Efesios 2:2 - El Nuevo Testamento

² Nemouikayaj ken on oksekimej tlakamej yejuan nemij ipan in tlaltikpaktli. Nenkitlakamatiyaj on xkuajli espíritu itoka diablo* yejuan kinmandaroua ikan ipoder on xkuajkualtin espíritus ne tlakpak ipan ajakatl. Yejua no aman tekiti ipan inyojlo on yejuan xkitlakamatij Dios.

In yencuic iyectlajtoltzin Dios itech ica toTeco Jesucristo

² Nemohuicayaj quen on ocsequimej tlacamej yejhuan nemij ipan in tlalticpactli. Nenquitlacamatiyaj on xcuajli espíritu itoca diablo yejhuan quinnahuatia ican ipoder on xcuajcualtin espíritus ne tlacpac ipan ajacatl. Yejhua no aman tequiti ipan inyojlo on yejhuan xquitlacamatij Dios.

Efesios 2:2 Iomraidhean Croise

San Mateo 11:19

Kemaj oniuajlaj, nejua yejuan oninochiu Tlakatl. Ijkuak nejua yejuan nitlakuani niman natlini oniuajlaj, yejuamej okijtojkej ika melauak nitlakuatetl*, niman ika nitlaonini, okijtojkej sen nitlauanketl. Niman no okijtojkej ika iminuan ninouika on tlajtlakolejkej niman on yejuan tlacobrarojkej ika on impuestos. Pero on tlamatkilistli de Dios ueli kajskikamati ika on tlen okichiu.

San Mateo 13:22

On tlajli yejuan uitsyoj kijtosneki inyojlo on tlakamej yejuan kuelkakij itlajtol Dios. Pero pampa sa komatstokej kenijki nopanoltiskej niman sanoyej kinekij kipiyaskej tomin, kelkauaj itlajtol Dios. Ijkon tej, itlajtol Dios xueli kimpaleuiya yejuamej.

San Mateo 13:38

niman on tlajli kampa kitôka trigo kijtosneki in tlaltikpaktli. On kuajli xinachtli kijtosneki on tlakamej yejuan tekoneuan itech Dios, niman on xkuajli planta kijtosneki on yejuan tekoneuan itech diablo*.

San Marcos 4:19

Pero pampa sa komatstokej kenijki nopanoltiskej, niman sanoyej kinekij notomintiskej, niman okseki tlajtlamach* kinejnemiliaj, kelkauaj on itlajtol Dios. Ijkon itlajtol Dios xueli kimpaleuiya yejuamej.

San Lucas 16:8

Niman on tlakatl yejuan iteko on xkuajli tekitlayekanki okiyekteneu pampa okipix itlamachilis para okichiu ijkon ipan on itekiu. Kemaj Jesús okijtoj: —Lástima pampa on tlaltikpaktlakamej más kimatij kenijki kitekitiltiaj on tlajtlamach* ipan on tlen xkuajli, xijki ken on ikoneuan Dios kichiuaj ika on tlen kuajli.

San Lucas 22:31

ToTEKO no okijlij Pedro: —Simón, Simón, xkaki. Satanás nemoka yotlajtlan para mechtsejtselos ken itlaj trigo kitsejtselouaj,

San Juan 12:31

Aman yoyejkok on tonajli ijkuak Dios kinyolkuitis niman kintlajtlakolmakas nochimej in tlaltikpaktlakamej. Niman aman yejua kixtilis ipoder on diablo* yejuan kimandaroua in tlaltikpaktli.

San Juan 13:2

On diablo* yokitlalijka ipan iyojlo Judas Iscariote, itelpoch Simón, on tlamachilistli para kitemakas Jesús intech on tlayekankej hebreos*. Jesús kimatstikatka ika yejua oualeu itech Dios, niman ika oksejpa yas itech. No ijki kimatstikatka ika toTajtsin yokimakak nochi tlanauatijli. Yejua ika, ijkuak tlakuajtikatkaj, ouajnotelkets ne itech on mesa, okuajkixtij itlaken pani niman onoxijlansaloj ikan sen tela yejuan ika nouajuatsaj.

San Juan 13:27

Niman ijkuak Judas yokikuaj on pan, Satanás nimantsin okalak ipan iyojlo. Kemaj Jesús okijlij: —On tlen tikchiuas, nimantsin xchiua.

