Efesios 2:3 - El Nuevo Testamento

³ Ipan okse tiempo, tinochimej ijkon tinemiyaj. Tiktlakamatiyaj on xkuajli toeleuilis*. Tikchiuayaj nochi tlajtlamach* tlen xkuajli yejuan kinekiya totlalnakayo niman totlamachilis. Yejua ika tej, pampa ijkon tikchiuayaj, timemiyaj ipan on temojtij iueyitlauel Dios sano ijki ken oksekimej nemij.

In yencuic iyectlajtoltzin Dios itech ica toTeco Jesucristo

³ Ipan ocse tonaltin, tinochimej ijcon tinemiyaj. Tictlacamatiyaj on xcuajli toelehuilis. Ticchihuayaj nochi tlajtlamach tlen xcuajli yejhuan quinequiya totlalnacayo niman totlamachilis. Yejhua ica, tej, pampa ijcon ticchihuayaj, tiayaj itech ihueyitlahuel Dios sa no ijqui quen ocsequimej yahuij.

Efesios 2:3 Iomraidhean Croise

San Marcos 4:19

Pero pampa sa komatstokej kenijki nopanoltiskej, niman sanoyej kinekij notomintiskej, niman okseki tlajtlamach* kinejnemiliaj, kelkauaj on itlajtol Dios. Ijkon itlajtol Dios xueli kimpaleuiya yejuamej.

San Juan 1:13

Yejuamej onochijkej ikoneuan Dios xpampa ijki okinekkej imintataj noso iminnanaj, yej otlakatikoj ken Dios okinek para otlakatkej itech.

San Juan 8:44

Nemejuamej nemotataj on diablo*, niman nenkinekij nenkichiuaskej tlinon yejua kineki. On diablo* desde opeu in tlaltikpaktli temiktia. Xkaman kijtoua on tlen melauak, pampa xkipiya ipan iyojlo on tlen melauak. Ijkuak kijtoua on tlen xmelauak, san kijtoua ken nochipa nouika, pampa yejua tlakajkayaua niman yejua imintataj on yejuan tlakajkayauaj.

Hechos 14:16

Yeuejkaui Dios okauilij nochi tlakatl ma kichiua on tlen kinekiya.

Romanos 1:24

Yejua ika tej, Dios okinkauilij ma kichiuakan tlajtlamach* tlen xchipauak yejuan inxkuajlieleuilis okinek. Niman ijki onochijkej on tlen sanoyej tepinajti ken on ika sano tlakamej noejeleuiyaj* niman no ijki on siuamej noejeleuiyaj.

Romanos 11:30

Nemejuamej yejuan xnenhebreos* achtoj xonenkitlakamatkej Dios, pero aman yejua mechiknelia pampa on hebreos* xok okitlakamatkej.

Romanos 13:14

Yej oksekneka xmouikakan ken toTEKO JesuCristo nouika, niman maka xnekikan nenkipaktiskej nemotlalnakayo ika on tlen yejua kineki.

Romanos 2:14

Pero ijkuak on yejuan xhebreos* yejuan xkipiyaj itlanauatil Moisés, kichiuaj on tlen tlanauatia on tlanauatijli, yejuamej kiteititiaj ika itlanauatil Dios onkaj ipan inyojlo, maski xkipiyaj itlanauatil Moisés.

Romanos 5:10

Tla ijkuak tiitlauelikniuan katkaj Dios, yejua otechmakak yolseuilistli itechkopa imikilis iKonetsin. Tla ijkon tej, aman onkaj más tlinon ika uelis techmakixtis itechkopa inemilis pampa yotechmakak yolseuilistli.

Romanos 5:9

Aman tej, Dios kijtoua ika nochi totlajtlakoluan yokimpopoloj pampa Cristo yotoyau iyesyo niman yomik topampa. Tla ijkon tej, onkaj más tlinon ika Cristo techmanauis itech itlauel Dios.

Romanos 6:12

Yejua ika tej, maka sa xkauilikan ma mechtilana on tlajtlakojli ipan nemotlalnakayo para nenkitlakamatiskej on xkuajli eleuilistli*.

Romanos 7:18

Nejua tej, nikmati ika ipan notlalnakayo xitlaj* onkaj tlen kuajli, pampa maski nikneki nikchiuas on tlen kuajli, xueli nikchiua.

Romanos 9:22

Dios kitocaroua kiteititis itlaluel niman ipoder. Pero no kitocaroua kinmijyouis on yejuan kintocarouaya kiseliskej castigo.

1 Corintios 4:7

Maka xnemili tla Dios omitstlalij más tiueyixtikaj xken on oksekimej. ¿Itlaj tikpiya yejuan xDios omitsmakak? ¡Ka, xitlaj*! Yej nochi tlen tikpiya Dios omitsmakak. Tla ijkon tej, ¿tline timoueyimati ika on tlen tikpiya ken sano tejua motech kisaskia?

