Efesios 3:1 - El Nuevo Testamento

¹ Nejua Pablo, nitsakutikaj pampa nikteijlia on kuajli tlajtojli nemotsajlan nemejuamej yejuan xnenhebreos*.

In yencuic iyectlajtoltzin Dios itech ica toTeco Jesucristo

¹ Nejhua, Pablo, nitzacuticaj pampa nicteijlia on cuajli tlajtojli yejhuan quitemaca temaquixtilistli nemotzajlan nemejhuamej yejhuan xnenhebreos.

Efesios 3:1 Iomraidhean Croise

San Lucas 21:12

’Pero chika ajsi para nochiuas nochi in, mechtlaueltotokatinemiskej, niman mechtlauelitaskej niman tlajtlamach* ika mechtlajyouiltiskej niman mechtlajtlakolmakaskej impan on sinagogas*. No ijki mechtsajtsakuaskej, niman imixpan on reyes niman gobernadores mechuikaskej. Nochi in nochiuas san nopampa.

Hechos 21:33

Kemaj on soldadojtlayekanki okinisiuij, niman ijkuak yokajsik Pablo, otlanauatij ma kisalokan ikan ome teposcadenas. Kemaj okintlajtoltij on tojlamej akinon yejua niman tlinon okichiu.

Hechos 23:18

On soldadojtlayekanki okuikak on telpokakonetl itech on más ueyi soldadojtlayekanki, niman okijlij: —Pablo yejuan tsakutikaj onechnots niman onechtlajtlanilij para ma nikuajuika motech in telpokakonetl, pampa kipiya tlinon mitsijlis.

Hechos 26:29

Kemaj Pablo okijtoj: —Ika keski tlajtojli noso tla miyek, nejua niktlajtlanilia Dios para maka san tejua timokuepaskia Cristiano, yej hasta nochimej on yejuan nechkakij, aman nokuepaskiaj Cristianos ken nejua. Pero xniknekiskia para no nensalijtiaskiaj ika in teposcadenas ken nejua nisalijtika.

Hechos 9:15

Pero on toTEKO okijlij: —Xuiya, pampa on tlakatl yoniktlapejpenij para tenojnotsas noka nejua intech on yejuan xhebreos*, reyes niman on hebreos*.

2 Corintios 1:6

Niman tla tejuamej titlajyouiyaj, titlajyouiyaj san para nemejuamej xselikan on teyoltlalilistli niman on temakixtilistli. Niman tla Dios techyoltlalia, techyoltlalia san para nenkipiyaskej teyoltlalilistli niman temakixtilistli. Ijkon tej, uelis nenkixikoskej ikan ijyouilistli sano yejua on tlajyouilistli yejuan tejuamej tikijyouiyaj.

2 Corintios 10:1

Nejua, Pablo, nemechnotsa ken Cristo kichiuaskia ikan iyolyemanilis niman itetlajsojtlalis*. Sekimej kijtouaj ika niyolyemanki* ijkuak ompa ninemi nemouan, pero ijkuak xompa ninemi nemouan chikauak nemechnotsa ipan notlajkuilolamau.

2 Corintios 11:23

¿Noueyiteneuaj ika kitekichiuiliaj Cristo? Nejua no niktekichiuilia Cristo más xken yejuamej. (Nikmati ika ijkon ken nikijtoua, kakisti ken niloco.) Nejua tej, más sanoyej yonitekit xken yejuamej, más miyekpa yonechmajmakej xken yejuamej, más miyekpa yonechtsajtsakukej, niman miyekpa nisiu katka para nimikis.

Gálatas 5:11

Nokniuan, ¿sekimej mechijliaj ika nejua nikteijlijtinemi ika on tlakamej ika onkaj kipiyaskej circuncisión* para kiseliskej on temakixtijli? Tla sanken* ijkon nikteijliskia, on hebreos* xnechtlajyouiltiskiaj, niman on temachtilistli itechkopa on kojnepanol* de Cristo xkitlauelmatiskiaj. Pero yejuamej sanken* nechtlajyouiltiaj.

Gálatas 5:2

Xnechkakikan. Nejua Pablo nemechijlia tla nemejuamej nenkimotlaliliaj on neskayotl itoka circuncisión* pampa nenkinemiliaj mechpaleuis para nenkitlaniskej temakixtilistli, tla ijkon, Cristo xuelis mechmakixtis.