San Juan 14:30

’Nemouan nitlajtlajtos sa achijtsin más, pampa ye uajlau on diablo* yejuan tlamandaroua ipan in tlaltikpaktli. Maski yejua xkipiya poder para nechtlanis,

San Juan 15:19

Tla nemejuamej nemouikaskiaj ken on tlaltikpaktlakamej yejuan xnechneltokaj, yejuamej mechtlajsojtlaskiaj* ken yejuamej notlajsojtlaj. Pero nejua onemechtlapejpenij intsajlan on tlaltikpaktlakamej. Yejua ika, on tlaltikpaktlakamej mechtlauelitaj pampa xok nemouikaj ken yejuamej.

San Juan 16:11

Niman yejua kintitis ika kinyolkuitis niman kintlajtlakolmakas, pampa on diablo*, yejuan tlamandaroua ipan in tlaltikpaktli, ye kuajli yokitlajtlakolmakakej.

San Juan 7:7

On tlaltikpaktlakamej xuelis itlaj ika mechtlauelitaskej nemejuamej. Pero nejua kemaj, nechtlauelitaj pampa nikinmixkomaka nochi on tlen tlajtlamach* xkuajli kichiuaj.

San Juan 8:23

Jesús okinmijlij: —Nemejuamej nenkisaj nikan ipan tlaltikpaktli, pero nejua oniualeu ne iluikak. Nemejuamej nenkisaj ipan in tlaltikpaktli, pero nejua xnikisa ipan in tlaltikpaktli.

San Juan 8:44

Nemejuamej nemotataj on diablo*, niman nenkinekij nenkichiuaskej tlinon yejua kineki. On diablo* desde opeu in tlaltikpaktli temiktia. Xkaman kijtoua on tlen melauak, pampa xkipiya ipan iyojlo on tlen melauak. Ijkuak kijtoua on tlen xmelauak, san kijtoua ken nochipa nouika, pampa yejua tlakajkayaua niman yejua imintataj on yejuan tlakajkayauaj.

Hechos 19:35

Kemaj ijkuak on yejuan itlajkuilojkau on ueyikalpan ouel okintlakaualtij on tlakamej, okinmijlij: —Tlakamej chanejkej nikan Éfeso, nochi tlakatl kimatstikaj ika in ueyikalpan Éfeso yejua okimaktilijkej para cuidaros itiopan in toueyinantsin Diana, niman de on ixneskayo yejuan oualeu iluikak.

Hechos 5:3

Niman kemaj Pedro okijlij: —Ananías, ¿tline* otikauilij Satanás okalak ipan moyojlo niman omitschiualtij para tikajkayauasnekiya on Espíritu Santo? ¿Tline tej, seki otikixpachoj on tomin yejuan ika omitstlaxtlauilijkej on motlal?

Romanos 12:2

Maka sa xmouikakan ken on tlaltikpaktlakamej nouikaj, yej xkauilikan Dios ma yejua kiyenkuili nemotlamachilis. Ijkin tej, nenkimatiskej tlinon Dios kineki: on tlen kuajli, on tlen kipaktia niman nochi on tlen chipauak.

1 Corintios 5:10

Pero nejua xnikijtosnekiya xkintlalkauikan on yejuan xhebreos*. On tej, melauak ika yejuamej auilnemij, sanoyej tlamach kinejnekij kipiyaskej, tlachtekij niman kinmauistiliaj ídolos. Pero para ueliskia nenkintlalkauiskiaj nonekiskia nenkisaskiaj ipan in tlaltikpaktli.

1 Corintios 6:11

Sekimej nemejuamej nenkichiuayaj on ken on tlajtlakojli. Pero itechkopa toTEKO JesuCristo, niman itechkopa on iEspíritu toDios, yomechyolchipajkej niman nenmejejtokej itech Dios, niman sano Dios yokijtoj ika nochi nemotlajtlakoluan yokintlapojpoluij.

2 Corintios 4:4

Satanás, yejuan imindios on tlaltikpaktlakamej, yokintlamachilispoloj para maka kajsikamatiskej on kuajli tlajtojli yejuan kipantlantia iueyilis Cristo. Niman Cristo kipanextia Dios.

Gálatas 1:4

On JesuCristo onotemakak san ipampa totlajtlakoluan, para on diablo* xok uelis techchiualtis ma titlajtlakokan. JesuCristo ijkon okichiu ken okinek on toTajtsin Dios.

