1 Juan 5:10 - El Nuevo Testamento

¹⁰ On yejuan kineltoka iKonetsin Dios, kuajli kimati ipan iyojlo ika Jesús melauak iKonetsin Dios. On yejuan xkineltoka sano ijki ken kinemiliskia ika Dios sen tlakajkayajketl, pampa xkineltoka on tlen Dios otechpannextilij itech iKonetsin.

In yencuic iyectlajtoltzin Dios itech ica toTeco Jesucristo

¹⁰ On yejhuan quineltoca iConetzin Dios, iyojlo quimachiltia ica Jesús melahuac iConetzin Dios. On yejhuan xquineltoca sa no ijqui quen quinemilisquia ica Dios se tlacajcayajquetl, pampa xquineltoca on tlen Dios otechixpantilij itech iConetzin.

1 Juan 5:10 Iomraidhean Croise

San Juan 3:16

’Tej, Dios sanoyej* okintlajsojtlak* on tlaltikpaktlakamej, hasta okitemakak isenteKonetsin para nochi on akin kineltokas xpoliuis, yej kipiyas nemilistli para nochipa.

San Juan 3:18

’On yejuan kineltoka xkitlajtlakolmakaskej, pero yejuan xkineltoka ye kipiya tlajtlakolmakalistli san pampa xkineltoka isenteKonetsin Dios.

San Juan 3:33

Pero tla yakaj kineltoka on tlen kijtoua on yejuan ouajtemok ne iluikak, kijtosneki ika Dios kijtoua on tlen melauak.

San Juan 5:38

Nion itlajtol xueli kalaki ipan nemoyojlo, pampa xnennechneltokaj nejua yejuan onechajtitlan.

Hechos 8:37

Felipe okijlij: —Tla tikneltoka Cristo ikan nochi moyojlo, uelis. On tlakatl okijlij: —Nikneltoka ika JesuCristo yejua iKonetsin Dios.

Romanos 8:16

On Espíritu Santo niman toyojlo techijlia ika tiikoneuan Dios.

Gálatas 4:1

In sen ejemplo. Sen konetl yejuan okiselij sen herencia, nemis ken sen esclavo hasta noskaltis maski yejua ye iyaxka* nochi.

Gálatas 4:6

Niman pampa titekoneuan, Dios okuajtitlan ipan toyojlo iEspíritu on iKonetsin. Niman on Espíritu techchiualtia para tikijliaj Dios: “¡Abba*, noTajtsin!”

Colosenses 3:3

pampa onenmikkej iuan Cristo. Aman nenkipiyaj nemonemilis iyantikaj iuan yejua yejuan nemi san sekan iuan Dios.

Hebreos 3:12

Nokniuan, xmocuidarokan para maka nensemej nenkipiyaskej xkuajli nemoyojlo yejuan xok kineltokas niman yej noxelos itech on Dios yejuan nochipa nemi.

2 Pedro 1:19

Yejua ika más tikneltokaj ikan nochi toyojlo ika on tiotlajtojli yejuan okijkuilojkej on tiotlajtojkej sanoyej melauak. Nemejuamej kuajli nenkichiuaskej tla nenkitenkakiskej on tiotlajtojli, pampa on tiotlajtojli ken itlaj lámpara yejuan tlauiloua kampa tlayouatok hasta kaman tlanesi. In no ijki ken ijkuak on toTEKO Cristo uajlau ipan iyojlo sen tlakatl niman kixtia nochi tlen xkuajli ompa onkaj.

1 Juan 1:10

Dios kijtoua ika nochi tlakatl tlajtlakolej. Yejua ika, tla titoteneuaj xtitlajtlakolejkej, on tlen tikijtouaj sano ijki ken tikijtoskiaj ika Dios sen tlakajkayajketl. Tla ijkon, xnejli tikneltokaj itlajtol.

1 Juan 5:1

Nochimej yejuan kineltokaj ika Jesús yejua Cristo yejuan Dios okuatitlan, yejuamej ikoneuan Dios. Nochimej yejuan kitlajsojtlaj* sen tajtli no ijki kintlajsojtlaj ikoneuan on tajtli.

El Apocalipsis 12:17

Kemaj on dragón sanoyej okualan itechkopa on siuatl, niman okinuisokito yejuan iuejkakoneuan on siuatl. In yejuamej on yejuan kitlakamatij itlanauatil Dios, niman ikan yolchikaualistli kijtouaj ika kineltokaj JesuCristo.

El Apocalipsis 2:17

Xpiyakan cuidado on tlen on Espíritu Santo kinmijlia on tlaneltokakej. On yejuan tetlaniskej nikinmakas ma kuakan on maná yejuan iyantikaj. Niman no nikinmakas sen tetsintli istak kampa tlajkuilolnestias sen yenkuik tokayotl yejuan xakaj kixmatis, yej san on yejuan kiselia kixmatis.”

El Apocalipsis 2:28

Niman no nikinmakas iueyi kualtsinyo on kualkan sitlalin.