3 Juan 1:2 - El Nuevo Testamento

² Notlajsojkaikniu, nikchiua oración para kuajli nochi ika xkisa niman para xpiya kuajli mochikaualis, ijkon ken kuajli nochiua ipan moalma.

In yencuic iyectlajtoltzin Dios itech ica toTeco Jesucristo

² Notlajsojcaicniu, nicchihua oración para ica nochi cuajli xquisa niman para xpia cuajli mochicahualis, ijcon quen cuajli nochihua ipan moalma.

3 Juan 1:2 Iomraidhean Croise

San Mateo 9:12

Jesús okak tlinon yejuamej okijtojkej, niman okinmijlij: —Para on yejuan xkualoj xnoneki sen tepajtijketl, pero para on yejuan kualoj kemaj.

Filipenses 2:27

Melauak yejua kualouaya, niman ye mikiya. Pero Dios okiknelij*, niman xsan yejua, yej nejua no onechiknelij* para xonikpix más ajmantli aparte de in yejuan ye nikpiya.

Filipenses 2:4

Maka xchiuakan on tlen kuajli san para nemejuamej, yej no xkinchiuilikan oksekimej on tlen kuajli.

2 Tesalonicenses 1:3

Nokniuan, noneki nochipa tikmakaskej tlaxtlauijli Dios nemopampa. Yejua in kuajli para tikchiuaskej, pampa nemotlaneltok más noskaltijtiu, niman on tetlajsojtlalistli* yejuan cada se nenkipiyaj inuan oksekimej más ueyixtiu.

2 Tesalonicenses 2:13

Pero noneki nochipa tikmakaskej tlaxtlauijli Dios nemopampa, tokniuan yejuan toTEKO mechtlajsojtla*, pampa Dios omechtlapejpenij para achtoj onentlaneltokakej de on oksekimej. Onemomakixtijkej itechkopa ipoder on Espíritu Santo para onemochijkej iyekkoneuan ijkuak onenkineltokakej on tlen melauak.

Santiago 5:12

Aman nokniuan, in sanoyej ueyi kijtosneki. Maka xmotlajtolmakakan ika on cielo*, nion ika in tlaltikpaktli, nion itlaj ika okse tlajtlamach*. Tla sen tlakatl mechtlajtoltia itlaj yejuan melauak noso xmelauak, san xkijtokan “Kemaj”, tla melauak, noso xkijtokan “Ka”, tla xmelauak. Ijkon xchiuakan para Dios xmechtlajtlakolmakas.

1 Pedro 4:8

In yejua más ueyi kijtosneki. Sanoyej xmotlajsojtlakan* iuan oksekimej pampa tla melauak nentetlajsojtlaj nenkitlapojpoluiskej yejuan mechchiuilia tlen xkuajli.

2 Pedro 3:18

Pero xkixmatstiakan más kuajli toTEKO on toTemakixtijkau JesuCristo, niman xmoskaltikan más ikan iueyitetlajsojtlalis*. Sanken aman niman para nochipa, yejua ma kiseli ueyilistli. Ma ijki nochiua.

3 Juan 1:1

Nejua, yejuan niueuetki tlayekanki intech tokniuan, nimitstlajkuiluiya in tlajkuilolamatl, tejua notlajsojkaikniu yejuan motokan Gayo, yejuan melauak nimitstlajsojtla*.

El Apocalipsis 2:9

Yejua ijkin mitsijlia: Nejua nikixmati ken titlajyouiya niman ika xitlaj* tikpiya, maski ika tlen melauak tejua tirico ixpan Dios. No nikmatstikaj ika on yejuan noteneuaj hebreos* mitsijtouiliaj on tlen xkuajli. Pero yejuamej xmelauak nopouaj ken hebreos*, yej nochiuaj isinagoga* Satanás.