Gálatas 5:24

Niman on yejuan kineltokaj Cristo Jesús, xok kauiliaj intlalnakayo ma kichiua on tlen xkuajli keleuiyaj.

Efesios 3:11

Dios nochi okichiu ken yokitlalijka ipan iyojlo desde yeuejkaui. Ijkon okichiu itechkopa Cristo Jesús toTEKO.

Efesios 3:13

Nemechtlajtlanilia, maka mechyolmajxalo on tlen nikijyouiya nemopampa, pampa in nochiua para mechpaleuis.

Efesios 3:8

Maski nejua xijki niueyixtikaj ken nochimej on yejuan ikoneuan Dios, yejua ikan iueyitetlajsojtlalis* onechmakak in tekitl para nikimijlis on yejuan xhebreos* de on iriquezas Cristo yejuan xakaj uelis kijtos kech ika miyek.

Efesios 4:1

Yejua ika, nejua yejuan nitsakutikaj pampa nitekiti para toTEKO, sanoyej* nemechtlajtlanilia para xmouikakan ken kitocaroua para kuajli nemokauaskej ken Dios omechnots para nenkichiuaskej.

Efesios 6:20

Dios onechajtitlan ken itenojnotskau para nikteijlis in temachtilistli yejuan aman ipampa nitsakutikaj. Xchiuakan oración para nejua nikteijlis in temachtilistli ikan yolchikaualistli ken noneki nikchiuas.

Filipenses 1:7

Kuajli para ijkon niknemilis nemotech, pampa nemechpiya ipan noyojlo, niman pampa nemejuamej onenkiselijkej on iueyitetlajsotlalis Dios ken nejua onikselij. Ijkon nikchiua maski nitsakutikaj, noso ninemi imixpan on tekiuajkej kampa nikmanauiya niman niktemelajkaijlia on tlen melauak de on kuajli tlajtojli yejuan kiteijlia ken Dios temakixtia.

Colosenses 1:24

Aman sanoyej nipaki ika on tlen nemopampa nikijyouiya. Aman ikan notlalnakayo nikajxitijtias on tlajyouilistli yejuan kijyouiya Cristo impampa on tlaneltokakej yejuan nochiuaj itiopan.

Colosenses 4:18

Nejua Pablo, onikijkuiloj in tetlajpalouilistli ikan nejua noma. Xkelnamikikan ika nitsakutikaj. Ma Dios mechmaka iueyitetlajsojtlalis*. Ma ijki nochiua.

Colosenses 4:3

No xchiuakan oración topampa para Dios ma kinyolmatoka on tlakamej para uelis tikinnojnotsaskej ikan itemachtil Cristo on tleniyantikatka* para on tlakamej. Aman nitsakutikaj pampa nitenojnotsa ika itemachtil Cristo.

2 Timoteo 1:16

ToTEKO ma kimikneli ifamilia on tokniu Onesíforo, pampa yejua miyekpa onechyoltlaliko, niman yejua xopinau ika nitsakutikaj.

2 Timoteo 1:8

Yejua ika, maka xpinaua para titenojnotsas itechkopa toTEKO JesuCristo, nion notechkopa yejuan nitsakutikaj san ipampa. Yej no xseli in tlajyouilistli yejuan uajlau san ipampa in kuajli tlajtojli. Niman xmatstia ika Dios techyolchikauas ijkuak tikseliskej on tlajyouilistli.

Filemón 1:1

Nejua, Pablo, yejuan nitsakutikaj ipampa Cristo Jesús, nikijkuiloua in tlajkuilolamatl san sekan iuan tokniu Timoteo para tejua, Filemón, totekipanojkaxiu ipan itekiu Cristo.

Filemón 1:23

Mitstlajpalouaj Epafras, notekipanojkaxiu yejuan tsakutokej san ipampa Cristo Jesús.

Filemón 1:9

aman nikneki nimitstlajtlanilis ikan tetlajsojtlalistli*. Nejua, Pablo, yejuan ye niueuentsin niman aman nitsakutikaj san ipampa Cristo Jesús,

El Apocalipsis 2:10

Maka xmakajsi on tlen saniman tikijyouis. Nenkeskimej on diablo* mechtsakuas ipan cárcel para mechtlatlatas, niman nentlajyouiskej majtlaktli tonajli. Pero tejua xkejeua motlaneltok maski tla timikis ika on tlaueltotokalistli niman castigo, niman nejua nimitsmakas ken motlayokolil on yejkuik nemilistli yejuan tikpiyas para nochipa.