1 Juan 5:6 - El Nuevo Testamento

⁶ On yejuan ouajlaj, yejua JesuCristo. Yejua okipanextij ika yejua iKoneu Dios ijkuak onokuatekij ikan atl niman no ijkuak okitoyau iyesyo ne ipan on kojnepanojli*. Xsan ika onokuatekij, pero yej no ika okitoyau iyesyo. On Espíritu Santo sano yejua kitepannextilia ika in melauak, niman on Espíritu nochipa kijtoua on tlen melauak.

In yencuic iyectlajtoltzin Dios itech ica toTeco Jesucristo

⁶ On yejhuan ohuajlaj, yejhua Jesucristo. Yejhua oquipanextij ica yejhua iConeu Dios ijcuac onocuatequij ipan atl niman no ijcuac oquitoyau iyesyo ne ipan on cojnepanojli. Xsan ica onocuatequij, pero yej ica no oquitoyau iyesyo. On Espíritu Santo sa no yejhua quiteixpantilia nochi yejhua in, niman on Espíritu nochipa quijtohua on tlen melahuac.

1 Juan 5:6 Iomraidhean Croise

San Mateo 26:28

In vino yejuan aman nenkoniskej ika in copa kixneskayotia* noyesyo yejuan kipeualtia on yenkuik pacto*, niman in noyesyo toyauis para miyekej kintlapojpoluilis intlajtlakol.

San Mateo 3:16

Kemaj ijkuak Jesús yonokuatekij, okis itech on atl. Kemaj on, nimantsin on iluikak otlapou, niman yejua okitak iEspíritu Dios uajtemouaya ken itlaj paloma niman onotlalijtejkok ipan.

San Marcos 14:24

Niman okinmijlij: —In noyesyo yejuan nenkoniskej yejua kipeualtia on yenkuik pacto*, niman in noyesyo toyauis para kintlapojpoluilis intlajtlakol miyekej.

San Lucas 22:20

Ijkuak yotlakuajkej, no ijki okinmakak on copa niman okijtoj: —In tlen aman nenkoniskej ika in copa kijtosneki on yenkuik pacto* yejuan peua ikan noyesyo, niman san nemopampa toyauis.

San Juan 14:17

Yejua tej, on Espíritu Santo yejuan mechtlamachilistis ika on tlen melauak. On tlaltikpaktlakamej xuelij kiseliaj, pampa xkitaj niman xkixmatij. Pero nemejuamej nenkixmatij, pampa yejua nemouan nemi niman nemouan nokauas.

San Juan 14:6

Jesús okinankilij: —Nejua niojtli, nitlin melauak, niman ninemilistli. Tej, san nejua notechkopa uelis ajsiskej itech noTajtsin.

San Juan 15:26

’Pero nikuajtitlanis on Tlapaleuijketl yejuan kisas itech noTajtsin. Yejua on Espíritu Santo yejuan tekajsikamachiltis on tlen melauak. Ijkuak yejua uajlas noka tenojnotsas.

San Juan 16:13

Pero ijkuak uajlas on Espíritu Santo, yejuan tekajsikamachiltis on tlen melauak, yejua mechmachtis nochi tlen melauak pampa xmechijlis sano yejua itlamachilis, yej kijtos nochi tlen kaki itech noTajtsin. Niman no mechititis on tlajtlamach* yejuan más sakin* nochiuas.

San Juan 3:5

Niman Jesús okijlij: —Ika tlen melauak nimitsijlia, tla yakaj tlakatl xnokuatekiya ikan atl niman xtlakati itechkopa on Espíritu Santo, xuelis kalakis ne kampa Dios tlamandaroua.

San Juan 4:10

Kemaj Jesús okijlij: —Tla tikmatiskia ika Dios kineki mitsmakas sen kuajli tetlayokolijli*, niman akin nejua yejuan nimitstlajtlanilijtikaj atl, tla ijkon, yej tejua tinechtlajtlaniliskia atl niman nejua nimitsmakaskia on atl yejuan kitemaka nemilistli.

San Juan 4:14

Pero akin konis on atl yejuan nikmakas xkaman amikis, pampa on atl yejuan nikmakas yejua ijtik ken itlaj ameyajli yejuan kimakas nemilistli para nochipa.

San Juan 6:55

Ijkon nochiuas pampa nonakayo yejua melauak tlakuajli, niman noyesyo yejua melauak tlaonijli.

Hechos 8:36

Niman ijkuak panotiayaj ipan ojtli, oyejkokej kampa onkatka atl. Niman on ueyi tekiuaj okijlij Felipe: —Nikan onkaj atl. ¿Xuelis tinechkuatekis?

Romanos 3:25

Dios okitlalij Cristo ken se uentli. Yejua okitoyau iyesyo para kimpopolouilia intlajtlakol on tlakamej ijkuak kineltokaj. Ijkin tej, kiteititia ika yejua yolmelajki pampa xokichiuilij cuenta on tlajtlakojli yejuan okichijkej ijkuak xe mikiya Cristo.

Efesios 1:7

ItlajsojkaKonetsin okitlaxtlau ikan iyesyo totlajtlakoluan, niman aman Dios yotechtlapojpoluilij ikan iueyitetlajsotlalis.

Colosenses 1:4

Tikmakaj tlaxtlauijli pampa otikakkej ika on nemotlaneltok nenkipiyaj itech Cristo Jesús, niman on nemotetlajsojtlalis* nenkimpiyaliaj nochimej on yejuan yolchipajkej.

