Efesios 1:3 - El Nuevo Testamento

³ Ma tikyekteneuakan Dios, iTajtsin toTEKO JesuCristo, yejuan otechtiochiu ikan nochi sesekneka tlatiochiualistli ne iluikak. Yejua otechtiochiu pampa san sekan tinemij iuan Cristo.

In yencuic iyectlajtoltzin Dios itech ica toTeco Jesucristo

³ Ma ticyectenehuacan Dios, iTajtzin toTeco Jesucristo, yejhuan otechtiochiu ican nochi ocse tlamantic tlatiochihualistli para toalma ijcon quen yejhuamej ne ilhuicac quipiaj. Yejhua otechtiochiu pampa san secan itech tinemij ihuan Cristo.

Efesios 1:3 Iomraidhean Croise

San Lucas 2:28

Simeón okinapaloj on konetsintli niman ijkin okiyekteneu Dios:

San Juan 14:20

Ipan on tonajli nemejuamej nenkimatiskej ika ninemi iuan noTajtsin, niman nemejuamej nouan nennemij, niman nejua ninemi nemouan.

San Juan 17:21

Nimitstlajtlanilia para nochimej yejuamej ma san sekan nemikan. NoTajtsin, yejuamej ma san sekan touan nemikan ijkon ken tejua tinemi nouan niman nejua mouan ninemi. Melauak tej, ma san sekan nemikan touan para on tlaltikpaktlakamej ma kineltokakan ika tejua otinechajtitlan.

San Juan 20:17

Jesús okijlij: —Maka xnechkiktsi pampa xe niau itech noTajtsin. Pero xuiya niman xkimijliti nokniuan ika yeniau itech noTajtsin niman nemoTajtsin, itech noDios niman nemoDios.

Romanos 12:5

Aman no ijki, maski tejuamej timiyekej, san se tlalnakayotl tiuajtochiuaj iuan Cristo. Ijkon tej, ipan sen tlalnakayotl tisesentenemij niman titopaleuiyaj iuan cada se.

Romanos 15:6

para ika san se inyojlo niman ika san se tlajtojli ma kiyekteneuakan Dios, iTajtsin toTEKO JesuCristo.

1 Corintios 1:30

Pero sano yejua Dios yomechsentlalij iuan Cristo Jesús. Niman itechkopa Cristo tikpiyaj tlamatkilistli, yolmelaualistli niman yolchipaualistli. Niman no itechkopa okitlaxtlau totlajtlakol ikan iyesyo.

1 Corintios 12:12

Itlalnakayo sen tlakatl miyek partes kipiya. Pero maski miyek tlajtlamach* kipiya, san se tlalnakayotl nochiuaj. Tejuamej tej, no ijki titochiuaj itlalnakayo Cristo. Maski timiyekej yejuan tikneltokaj Cristo, tinemij san sekan ken itlalnakayo.

2 Corintios 1:3

Ma tikyekteneuakan toTajtsin Dios yejuan iDios niman iTajtsin toTEKO JesuCristo, pampa yejua techiknelijtikaj niman nochipa techyoltlalijtikaj.

2 Corintios 11:31

Dios yejuan iTajtsin toTEKO JesuCristo, yejuan para nochipa noneki kiselis yekteneualistli, kimatstikaj ika nikijtoua tlen melauak.

2 Corintios 5:17

Yejua ika, tla yakaj nemi san seknek iuan Cristo, yejua sen yenkuik tlakatl ipan inemilis. On xkuajli inemilis yejuan kipiyaya yopanok, niman aman kipiya yenkuik inemilis.

2 Corintios 5:21

Maski Cristo xokichiu nion se tlajtlakojli, Dios san topampa okimakak castigo ken tlajtlakolej yeskia. In onochiu para Dios ma techseli ken tiyolmelajkej ijkuak san sekan tinemij iuan Cristo.

Gálatas 3:9

Yejua ika, aman nochimej yejuan tlaneltokaj no kiseliaj on tlatiochiualistli ken okiselij Abraham.

Efesios 1:10

On tlen otechpanextilij, nochiuas ijkuak nocumpliros on tonaltin. Kemaj, Dios kisentlalis nochi tlajtlamach* yejuan okitlalij ne iluikak niman nikan ipan in tlaltikpaktli para Cristo kimandaros.

Efesios 1:17

niman niktlajtlanilia iDios toTEKO JesuCristo, on toueyiTajtsin, para ma mechmaka itechkopa on Espíritu Santo tlamatkilistli niman kajsikamatilistli para más kuajli nenkixmatiskej.

Efesios 1:20

ijkuak okiyoliuitij* niman okuiteu Cristo ipan itlalkon, niman okitlalij iyekmakopa ne iluikak.

Efesios 2:6

No ijki Dios otechkuiteu iuan Cristo Jesús, niman otechtlalij ne iluikak kampa Cristo yeuatikaj.

Efesios 3:10

Aman intechkopa on tlaneltokakej, nochimej on ángeles ne iluikak yejuan tlayekanaj niman kipiyaj poder, uelis kixmatiskej itlamatkilis* Dios ipan nochi on sesekneka tlen onkaj.

Efesios 6:12

Ijkon xchiuakan, pampa tejuamej xtitouijsokij inuan on tlaltikpaktlakamej. Yej titouijsokij inuan on xkuajkualtin espíritus yejuan kipiyaj poder. Titoxixikouaj inuan on espíritus yejuan tlamandarouaj, niman kipiyaj tekiuajyotl niman nemij ne tlakpak, niman ajakamej yejuan tlamandarouaj nikan ipan in tlaltikpaktli.

Filipenses 2:11

Ijkon okichiu para nochimej ma kixmatikan niman ma kijtokan ika yejua toTEKO, niman ijkon Dios toTajtsin kiselis ueyilistli.

Hebreos 8:5

Pero on tiopixkej tekitij ipan sen tiopan yejuan kixneskayotia* on tiopan yejuan onkaj ne iluikak. Niman tikmatij ika in melauak, pampa ijkuak Moisés ye kichijchiuaskia on tabernáculo, Dios okijlij: “Xpiya cuidado para tikchijchiuas on tabernáculo* sano ijki ken nejua onimitsititij ne ipan on tepetl.”

Hebreos 9:23

Nochi on tlajtlamach* yejuan notekitiltiaya ipan on yektiopan ken itlaseuajlo on tlen onkaj ne iluikak, niman nonekiya nochipauaskej ika inyesyo on uakaxkokonej niman on chivoskokonej yejuan onochijkej uentli. Pero on tlajtlamach* tlen onkaj ne iluikak yejuan xsan tlaseuajlotl, yej kinekij on yejuan más kuajli uentli xsan iyesyo on yolkej.

1 Pedro 1:3

Ma tikyekteneuakan Dios iTajtsin toTEKO JesuCristo pampa ikan ueyi iteiknelilis* otechmakak yenkuik nemilistli. Ijkon tej, otitlakatkej oksejpa. Yejua ika, tikpiyaj tlamachalistli* yejuan melauak, pampa JesuCristo onoyolitij* niman onoketsteu ipan itlalkon.