ikan yolseuilistli.

2 Corintios 6:1

Ijkon tej, pampa titekitij ipan itekiu Dios, sanoyej* temechtlajtlaniliaj maka san xkauilmatikan iueyitetlajsojtlalis* yejuan xtechtocarouaya tikseliskej,

Gálatas 4:12

Nokniuan, sanoyej* nemechtlajtlanilia xkauakan on tlanauatijli ken nejua onikchiu. Ipan se tonajli katka, onikau on tlanauatijli para ninemis ken nemejuamej yejuan xnenhebreos. Ijkuak ninemiya nemouan, nemejuamej nochi kuajli onennechchiuilijkej.

Efesios 2:10

Dios otechchijchiu itechkopa Cristo Jesús para ma tikchiuakan tlajtlamach* tlen kuajli yejuan Dios desde ye uejkaui okitlalij para ma tikchiuakan.

Efesios 3:1

Nejua Pablo, nitsakutikaj pampa nikteijlia on kuajli tlajtojli nemotsajlan nemejuamej yejuan xnenhebreos*.

Efesios 4:17

In tej, yejua nemechijlia, niman nemechmaktilia ikan itlanauatil toTEKO para maka sa xnemikan ken yejuamej on oksekimej yejuan xhebreos*. Yejuamej nouikaj ipan on yejuan sanenkaj kinejnemiliaj.

Efesios 4:4

Nochimej nemejuamej san se tiopan nemochiuaj itech Dios, niman san se Espíritu mechsentlalia, no ijki san se tlamachalistli* omechmakak Dios.

Efesios 5:2

Niman xkintlajsojtlakan* oksekimej sano ijki ken Cristo otechtlajsojtlak. Yejua onouentlalij topampa ken sen ofrenda niman sen uentli yejuan sanoyej* ajuiyak itech Dios.

Filipenses 1:27

San noneki xnemikan kuajli ijkon ken kijtoua on kuajli tlajtojli de Cristo. Ijkon, tla nejua nias nemechontas, noso uejka ninemis nemotech, nikmatis ika nemejuamej nenmelajkanemij san sekan ikan se tlamachilistli niman san se nemoyojlo para nenkimanauiskej on tlaneltoktli yejuan ualeua itech on kuajli tlajtojli.

Filipenses 3:14

Ijkon ken sen telpochtli yejuan teuan notlatlaloua kampa notlatlanij sanoyej noyolchikaua para tetlanis, nejua no ijki. Sanoyej ninoyolchikaua para niktlanis on tlanilistli yejuan Dios kineki nikselis ne iluikak pampa ninemi san sekan iuan Cristo Jesús.

Colosenses 1:10

Ijkon tiktlajtlaniliaj Dios para nenueliskej nenkitlakaitaskej niman nenkipaktiskej toTEKO ikan nemonemilis. Nenueliskej nenkichiuaskej nochi tlajtlamach* tlen kuajli, niman cada mojmostla más kuajli nenkixmatiskej Dios.

Colosenses 2:6

Ijkon ken nemejuamej onenkiselijkej Cristo Jesús para nemoTEKO, no xnemikan san sekan iuan.

Colosenses 4:12

No ijki mechtlajpaloua Epafras yejuan nemochanejkau niman itekipanojkau Cristo. Yejua nochipa sanoyej kitlajtlanilia Dios para nemejuamej xmelajkanemikan niman xchijchikajtiakan ipan nemotlaneltok, niman para kuajli nenkimatiskej on tlen Dios kineki para nenkichiuaskej.

1 Tesalonicenses 2:12

Niman no otemechtlaktitijkej para xmouikakan ken kitocaroua nemouikaskej, yejuan nenikoneuan Dios akin omechnots para nenkipiyaskej nemilistli ne kampa yejua tlamandaroua niman onkaj ueyilistli.

2 Tesalonicenses 1:11

Yejua ika in, nochipa tikchiuaj oración nemopampa. Tiktlajtlaniliaj toDios ma mechchipaua ijkon ken omechnots, niman ikan ipoder ma kichiua nochi tlen kuajli ijkon ken nemejuamej nenkinekij niman on tlen nenkichiuaj pampa nentlaneltokaj.

2 Timoteo 1:9

Dios otechmakixtij niman otechnots para tikpiyaskej sen nemilistli chipauak. Ijkin okichiu xpampa tla tejuamej itlaj kuajli otikchijkej, yej pampa ijki okinek niman otechmakak iueyitetlajsojtlalis*. Yejua otechmakak in tetlajsojtlalistli* itech Cristo Jesús achtoj ijkuak xe onkatka in tlaltikpaktli.

Tito 2:10

Niman xkinnauati maka ma tlachtekikan, yej kemaj nochi kuajli ma kichiuakan para on inteko kintlaliskej inyojlo intech. Ijkon tej, nochimej kimatiskej ika on itlemachtil Dios toTemakixtijkau yejua sanoyej* kuajli.

Hebreos 13:21

Ma Dios mechpaleui para uelis nenkichiuaskej nochi tlen kuajli ken yejua kineki. Niman itechkopa JesuCristo ma kichiua ipan tonemilis on tlen yejua kipaktia. On ueyilistli para nochipa ma kiseli Cristo. Ma ijki nochiua.

Hebreos 3:1

Aman tej, nokniuan yolchopijkej yejuan Dios omechnots para nenyaskej ne iluikak, maka nenkixkauaskej Cristo Jesús yejuan apóstol* niman más ueyi tlayekanki tiopixki ipan totlaneltok.

1 Pedro 2:11

Notlajsojkaikniuan, nenkimatij ika aman nemejuamej ken nennejnenkej niman xnenchanejkej ipan in tlaltikpaktli. Yejua ika, sanoyej nemechtlajtlanilia maka xkauilikan ma mechyekana on xkuajli nemoeleuilis* yejuan noxixikoua iuan nemoalma.

1 Pedro 3:9

Tla yakaj itlaj mechchiuilis tlen xkuajli, maka no ijki nenkuepiltiskej, noso tla yakaj mechteneuilia on tlen xkuajli, maka no nenkiteneuiliskej on tlen xkuajli. Yej xkuepiltikan ikan tlatiochiualistli, pampa Dios omechnots para ijki nemouikaskej, niman ijki nenkiseliskej sen tlatiochiualistli.

1 Pedro 5:10

Sakin ijkuak nemejuamej yonentlajyouijkej ipan achijtsin tiempo, sano yejua Dios mechkueltlalis, mechmelajkapiyas, mechkojtilis, niman mechyektlalis ipan nemotlaneltok. Sano yejua Dios techmaka nochi iteiknelilis*, niman otechnots para tikpiyaskej iueyilis yejuan para nochipa onyas itechkopa Cristo.

2 Pedro 1:3

Dios ikan ipoder yotechmakak nochi tlen techpoloua para tonemilis niman para tinemiskej chipajkej ken yejua. In nemilistli niman chipaualistli tikpiyaj pampa tikixmatij yejua yejuan otechnots ika iueyilis niman ikualtsin tekiu.

2 Juan 1:5

Niman aman, nokniu siuatl, sanoyej nimitstlajtlanilia ma titetlajsojtlakan*. Yejua in tlen nimitstlajkuiluiya xejua yenkuik tlanauatijli, yej sano yejua on yejuan otikpixkej desde ijkuak otipejkej tikneltokaj Cristo.