1 Juan 4:7 - El Nuevo Testamento

⁷ Notlajsojkaikniuan, ma titotlajsojtlakan* inuan oksekimej, pampa on tetlajsojtlalistli* ualeua itech Dios. Yejua ika, on yejuan tetlajsojtla yejua tekoneu itech Dios niman kixmati Dios.

In yencuic iyectlajtoltzin Dios itech ica toTeco Jesucristo

⁷ Notlajsojcaicnihuan, ma titotlajsojtlacan inhuan ocsequimej, pampa on tetlajsojtlalistli hualehua itech Dios. Yejhua ica on yejhuan tetlajsojtla yejhua teconeu itech Dios niman quixmati Dios.

1 Juan 4:7 Iomraidhean Croise

San Juan 13:34

Nemechmaka in yenkuik tlanauatijli: xmotlajsojtlakan* inuan oksekimej. Ijkon ken nejua nemechtlajsojtla*, nemejuamej no ijki xmotlajsojtlakan* inuan oksekimej.

San Juan 17:3

In nemilistli yejuan para nochipa se kiselia ijkuak mitsixmati tejua yejuan san moselti melauak tiDios, niman nejua niJesuCristo yejuan otinechajtitlan.

1 Corintios 8:3

Pero tla yakaj kitlajsojtla* Dios, Dios kuajli kixmatstikaj.

2 Corintios 4:6

Dios, yejuan otlanauatij ma petlani on tlauijli ne kampa tlayouatok, no yotechueliltij para itlauil ma petlani ipan toyojlo, niman ijkon yotikixmatkej iueyilis yejuan kipantlantia ipan ixayak JesuCristo.

Gálatas 4:9

Aman nenkixmatij Dios. Más kuajli ma nikijto, mechixmati. Yejua ika, ¿tline tej, nenkinekij nemokuepaskej niman nenkitlakamatiskej on tlanauatijli, niman oksejpa nennemiskej ken esclavos?

Gálatas 5:22

Pero on yejuan nouikaj ken kinyekana on Espíritu, kiteititiaj miyek tlajtlamach* kuajli yejuan kisa itech on Espíritu. Yejuamej tetlajsojtlaj*, pakij, noyolseuiyaj, noijyouiyaj, tenotskej, tepaleuiyaj ikan kuajli inyojlo, nochipa kichiuaj on tlen kijtouaj,

2 Timoteo 1:7

Ijkon xchiua, pampa Dios xotechmakak sen espíritu de nemojtijli, yej otechmakak on espíritu de poder de tetlajsojtlalistli* niman para ma tikteltikan toxkuajli eleuilis*.

1 Pedro 1:22

Aman pampa nenkitlakamatij itlajtol Dios, nemoalma chipajkej para nenueliskej nenkintlajsojtlaskej* on tokniuan. Yejua ika sanoyej xmotlajsojtlakan* inuan oksekimej ikan nochi nemoyojlo.

1 Juan 2:10

On yejuan kitlajsojtla* ikniu nemi ipan tlauijli, niman xitlaj* uelis kitlajkalis ipan tlajtlakojli.

1 Juan 2:29

Nemejuamej ye nenkimatstokej ika Dios yejua yolmelajki. Yejua ika, nenkimatij ika nochimej on yejuan kichiuaj on tlen kuajli yejuamej tekoneuan itech Dios.

1 Juan 2:3

Tla tikintlakamatij itlanauatiluan Dios, tla ijkon, tikmatstokej ika yejua tikixmatij.

1 Juan 2:4

Pero tla yakaj kijtoua ika kixmati Dios niman xkintlakamati itlanauatiluan, yejua nochiua sen tlakajkayajketl, niman xkijtoua on tlen melauak.

1 Juan 2:7

Nokniuan, xnemechtlajkuiluijtikaj se yenkuik tlanauatijli. Yejua in tlanauatijli ye nenkipiyayaj desde ijkuak onenkineltokakej Cristo. Yejua in tlanauatijli yonenkakaj.

1 Juan 3:9

Xakaj yejuan ikoneu Dios kistinemi ipan tlajtlakojli, pampa inemilis Dios nokaua ipan. Niman yejua xuelis más kistinemis ipan tlajtlakojli, pampa yejua yotlakat itech Dios.

1 Juan 4:11

Notlajsojkaikniuan, tla Dios ijkon sanoyej* otechtlajsojtlak, no ijki noneki titotlajsojtlaskej* inuan oksekimej.

1 Juan 4:12

Xkaman yakaj kita Dios, pero tla titotlajsojtlaj inuan oksekimej, Dios nemi ipan toyojlo, niman titetlajsojtlaskej ken Dios kineki.

1 Juan 4:16

Tikmatij niman tikneltokaj ika Dios techtlajsojtla. Dios sano yejua tetlajsojtlalistli*. On yejuan tetlajsojtla san sekan nemi iuan Dios, niman Dios san sekan nemi iuan.

1 Juan 4:20

Tla yakaj kijtoua: “Nejua niktlajsojtla* Dios”, pero kitlauelita ikniu, yejua kijtoua on tlen xmelauak, pampa tla se xkitlajsojtla ikniu yejuan kita, no xkitlajsojtla Dios yejuan xkita.

1 Juan 4:8

On yejuan xtetlajsojtla xkixmati Dios, pampa Dios yejua tetlajsojtlalistli*.

1 Juan 5:1

Nochimej yejuan kineltokaj ika Jesús yejua Cristo yejuan Dios okuatitlan, yejuamej ikoneuan Dios. Nochimej yejuan kitlajsojtlaj* sen tajtli no ijki kintlajsojtlaj ikoneuan on tajtli.

2 Juan 1:5

Niman aman, nokniu siuatl, sanoyej nimitstlajtlanilia ma titetlajsojtlakan*. Yejua in tlen nimitstlajkuiluiya xejua yenkuik tlanauatijli, yej sano yejua on yejuan otikpixkej desde ijkuak otipejkej tikneltokaj Cristo.