Efesios 1:4 - El Nuevo Testamento

⁴ Ijkuak xe onkatka in tlaltikpaktli, Dios otechtlapejpenij para tinemiskej san sekan iuan Cristo. Otechtlapejpenij para tikpiyaskej toyojlo chipauak, niman para xtikpiyaskej tlajtlakojli ne ixpan Dios.

In yencuic iyectlajtoltzin Dios itech ica toTeco Jesucristo

⁴ Ijcuac in tlalticpactli xe oncatca, Dios otechtlapejpenij para tinemisquej san secan ihuan Cristo. Otechtlapejpenij para ticpiasquej toyojlo chipahuac, niman para xticpiasquej tlajtlacojli ne ixpan Dios.

Efesios 1:4 Iomraidhean Croise

San Mateo 24:22

Tla Dios xkinteltlalis on tonaltin de tlajyouilistli, nochimej mikiskej. Pero yejua kinteltlalis on tonaltin impampa on yejuan yokintlapejpenij.

San Mateo 24:24

Maka nenkineltokaskej, pampa uajlaskej on tlakajkayajkej yejuan noteneuaskej Cristos noso tiotlajtojkej. Niman kichiuaskej uejueyi tlamauisoltin niman milagros* para tekajkayauaskej, niman tla ueli, hasta on yejuan Dios yokintlapejpenij kinkajkayauaskej. Pero yejuamej xuelis kinkajkayauaskej.

San Mateo 24:31

Niman kemaj kipitsaskej chikauak sen trompeta, niman nikinuajtitlanis noángeles para kinsentlaliskej nochimej on yejuan Dios yokintlapejpenij nochiuiyan ipan in tlaltikpaktli.

San Mateo 25:34

’Kemaj nejua nikimijlis on yejuan nikintlalis ipan noyekma: “Nemejuamej yejuan noTajtsin omechtiochiu, xuajlakan niman xkalakikan kampa nitlamandaroua ken Rey. Ompa Dios otlayektlalij para nemejuamej, desde ijkuak okichijchiu in tlaltikpaktli.

San Juan 10:16

No nikimpiya oksekimej borregos yejuan xtlapoualti ipan in corral. No ika onkaj nikinuajuikas. Yejuamej kuajli kitenkakiskej notlajtol niman nechtlakamatiskej. Ijkon tej, san sekan nemiskej niman no san se tlapixki nemis.

San Juan 15:16

Nemejuamej xonennechtlapejpenijkej, yej nejua onemechtlapejpenij niman onemechtlalij ipan notekiu para xuiyan niman xpiyakan miyek tlakyotl yejuan nokauas para nochipa. Kemaj noTajtsin mechmakas nochi tlen nenkitlajtlaniliskej ikan notokatsin.

San Juan 17:24

’NoTajtsin, nikneki para on yejuan otinechinmakak nouan nemiskej kampa ninemis para ma kitakan on ueyilistli yejuan otinechmakak. Nikpiya on ueyilistli pampa otinechtlajsojtlak desde ijkuak in tlaltikpaktli xe onkatka.

Hechos 13:48

Niman ijkuak yejuamej on yejuan xhebreos okakkej on tlajtojli, opakkej niman opejkej kijtouaj ika on itlajtoltsin toTEKO sanoyej kuajli. Niman otlaneltokakej nochimej on yejuan Dios okintlapejpenij para kipiyaskej nemilistli para nochipa.

Hechos 15:18

Ijkon kijtoua toTEKO yejuan okitemachistij in tlajtlamach* desde yeuejkaui.”

Hechos 18:10

pampa nejua mouan ninemi. Xakaj uelis itlaj mitschiuilis, pampa miyek tlakatl noyaxkauan* ipan in ueyikalpan.

Romanos 8:33

Xakaj uelis kinteixpanuis on yejuan Dios yokintlapejpenij pampa Dios yokijtoj ika nochi intlajtlakoluan yokintlapojpoluij.

1 Corintios 1:8

Sano Dios mechmelajkapiyas hasta ijkuak nochi tlamis, para maka mechtlajtlakolmakas ijkuak uajlas toTEKO JesuCristo.

Gálatas 5:13

Nokniuan, nemejuamej Dios omechnots para nennemiskej tlamakaualtin de on tlanauatijli. In xkijtosneki ika kuajli nenkichiuaskej on tlen xkuajli yejuan nemotlalnakayo kineki, yej nochi oksekneka xchiuakan. Xmopaleuikan cada se inuan oksekimej ikan tetlajsojtlalistli*.

