1 Juan 4:4 - El Nuevo Testamento

⁴ Notlajsojtlakoneuan, nemejuamej nentekoneuan itech Dios, niman on yejuan kinekij kixoxotoniliskej itekiu Cristo xomechkajkayajkej ikan on xkuajli temachtijli, pampa on Espíritu Santo yejuan nemouan nemi más kojtik xken on diablo* yejuan nemi ipan in tlaltikpaktli.

In yencuic iyectlajtoltzin Dios itech ica toTeco Jesucristo

⁴ Noconetzitzihuan, nenteconehuan itech Dios, niman on yejhuan quinequij quixoxotonilisquej itequiu Cristo xomechcajcayajquej ican on xcuajli temachtijli, pampa on Espíritu Santo yejhuan nemotech nemi más cojtic xquen on diablo yejhuan nemi ipan in tlalticpactli.

1 Juan 4:4 Iomraidhean Croise

San Juan 12:31

Aman yoyejkok on tonajli ijkuak Dios kinyolkuitis niman kintlajtlakolmakas nochimej in tlaltikpaktlakamej. Niman aman yejua kixtilis ipoder on diablo* yejuan kimandaroua in tlaltikpaktli.

San Juan 14:30

’Nemouan nitlajtlajtos sa achijtsin más, pampa ye uajlau on diablo* yejuan tlamandaroua ipan in tlaltikpaktli. Maski yejua xkipiya poder para nechtlanis,

San Juan 16:11

Niman yejua kintitis ika kinyolkuitis niman kintlajtlakolmakas, pampa on diablo*, yejuan tlamandaroua ipan in tlaltikpaktli, ye kuajli yokitlajtlakolmakakej.

San Juan 17:23

Nejua ninemi iminuan niman tejua tinemi nouan para yejuamej uajnochiuaj melauak san se niman ijki on tlaltikpaktlakamej uelis kimatiskej ika tejua otinechajtitlan, niman ika mokoneuan tikintlajsojtla* ken nejua tinechtlajsojtla.

Romanos 8:31

Yejua ika tej, ¿tlinon uelis tikijtoskej? Tla Dios kipiya iyojlo para techpaleuis, ¿akinon uelis techixnamikis?

Romanos 8:37

Pero ipan nochi in, tikmatstokej ika titetlanij nochipa itechkopa Cristo yejuan otechtlajsojtlak.

1 Corintios 2:12

Niman tejuamej xotikselijkej on uejueyi tlamatkilistli yejuan on tlaltikpaktlakamej kipiyaj, yej otikselijkej on Espíritu yejuan ualeua itech Dios para yejua ika ueli tikajsikamatij on tlatiochiualistin yejuan Dios yotechmakak.

1 Corintios 6:13

Niman okse tlajtojli ijkin kijtoua: “On tlakuajli onkaj para kalaki ipan teijti, niman on teijtl* onkaj para on tlakuajli.” On melauak, pero yejkos sen tonajli ijkuak xok onyas tlakuajli nion teijti pampa Dios ijki kichiuas. Pero on totlalnakayo xonkaj para auilnemilistli. Yej tikpiyaj totlalnakayo para tikchiuaskej on tlen toTEKO kineki, niman toTEKO nemi para kejeuas totlalnakayo.

2 Corintios 4:4

Satanás, yejuan imindios on tlaltikpaktlakamej, yokintlamachilispoloj para maka kajsikamatiskej on kuajli tlajtojli yejuan kipantlantia iueyilis Cristo. Niman Cristo kipanextia Dios.

2 Corintios 6:16

Noso, ¿kenijki on itiopan Dios yejuan nochiua ikoneuan, uelis nemiskej san sekan inuan on tlamachijchiualtin ídolos? Nemejuamej tej, nemochiuaj itiopan on Dios yejuan nochipa nemi, ijkon ken sano Dios okijtoj: Intsajlan nichantis niman inuan nikistinemis. Nejua niiminDios yes niman yejuamej nokoneuan yeskej.

Efesios 2:2

Nemouikayaj ken on oksekimej tlakamej yejuan nemij ipan in tlaltikpaktli. Nenkitlakamatiyaj on xkuajli espíritu itoka diablo* yejuan kinmandaroua ikan ipoder on xkuajkualtin espíritus ne tlakpak ipan ajakatl. Yejua no aman tekiti ipan inyojlo on yejuan xkitlakamatij Dios.

Efesios 3:17

para Cristo ma nemi ipan nemoyojlo itechkopa nemotlaneltok. Niman niktlajtlanilia Dios para nemejuamej xmokojtilikan ipan on tetlajsojtlalistli* yejuan nenkipiyaj ken sen kojtli* yejuan uejkatlan nokiktsia ikan ineluayo, niman ken sen kajli yejuan uejkatlan peua.

Efesios 6:10

Sa ika nochi nokniuan, xmokojtilikan ikan iueyi poder toTEKO.

1 Juan 2:1

Notlajsojkakoneuan, nemechtlajkuiluiya yejua in tlajtlamach* para maka nentlajtlakoskej. Pero tla yakaj tlajtlakoua, tikpiyaj totepantlajtojkau yejuan techpaleuis para tikseliskej tetlapojpoluilistli itech toTajtsin Dios. In totepantlajtojkau yejua JesuCristo yejuan yolmelajki.

1 Juan 2:13

Nemechtlajkuiluiya nemejuamej tatajtin pampa aman yonenkixmatkej yejuan ye nemiya ijkuak nochi opeu. Nemechtlajkuiluiya nemejuamej telpokamej pampa yonenkitlankej on diablo*. Nemechtlajkuiluiya nemejuamej tlajsojkakokonej pampa yonenkixmatkej toTajtsin.

1 Juan 3:24

On yejuan kitlakamatij itlanauatiluan Dios, san sekan nochipa iuan nemij, niman Dios san sekan nochipa inuan nemi. Niman itechkopa iEspíritu yejuan otechmakak tikmatstokej ika yejua touan nemi.

1 Juan 4:13

Pampa Dios otechmakak iEspíritu, tikmatij ika tinemij san sekan iuan yejua, niman yejua san sekan touan nemi.

1 Juan 4:16

Tikmatij niman tikneltokaj ika Dios techtlajsojtla. Dios sano yejua tetlajsojtlalistli*. On yejuan tetlajsojtla san sekan nemi iuan Dios, niman Dios san sekan nemi iuan.

1 Juan 4:6

Pero tejuamej titekoneuan itech Dios, niman on yejuan kixmatij Dios, kuelkakij on temachtijli yejuan tejuamej titemachtiaj. Pero on yejuan xtekoneuan itech Dios xtechkakij. Yejua ika, ijkon tiueliskej tikmatiskej tla se kuajli temachtijketl noso tlakajkayajki temachtijketl.

1 Juan 5:19

Tikmatstokej ika titekoneuan itech Dios, niman no tikmatstokej ika on diablo* ipan ima kimpiya nochimej on tlakamej de in tlaltikpaktli.

1 Juan 5:4

pampa nochimej yejuan tekoneuan itech Dios kitlanij in tlaltikpaktli. Niman ikan totlaneltok tiktlanij in tlaltikpaktli.

El Apocalipsis 12:11

Niman on tokniuan otetlankej itechkopa iyesyo on Borreguito niman ika on temachtijli itech Cristo yejuan okitemachtijkej. Yejuamej tej, xonomojtijkej kipoloskej innemilis, yej onoyolchikajkej hasta mikiskej.