1 Timoteo 3:16

Tinochimej tikmatij ika on tlen iyantikatka* yejuan Dios otechititij itechkopa totlaneltok sanoyej ueyi kijtosneki: Dios ouajlaj ken sen tlakatl; on Espíritu Santo okiteititij ika yejua chipauak. On ángeles okitakej. Okitemachistijkej ipan tlaltikpaktli. On tlakamej okineltokakej nochiuiyan ipan in tlaltikpaktli. Niman kemaj okuikakej iluikak.

Tito 3:5

otechmakixtij. Pero otechmakixtij xpampa tejuamej otikchijkej on tlen kuajli, yej pampa yejua otechiknelij. Otechmakixtij ikan iEspíritu Santo yejuan otechpajpak para tikpiyaskej yenkuik nemilistli, niman yejua otechyenkuilij.

Hebreos 10:29

Tla ijkon, ¿tlinon nenkinemiliaj ipan nochiuas on yejuan xipan kita iKonetsin Dios? ¿Tlinon nochiuas intech on yejuan xkixtlajsojtlaj on iyesyotsin Cristo yejuan okipeualtij on yenkuik ipacto* Dios yejuan ika yokinchipauilij intlajtlakoluan? ¿Tlinon nochiuas intech on yejuan kuijuikaltiaj iEspíritu Dios yejuan yokinmakak on iueyitetlajsojtlalis? Yejuamej tej, kiseliskej sanoyej más ueyi castigo.

Hebreos 12:24

Yonenkinisiuijkej Jesús on yejuan okitlalij on yenkuik pacto* niman ikan iyesyo yejuan okitoyau. In yestli kiteititia on tetlapojpoluilistli niman xkitlajtlani on tetlakuepiltijli ken iyesyo Abel tlajtlaniya.

Hebreos 13:20

Dios, yejuan techmaka yolseuilistli, okiyoliuitij* niman okuiteu ipan itlalkon toTEKO JesuCristo yejuan ueyi Tlajpixki intech on borreguitos. Yejua ueyi Tlajpixki pampa itechkopa iyesyotsin, okipeualtij on yenkuik pacto* yejuan para nochipa onyas.

Hebreos 9:14

Pero ¡iyesyo Cristo más kipiya poder xken inyesyo on toros niman on chivos! Itechkopa on Espíritu Santo yejuan nochipa nemi, yejua onotemakak ixpan Dios ken sen uentli yejuan nochi chipauak. Ijkon tej, iyesyo kichipaua on tlen xkuajli ipan totlamachilis yejuan techuika ipan mikilistli, para yej ma tiuelikan tiktekipanokan Dios yejuan nochipa nemi.

Hebreos 9:7

Pero ne kampa Más Tlayekkan san yejua on más ueyi tlayekanki tiopixki kalaki, niman yejua san sejpa kalakiya ipan se xipan. Niman ijkuak onkalaki ika onkaj kikti yestli para kitemaka ipampa itlajtlakoluan niman no ipampa intlajtlakoluan on tlakamej yejuan okichijkej itlaj tlajtlakojli maski xkimatiyaj.

1 Pedro 1:2

Dios toTajtsin omechtlapejpenij para ikoneuan pampa okimat ika ipan in tiempo nenkineltokaskej JesuCristo. Itechkopa on Espíritu Santo, Dios omechchipauilij nemotlajtlakol para nenkitlakamatiskej JesuCristo niman para yejua omechchipau ikan iyesyotsin. Xpiyakan tej, miyek tlatiochiualistli niman yolseuilistli.

1 Pedro 3:21

Niman on atl, aman yejua kixneskayotia* on tlakuatekilistli. Ijkuak titokuatekiyaj, nesi ika timakisaj itechkopa iyoliuilis Cristo ijkuak Dios oketsteu ipan itlalkon. On tlakuatekilistli xkichipaua tonakayo, yej tiktlajtlaniliaj Dios para techmakas sen chipajkatlamachilistli.

1 Juan 1:7

Pero tla xtitlajtlakouaj, yej tinemij yolchipajkej ken Dios nemi, tla ijkon tej, san sekan tinemij inuan oksekimej, niman iyesyotsin JesuCristo, yejuan iKonetsin Dios, techchipauilia nochi totlajtlakoluan.

1 Juan 4:10

Xmatikan tlinon kijtosneki in tetlajsojtlalistli*. In tetlajsojtlalistli* xkijtosneki ika otiktlajsojtlakej* Dios, yej yejua otechtlajsojtlak hasta okuajtitlan iKonetsin para omik ipan kojnepanojli* para otechtlapojpoluilij totlajtlakoluan.

El Apocalipsis 1:5

No ijki, ma mechtiochiua JesuCristo yejuan nochipa kuajli tlajtoua ken testigo. Yejua achtoj oyoliu* niman onokuiteu ipan itlalkon para xok kaman mikis, niman kinmandaroua on reyes. Yejua techtlajsojtla* niman otechchipauilij toalma ikan iyesyo.

El Apocalipsis 5:9

Yejuamej nokuikatiayaj sen yenkuik kuikatl: “Tejua mitstocaroua tikontilanas on tlajkuilolamatl mimilijtikaj, niman tiktsayanas isellos, pampa omitsmiktijkaj, niman ikan moyesyo otitechkou para otitechteyaxkatij itech Dios. Tlakamej de nochimej razas, nochi kech seseknekamej tlajtoltin*, nochi kalpanmej niman nochi países otikinkou para Dios.

El Apocalipsis 7:14

Nejua onikijlij: “Señor, tejua tikmati akinomej niman kanon oualejkej.” Niman yejua onechijlij: “In yejuamej on yejuan youajkiskej ipan on temojtij tlajyouilistli. Niman yejuamej okimpakkej intlakeuan niman okimistalijkej ikan iyesyo on Borreguito.