Gálatas 5:22

Pero on yejuan nouikaj ken kinyekana on Espíritu, kiteititiaj miyek tlajtlamach* kuajli yejuan kisa itech on Espíritu. Yejuamej tetlajsojtlaj*, pakij, noyolseuiyaj, noijyouiyaj, tenotskej, tepaleuiyaj ikan kuajli inyojlo, nochipa kichiuaj on tlen kijtouaj,

Gálatas 5:6

Tla san sekan tinemij iuan Cristo Jesús, xitlaj* kijtosneki tla tikpiyaj circuncisión* noso ka. Yej kemaj ueyi kijtosneki ma tikpiyakan totlaneltok, niman in tlaneltoktli kichiua para ma titetlajsojtlakan*.

Efesios 2:10

Dios otechchijchiu itechkopa Cristo Jesús para ma tikchiuakan tlajtlamach* tlen kuajli yejuan Dios desde ye uejkaui okitlalij para ma tikchiuakan.

Efesios 3:17

para Cristo ma nemi ipan nemoyojlo itechkopa nemotlaneltok. Niman niktlajtlanilia Dios para nemejuamej xmokojtilikan ipan on tetlajsojtlalistli* yejuan nenkipiyaj ken sen kojtli* yejuan uejkatlan nokiktsia ikan ineluayo, niman ken sen kajli yejuan uejkatlan peua.

Efesios 4:2

Nemejuamej maka xmoueyimatikan, yej xmonotsakan ikan yolyemanilistli*. Xmijyouilikan nochi iuan cada se ikan tetlajsojtlalistli*.

Efesios 5:2

Niman xkintlajsojtlakan* oksekimej sano ijki ken Cristo otechtlajsojtlak. Yejua onouentlalij topampa ken sen ofrenda niman sen uentli yejuan sanoyej* ajuiyak itech Dios.

Efesios 5:27

No ijkon okichiu para sano yejua ixpan kinuajtelketsas ikan miyek ueyilistli on yejuan kineltokaj. Yejua kinselis ken sen novia yejuan xkipiya mancha de tlajtlakojli, niman chipauak nouika ken nesi itlaj tlakentli* yejuan xkanaj kojkolochtik. Yej kinselis yolchipajkej niman xonyas itlaj okse yejuan ika kichichiuas.

Filipenses 2:15

para xonyas tlinon ika mechtlajtlakolmakaskej niman para nenchipajtiaskej ken nentekoneuan yejuan xkipiyaj mancha ixpan Dios. Ijkon xchiuakan intsajlan on xkuajkualtin tlakamej yejuan xkuajli tlanemiliaj, kampa nempetlanij ken on sitlalimej yejuan petlanij ipan cielo.

Colosenses 1:22

Pero aman Dios omechtlalij yejua itech ikan yolseuilistli ipampa imikilis itlalnakayo Cristo. Ijkon okichiu para mechpiyas chipajkej ixpan, yejuan xitlaj* mancha kipiyaj niman xikan ixkomakalistli.

Colosenses 2:2

Nikinnekilia para yejuamej ma noyoleuakan, niman ma kuajli san sekan nemikan ikan tetlajsojtlalistli*. Nikneki para kipiyaskej on riqueza de kajsikamatilistli para uelis kimatiskej on tlen Dios kiyantikatka yejuan sano yejua Cristo.

Colosenses 3:12

Dios mechtlajsojtla* niman yomechtlapejpenij. Yejua ika tej, xmouikakan ikan teiknelilistli*, yolkuajlilistli, yolyemanilistli*, kuajli tenotsalistli, niman ikan ijyouilistli.

1 Tesalonicenses 3:12

Niman ma toTEKO mechyolchikaua para más nenkimiyekiliskej on tetlajsojtlalistli* inuan oksekimej niman para nochi tlakatl, ijkon ken tejuamej temechtlajsojtlaj.

1 Tesalonicenses 4:7

Dios xotechnots para tikchiuaskej on tlen xchipauak, yej para tikchiuaskej on tlen chipauak ixpan yejua.

