Efesios 2:1 - El Nuevo Testamento

¹ Achtoj, nemoalmas miktoyaj ixpan Dios ipampa on tlen xkuajli onenkichijkej niman ipampa on nemotlajtlakoluan.

In yencuic iyectlajtoltzin Dios itech ica toTeco Jesucristo

¹ Achtoj nemoalmas mictoyaj ixpan Dios ipampa on tlen xcuajli onenquichijquej niman ipampa on nemotlajtlacolhuan.

Efesios 2:1 Iomraidhean Croise

San Mateo 8:22

Pero Jesús okijlij: —Amantsin xuajla nouan, niman xkinkaua on yejuan miktokej ixpan Dios ma kintôkakan on inmikatsitsiuan.

San Lucas 15:24

Ijkon tikchiuaskej, pampa in nokoneu ken yomikka, pero aman oksejpa ye kipiya nemilistli. Yejua yopolijka, pero aman yones. Kemaj opejkej kichiuaj on iluitl.

San Lucas 15:32

Pero aman noneki tikchiuaskej iluitl niman tipakiskej, pampa mokniu ken yomikka, pero aman oksejpa kipiya nemilistli. Yejua yopolijka, pero aman yones.”

San Juan 10:10

On tlachteketl uajlau san para tlachteki, temiktia niman tlaxoxotonia. Pero nejua oniuajlaj para xpiyakan nemilistli, niman xselikan nochi tlen kuajli.

San Juan 14:6

Jesús okinankilij: —Nejua niojtli, nitlin melauak, niman ninemilistli. Tej, san nejua notechkopa uelis ajsiskej itech noTajtsin.

San Juan 5:21

Ijkon ken noTataj kinyoliuitis* on mikatsitsimej niman kinmakas nemilistli, nejua yejuan niiKoneu no ijki nikmakas nemilistli on yejuan niknekis nikmakas.

San Juan 5:25

Ika tlen melauak nemechijlia ye uajlau on tonajli niman sano aman yoyejkok ijkuak on mikatsitsimej kakiskej notlajtol nejua yejuan niiKoneu Dios, niman on yejuan kitlakamatiskej nemiskej.

Romanos 8:2

Itechkopa JesuCristo, ipoder on tlanauatijli yejuan kisa itech on Espíritu Santo yonechmanauij itech ipoder on tlanauatijli de tlajtlakojli. On tlanauatijli de tlajtlakojli nechuikaya ipan mikilistli, pero aman on Espíritu Santo nechuika ipan nemilistli.

1 Corintios 15:45

On Yektlajkuilojli ijkin kijtoua: “On achtoj tlakatl, yejua Adán. Ijkuak Dios okitlalij, okimakak nemilistli.” Pero on sa ika nochi Adán, yejua Cristo. Niman Cristo ikan iEspíritu kitemaka on yenkuik nemilistli para nochipa.

2 Corintios 5:14

Pampa itetlajsojtlalis* Cristo techyekana, tikmatij ika yejua okiselij icastigo nochi tlakatl ijkuak omik. Yejua ika, aman Dios kita nochi tlakatl ken yokiselij icastigo ika on mikilistli.

Efesios 4:18

Kipiyaj intlamachilis yejuan xueli kuajli tlanemilia. Yejuamej xkipiyaj on nemilistli yejuan ualeua itech Dios, pampa xtlamatkej* niman yoltechikajkej.

Efesios 5:14

Yejua ika ijkin nijtoua: Xtlacha tejua yejuan tikochi. Xmokuiteua niman xkisa ne intsajlan on mikatsitsimej yejuan kichiuaj on tlen xkuajli. Tla ijkon tikchiuas, Cristo mitstlauiluis.

Colosenses 2:13

Ipan okseki tiempo nemejuamej nenmiktoyaj ixpan Dios ipampa nemotlajtlakol niman ipampa ieleuilis nemotlalnakayo yejuan nenkipiyayaj. Pero aman Dios mechmaka nemilistli iuan Cristo, niman otechtlapojpoluilij nochi totlajtlakol.

1 Timoteo 5:6

Pero on siuakauajli* yejuan nemi para nopaktis, yejua ken miktikaj ixpan Dios maski nemi.

1 Juan 3:14

Otimikaj pampa otitoxelojkaj itech Dios, pero aman tikpiyaj nemilistli pampa tinemij san sekan iuan Dios. Yejua in tikmatstokej pampa tikintlajsojtlaj on tokniuan. On yejuan xkintlajsojtla* oksekimej, sanken* miktikaj.

El Apocalipsis 3:1

’Xtlajkuilui ipastor on tiopan ne Sardis niman ijkin xkijli: “In yejua itlajtol on yejuan kipiya on chikome iEspíritus Dios niman on chikome sitlalimej. Yejua ijkin mitsijlia: Nejua nikmatstikaj nochi tlen tikchiua. Nikmatstikaj ika timiktok maski tejua timoteneua tikpiya nemilistli ne ixpan Dios.