2 Corintios 7:1

Aman tej, notlajsojkaikniuan, pampa Dios techmaka nochi in promesas, ma tikixtikan ipan totlalnakayo niman toalma nochi on tlen techijtlakoua. Niman ma kuajli titoyolchipauakan pampa tikmakajsij toTEKO.

Gálatas 3:22

Pero on Yektlajkuilojli kijtoua ika nochi tlakatl tlajtlakolej. Ijkon kijtoua para on yejuan kineltokaj JesuCristo uelis kiseliskej on temakixtilistli yejuan Dios okitlalij ipan ipromesa.

Efesios 2:2

Nemouikayaj ken on oksekimej tlakamej yejuan nemij ipan in tlaltikpaktli. Nenkitlakamatiyaj on xkuajli espíritu itoka diablo* yejuan kinmandaroua ikan ipoder on xkuajkualtin espíritus ne tlakpak ipan ajakatl. Yejua no aman tekiti ipan inyojlo on yejuan xkitlakamatij Dios.

Efesios 4:22

Ijkon ken se kixtia itlaken ijkuak yotlajlouak, no ijki xkajkauakan on xkuajli nemoeleuilis* yejuan itlajkauki niman mechkajkayaua.

Colosenses 1:21

Ipan okse tiempo, nennemiyaj ken xnenchanejkej niman ken nentlaueliknijtin katkaj iuan Dios ipampa on tlajtlamach* tlen xkuajli nenkichiuayaj niman nenkinemiliayaj.

1 Tesalonicenses 4:13

Nokniuan, tiknekij xmatikan tlinon impan nochiua on mikatsitsimej para maka xmajmanakan ken oksekimej yejuan xkipiyaj tlamachalistli*.

1 Tesalonicenses 5:6

Yejua ika tej, maka ma tikochikan ken oksekimej, yej ma titlajtlachixtiakan ikan kuajli totlamachilis.

1 Timoteo 6:9

Pero on yejuan kinekij ricojtiskej, xkixikouaj on tetlatlatalistli yejuan kintlajkali ipan tlajtlakojli. Yejuamej kipiyaj miyek xkuajli ineleuilis* yejuan kinuika kampa teyolkokoj niman kampa xoxotonij.

Tito 3:3

Achtopa tejuamej no xkuajli titlanemiliayaj niman xtitetlakamatiyaj. No tixpolijtinemiyaj niman tinemiyaj ipan nochi sesekneka eleuilistli* niman pakilisyotl yejuan xkuajli. Tinemiyaj ipan on tlen xkuajli niman ipan nexikolyotl. Oksekimej techtlauelitayaj niman tikintlauelitayaj.

1 Pedro 1:14

Pampa nenikoneuan Dios yejuan nenkitlakamatij, maka xkauilikan on xkuajli eleuilistli* mechyekanas yejuan nenkipiyayaj ijkuak xnenkixmatiyaj Dios.

2 Pedro 2:14

Yejuamej ijkuak kitaj sen siuatl, nimantsin kejeleuiyaj. Xkaman siauij ika tlajtlakouaj. Yejuamej kintlajkalij ipan tlajtlakojli on yejuan xkojtikej ipan intlaneltok. Inyojlo keleuiya tomin. Dios kijtoua ika yejuamej sanoyej kincastigaros.

2 Pedro 2:18

pampa yejuamej para kinyojyoleuaj on tlakamej kinmijliaj tlajtlamach* ikan kualtsin tlajtoltin maski melauak xitlaj* kijtosneki. Kinchiualtiaj oksekimej no ma kichiuakan on tlen sanoyej xkuajli yejuamej kichiuaj niman on tlen keleuiyaj, on yejuan sa axkan* kikajtiuij on ken xkuajli nouikaj.

1 Juan 2:16

pampa nochi tlen techmaka in tlaltikpaktli xualeua itech toTajtsin, yej nikan kisa ipan in tlaltikpaktli. On xkuajli eleuilistli* yejuan tonakayo kipiya, niman on tlen xkuajli yejuan tikixpakaitaj, niman nochi on tlajtlamach* tlen tikpiyaj yejuan kichiua para yejua ika ma titoueyimatikan, xkisa itech toTajtsin, yej kisa ipan in tlaltikpaktli.

1 Juan 2:8

Pero in tlen nemechtlajkuiluiya, sen yenkuik tlanauatijli pampa Cristo ipan onouikak, niman aman nemejuamej no ipan nemouikaj. Tikmatij ika melauak pampa ueli tikitaj ika on tlayouajlotl ye polijtiu niman ye tlauiloua on yejuan melauak tlauijli.