Efesios 1:21

Aman Cristo kinmandaroua nochimej on yejuan tlayekankej, on yejuan tekiuajkej, on yejuan kipiyaj poder, niman on yejuan uejueyixtokej. Itokatsin Cristo, más sanoyej ueyixtikaj xken nochimej on yejuan uejueyixtokej ipan in tonaltin niman no ipan on tonaltin uajlas.

Efesios 2:11

Nemejuamej xonentlakatkej hebreos*. (Yejua ika on hebreos* xmechtlakaitayaj pampa xomechtlalilijkej on neskayotl itoka circuncisión* yejuan yejuamej okintlalilijkej ipan intlanakayo.)

Efesios 2:13

Nemejuamej yejuan uejka nennemiyaj itech Dios, aman nennemij san sekan iuan Cristo Jesús ipampa iyesyo ijkuak omik.

Efesios 2:3

Ipan okse tiempo, tinochimej ijkon tinemiyaj. Tiktlakamatiyaj on xkuajli toeleuilis*. Tikchiuayaj nochi tlajtlamach* tlen xkuajli yejuan kinekiya totlalnakayo niman totlamachilis. Yejua ika tej, pampa ijkon tikchiuayaj, timemiyaj ipan on temojtij iueyitlauel Dios sano ijki ken oksekimej nemij.

Efesios 4:17

In tej, yejua nemechijlia, niman nemechmaktilia ikan itlanauatil toTEKO para maka sa xnemikan ken yejuamej on oksekimej yejuan xhebreos*. Yejuamej nouikaj ipan on yejuan sanenkaj kinejnemiliaj.

Efesios 4:22

Ijkon ken se kixtia itlaken ijkuak yotlajlouak, no ijki xkajkauakan on xkuajli nemoeleuilis* yejuan itlajkauki niman mechkajkayaua.

Efesios 5:6

Maka xkauilikan yakaj mechkajkayauas ikan tlajtoltin yejuan xitlaj* kijtosneki. Ipampa in tlajtlamach* tlen xkuajli, uajlau iueyitlauel Dios impan on yejuan xkitlakamatij.

Efesios 5:8

Ipan okse tiempo onenkichijkej on tlen xkuajli. Pero aman nenkichiuaj on tlen kuajli, pampa nennemij san sekan iuan toTEKO. Yejua ika, xnemikan ipan itlauil Dios niman xchiuakan tlen kuajli.

Efesios 6:12

Ijkon xchiuakan, pampa tejuamej xtitouijsokij inuan on tlaltikpaktlakamej. Yej titouijsokij inuan on xkuajkualtin espíritus yejuan kipiyaj poder. Titoxixikouaj inuan on espíritus yejuan tlamandarouaj, niman kipiyaj tekiuajyotl niman nemij ne tlakpak, niman ajakamej yejuan tlamandarouaj nikan ipan in tlaltikpaktli.

Colosenses 1:21

Ipan okse tiempo, nennemiyaj ken xnenchanejkej niman ken nentlaueliknijtin katkaj iuan Dios ipampa on tlajtlamach* tlen xkuajli nenkichiuayaj niman nenkinemiliayaj.

2 Timoteo 4:10

pampa Demas más okeleuij tlen onkaj ipan in tlaltikpaktli, niman yejua ika yonechtlalkauij. Yejua yoyaj Tesalónica, Crescente oyaj Galacia niman Tito Dalmacia.

Santiago 1:27

On tlaneltoktli yejuan xkipiya ijtlakauilistli, yej kipiya chipaualistli ixpan Dios, kijtosneki ika on tlakatl kimpaleuis iknomej niman siuakaualtsitsimej* ika on tlen kimpoloua, niman xkichiuas on tlen xkuajli yejuan kichiuaj on tlaltikpaktlakamej.

Santiago 1:7

On yejuan ijkon kinemilia, ma kimati ika xkiselis itlaj itech toTEKO.

Santiago 4:4

¡Ay nemejuamej tlakamej yejuan xok nenkitokaj Dios! Nemejuamej ken sen siuatl yejuan auilnemi. ¿Xnenkimatij ika on yejuan kinekij ikan xkuajli eleuilistli on tlajtlamach* yejuan onkaj ipan in tlaltikpaktli, yejuamej nochiuaj itlauelikniuan Dios? San akinon yejuan ikan xkuajli eleuilistli kineki on tlajtlamach* yejuan onkaj ipan in tlaltikpaktli nochiua itlauelikniu Dios.