2 Timoteo 1:9

Dios otechmakixtij niman otechnots para tikpiyaskej sen nemilistli chipauak. Ijkin okichiu xpampa tla tejuamej itlaj kuajli otikchijkej, yej pampa ijki okinek niman otechmakak iueyitetlajsojtlalis*. Yejua otechmakak in tetlajsojtlalistli* itech Cristo Jesús achtoj ijkuak xe onkatka in tlaltikpaktli.

2 Timoteo 2:10

Ijkon tej, impampa on yejuan Dios okintlapejpenij, nikijyouiya nochi tlajtlamach* para yejuamej ma kiselikan temakixtilistli. In temakixtilistli techmaka pakilistli para nochipa, niman tikseliaj ijkuak tinemij san sekan iuan Cristo Jesús.

2 Timoteo 2:19

Pero Dios yokitlalij on tlen melauak yejuan kojtitikaj ken itlaj cimiento* de tepantli. Niman ipan on cimiento* kipiya in kuajli tlajtojli: “ToTEKO kimixmatstikaj yejuan melauak iyaxkauan”, niman “Nochimej on yejuan kineltokaj niman kimauistiliaj toTEKO noneki ma kajkauakan on tlen xkuajli.”

Santiago 2:5

Notlajsojkaikniuan, xkakikan in: Dios okintlapejpenij on yejuan mayankej ipan in tlaltikpaktli para ma ricojtikan ikan tlaneltoktli, niman para nemiskej ne kampa Dios tlamandaroua ijkon ken okitlalij ipan ipromesa para on yejuan kitlajsojtlaj*.

1 Pedro 1:2

Dios toTajtsin omechtlapejpenij para ikoneuan pampa okimat ika ipan in tiempo nenkineltokaskej JesuCristo. Itechkopa on Espíritu Santo, Dios omechchipauilij nemotlajtlakol para nenkitlakamatiskej JesuCristo niman para yejua omechchipau ikan iyesyotsin. Xpiyakan tej, miyek tlatiochiualistli niman yolseuilistli.

1 Pedro 1:20

Ijkuak in tlaltikpaktli xe onkatka, Dios okitlapejpenij Cristo para kitoyauas iyesyo niman ijkon mechmakixtis. Pero Cristo aman youalajka niman omik nemopampa.

1 Pedro 2:9

Pero nemejuamej Dios omechtlapejpenij, niman nentiopixkej para nenkipaleuiskej toRey. Niman nemejuamej no sen nación yektli, niman nemejuamej no nenteyaxkauan* itech Dios. Niman nochi in onochiu para nenkiteijliskej iueyilis Dios yejuan omechkixtij ipan on tlayauajlotl, niman omechuikak kampa sanoyej kuatsin tlauilpan.

2 Pedro 3:14

Yejua ika tej, notlajsojkaikniuan, chika nemejuamej nenkimachixtokej on tonajli, xchiuakan kanika para Dios mechnextijtejkos nenkipiyaj yolseuilistli, nenyolchipajkej niman xikan tlajtlakojli.

1 Juan 4:16

Tikmatij niman tikneltokaj ika Dios techtlajsojtla. Dios sano yejua tetlajsojtlalistli*. On yejuan tetlajsojtla san sekan nemi iuan Dios, niman Dios san sekan nemi iuan.

El Apocalipsis 13:8

Nochimej yejuan chantij ipan in tlaltikpaktli, kimauistiliskej on xkuajli yolki, on yejuan xtlajkuilolnestokej intoka ipan on amamoxtli*, yejuan kijtoua akinomej kipiyaj nemilistli para nochipa. In amamoxtli* iyaxka* on Borreguito yejuan okimiktijkej. Niman ijkuak okimiktijkej okitemakak temakixtilistli desde ijkuak opeu in tlaltikpaktli.

El Apocalipsis 17:8

On xkuajli yolki yejuan otikitak, sano yejua on yejuan achtoj yoltikatka, pero aman xok yoltikaj. Niman maski xok yoltikaj yejua kuajkisas ijtik on pozo yejuan xnesi kech ika uejkatlan, niman kemaj kixoxotoniskej. Desde ipeuyan in tlaltikpaktli, ye onkatka sen tlajkuilolamatl kampa nestikatka intoka on tlakamej yejuan kipiyaskej nemilistli para nochipa*. On tlakamej yejuan xtlajkuilolnestikaj intoka ipan on tlajkuilolamatl, mojkatlachaskej ijkuak kitaskej on xkuajli yolki, pampa on xkuajli yolki yoltikatka, niman aman xok yoltikaj. Pero oksejpa uajlas.