1 Juan 4:11 - El Nuevo Testamento

¹¹ Notlajsojkaikniuan, tla Dios ijkon sanoyej* otechtlajsojtlak, no ijki noneki titotlajsojtlaskej* inuan oksekimej.

In yencuic iyectlajtoltzin Dios itech ica toTeco Jesucristo

¹¹ Notlajsojcaicnihuan, tla Dios sanoyej ijcon otechtlajsojtlac, no ijqui nonequi titotlajsojtlasquej inhuan ocsequimej.

1 Juan 4:11 Iomraidhean Croise

San Lucas 10:37

On temachtijketl ikan on tlanauatijli okijtoj: —On yejuan okiknelij. Kemaj Jesús okijlij: —Tla ijkon, xuiya niman no ijki xteikneli.

San Juan 13:34

Nemechmaka in yenkuik tlanauatijli: xmotlajsojtlakan* inuan oksekimej. Ijkon ken nejua nemechtlajsojtla*, nemejuamej no ijki xmotlajsojtlakan* inuan oksekimej.

Efesios 4:31

Xmokixtilikan nochi tekuatotonalistli*, nochi xkuajli eleuilistli, nochi tlauejli, nochi tsajtsilistli, nochi tetejteneualistli niman nochi xekyotl.

Colosenses 3:13

Xpiyakan ijyouilistli iuan oksekimej, niman xtlapojpoluikan tla yakaj xkuajli itlaj mechchiuilia, ijkon ken Cristo omechtlapojpoluij.

1 Juan 2:7

Nokniuan, xnemechtlajkuiluijtikaj se yenkuik tlanauatijli. Yejua in tlanauatijli ye nenkipiyayaj desde ijkuak onenkineltokakej Cristo. Yejua in tlanauatijli yonenkakaj.

1 Juan 3:11

Desde ijkuak onenkineltokakej Cristo, onenkakkej ika noneki titotlajsojtlaskej* inuan oksekimej.

1 Juan 3:23

Niman in yejua itlanauatil Dios: “Ma tikneltokakan iKonetsin JesuCristo, niman ma titotlajsojtlakan* inuan oksekimej ken yejua yotechnauatij.”

1 Juan 4:7

Notlajsojkaikniuan, ma titotlajsojtlakan* inuan oksekimej, pampa on tetlajsojtlalistli* ualeua itech Dios. Yejua ika, on yejuan tetlajsojtla yejua tekoneu itech Dios niman kixmati Dios.

2 Juan 1:5

Niman aman, nokniu siuatl, sanoyej nimitstlajtlanilia ma titetlajsojtlakan*. Yejua in tlen nimitstlajkuiluiya xejua yenkuik tlanauatijli, yej sano yejua on yejuan otikpixkej desde ijkuak otipejkej tikneltokaj Cristo.