1 Pedro 1:14

Pampa nenikoneuan Dios yejuan nenkitlakamatij, maka xkauilikan on xkuajli eleuilistli* mechyekanas yejuan nenkipiyayaj ijkuak xnenkixmatiyaj Dios.

1 Pedro 4:3

Ipan on tiempo yopanok, nemejuamej onenkichijkej miyek xkuajli no ijki ken on yejuan xhebreos*. Onenkichijkej nochi tlen sanoyej xkuajli, onenkipixkej xkuajli eleuilistli, onenkichijkej iluimej kampa sanoyej nentlauaniyaj, nochipa nentlauantinemiyaj niman nenkinmauistiliayaj on ídolos.

2 Pedro 2:14

Yejuamej ijkuak kitaj sen siuatl, nimantsin kejeleuiyaj. Xkaman siauij ika tlajtlakouaj. Yejuamej kintlajkalij ipan tlajtlakojli on yejuan xkojtikej ipan intlaneltok. Inyojlo keleuiya tomin. Dios kijtoua ika yejuamej sanoyej kincastigaros.

1 Juan 3:10

Ijkin uelis nenkimatiskej akinomej tekoneuan itech Dios niman akinomej tekoneuan itech on diablo*. Tla yakaj xkichiua tlen kuajli noso xkitlajsojtla ikniu, yejua xtekoneu itech Dios.

1 Juan 3:8

Pero yejuan kistinemi ipan tlajtlakojli, yejua tekoneu itech on diablo*, pampa on diablo* yejua tlajtlakolej desde ijkuak nochi opeu onkaj. Niman on iKonetsin Dios ouajlaj para okixoxotoniko on tlen kichiua on diablo*.

1 Juan 4:4

Notlajsojtlakoneuan, nemejuamej nentekoneuan itech Dios, niman on yejuan kinekij kixoxotoniliskej itekiu Cristo xomechkajkayajkej ikan on xkuajli temachtijli, pampa on Espíritu Santo yejuan nemouan nemi más kojtik xken on diablo* yejuan nemi ipan in tlaltikpaktli.

1 Juan 5:19

Tikmatstokej ika titekoneuan itech Dios, niman no tikmatstokej ika on diablo* ipan ima kimpiya nochimej on tlakamej de in tlaltikpaktli.

1 Juan 5:4

pampa nochimej yejuan tekoneuan itech Dios kitlanij in tlaltikpaktli. Niman ikan totlaneltok tiktlanij in tlaltikpaktli.

El Apocalipsis 12:9

Ijkon tej, on ueyi dragón okuajkixtijkej ne iluikak. On dragón, sano yejua on kouatl yejuan desde yeuejkaui nemi, itoka diablo* noso Satanás. Yejua okajkayau nochi tlakatl chanej* ipan in tlaltikpaktli. Yejua tej, niman iángeles okinuajxinijkej ipan in tlaltikpaktli.

El Apocalipsis 13:14

Yejua okinkajkayau on tlaltikpakchanejkej ikan on milagros* yejuan okauilijkej kichiuas ixpan on achtoj xkuajli yolki. Niman otlanauatij ma kichijchiuakan sen iixkopinajlo de on achtoj xkuajli yolki yejuan nemiya maski tlakokojli* katka ikan espada.

El Apocalipsis 13:8

Nochimej yejuan chantij ipan in tlaltikpaktli, kimauistiliskej on xkuajli yolki, on yejuan xtlajkuilolnestokej intoka ipan on amamoxtli*, yejuan kijtoua akinomej kipiyaj nemilistli para nochipa. In amamoxtli* iyaxka* on Borreguito yejuan okimiktijkej. Niman ijkuak okimiktijkej okitemakak temakixtilistli desde ijkuak opeu in tlaltikpaktli.

El Apocalipsis 16:17

On ika chikome ángel okitsonokij icopa de on tlen kipiyaya ipan ajakatl. Kemaj ne iluikak ipan on ueyitiopan okis sen chikauak tlajtojli yejuan ualejtikatka ipan on ueyixtikaj trono. On tlajtojli ijkin kijtouaya: “Nochi yonochiu.”

El Apocalipsis 20:2

In ángel okajsik on dragón, on yeuejkaui kouatl yejuan sano yejua diablo* yejuan no itoka Satanás. Yejua okisaloj para se mil xipan.