1 Juan 4:1 - El Nuevo Testamento

¹ Notlajsojkaikniuan, maka xkinneltokakan nochimej on yejuan kijtouaj ika Dios okinuajtitlan para temachtiaj. Yej achtopa xkinmixtlalokan para nenkitaskej tla melauak Dios okinuajtitlan noso ka, pampa miyekej tlakajkayajkej tiotlajtojkej yokiskej imanian in tlaltikpaktli.

In yencuic iyectlajtoltzin Dios itech ica toTeco Jesucristo

¹ Notlajsojcaicnihuan, ma ca xquinneltocacan nochimej on yejhuan quijtohuaj ica Dios oquinhuajtitlan para temachtiaj. Yej achtopa xquinmixtlalocan para nenquitasquej tla melahuac Dios oquinhuajtitlan noso ca, pampa miyequej tlacajcayaquej tiotlajtojquej yoquisquej imanyan in tlalticpactli.

1 Juan 4:1 Iomraidhean Croise

San Marcos 13:21

’Niman tla ijkuakon yakaj mechijlis: “Xkitakan, nikan nemi Cristo”, noso “Xkitakan, ompa on nemi”, maka xneltokakan.

San Lucas 12:57

’¿Tline xsan nemejuamej nenkitaj ken kitocaroua nemoyotlaliskej?

San Lucas 21:8

Jesús okijtoj: —Xmotakan sano nemejuamej, niman maka nenkimokauiliskej mechkajkayauaskej, pampa uajlaskej miyekej yejuan ikan noTokatsin kualijtojtiaskej: “Nejua niCristo”, niman “Aman yoyejkok on tonajli.” Pero nemejuamej maka xuiyan inuan.

Hechos 17:11

On tlakamej de Berea más kuajli tlaneltokayaj xken on yejuan chantiyaj Tesalónica. Ikan kuajli inyojlo okiselijkej on temachtijli, niman mojmostla kitejtemouayaj ipan on Yektlajkuilojli para kitaskej tla melauak on tlen kinmijliayaj.

Hechos 20:29

Nikmatstikaj ika ijkuak nejua yoniaj, uajlaskej xkuajkualtin tlakamej yejuan kinekiskej kinchajchayauaskej on tlaneltokakej yejuan iyaxkauan* Dios ijkon ken on yolkej lobos kinchajchayauaj on borreguitos.

1 Corintios 12:10

Sekimej itech sano yejua on Espíritu, kiseliaj on tetlayokolijli* yejuan kinueliltia kichiuaj milagros, niman oksekimej kiseliaj on tetlayokolijli* yejuan kinueliltia kiteijliaj on tiotlajtojli yejuan kiseliaj itech Dios. On Espíritu sekimej kinmaka on tetlayokolijli* yejuan kinueliltia para kitaj katlejua tetlayokolijli* kisa itech on Espíritu Santo niman katlejua kisa itech on xkuajkualtin espíritus. Sekimej kiseliaj on tetlayokolijli* yejuan kinueliltia tlajtlajtouaj okseki yenkuik tlajtoltin*. Niman sekimej kiseliaj on tetlayokolijli* yejuan kinueliltia para uelij kajsikamatij niman kiteijliaj on tlen nijtoua ikan on yenkuik tlajtoltin.

1 Corintios 14:29

Sano ijki tej, san omemej noso yeyimej tiotlajtojkej ma kijtokan on tiotlajtojli yejuan okiselijkej itech Dios, chika oksekimej ma kixtlalokan tla melauak okiselijkej itech Dios on tiotlajtojli.

1 Tesalonicenses 5:20

Maka xchichiuakan on tiotlajtojli yejuan sekimej kiseliaj itech Dios.

1 Tesalonicenses 5:21

Pero xkixtlalokan nochi, niman xkejeuakan nochi tlen kuajli.

2 Tesalonicenses 2:2

maka nimantsin nenometlamatiskej. Maka xkauilikan yakaj mechtlamachilispolos nion maka nemomojtiskej tla yakaj kijtos ika okiselij sen tiotlajtojli, noso kijtos okiselij sen tlajkuilolamatl yejuan otikmakakej kampa kijtos ika toTEKO yopanok ika uajlas.

1 Timoteo 4:1

Pero on Espíritu Santo kimelajkaijtoua ika ijkuak ye nisiu tlajtlalpoliuis, sekimej kitlalkauiskej intlaneltok. No ijki kintlakamatiskej on espíritus tlakajkayajkej, niman yejuamej kineltokaskej on xkuajli temachtiltin yejuan kisaskej intech demonios yejuan temachtiskej on xkuajli temachtijkej.

2 Timoteo 3:13

Niman on yejuan xkuajkualtin tlakamej niman tlakajkayajkej tlakamej, inyojlo más ijtlakautias. Tlakajkayauaskej niman sano yejuamej yokinkajkayajkej.

2 Pedro 2:1

Ijkon ken nemiyaj on yejuan tlakajkayajkej tiotlajtojkej intsajlan on hebreos*, no ijki nemiskej nemotsajlan on yejuan tlakajkayajkej temachtijkej. Yejuamej mechmachtiskej on temachtijli tlen xkuajli yejuan uelis kixoxotonis nemotlaneltok. Yejuamej kichiuaskej kanika para maka nenkimomakaskej cuenta ika mechmachtiaj on tlen xmelauak. Yejuamej hasta kinenekiskej* toTEKO yejuan okinmakixtij. Yejua ika nimantsin impan uajlas tlaxoxotonilistli.

1 Juan 2:18

Notlajsojkakoneuan, yoyejkok on sa ika nochi tiempo. Nemejuamej ye nenkakinij ika ipan on sa ika nochi tiempo uajlas sen tlakatl yejuan kinekiskixoxotonilis itekiu Cristo. Aman tej, miyekej nemij yejuan kinekij kixoxotoniskej itekiu Cristo. Yejua ika, tikmatstokej ika in sa ika nochi tiempo.

1 Juan 2:7

Nokniuan, xnemechtlajkuiluijtikaj se yenkuik tlanauatijli. Yejua in tlanauatijli ye nenkipiyayaj desde ijkuak onenkineltokakej Cristo. Yejua in tlanauatijli yonenkakaj.

2 Juan 1:7

Nimitsijlia in pampa miyekej tlakajkayajkej kistinemij imanian in tlaltikpaktli. Yejuamej kijtouaj ika JesuCristo xouajlaj ikan itlalnakayo. On yejuan ijkon kijtoua, yejua tlakajkayajketl, niman yejua kineki kixoxotonilis itekiu Cristo.

3 Juan 1:11

Notlajsojkaikniu, maka xmouika ken on yejuan xkuajli nouika, yej xmouika kuajli. On yejuan kichiua on tlen kuajli yejua ikoneu Dios, pero on yejuan kichiua on tlen xkuajli yejua xkixmati Dios.

El Apocalipsis 2:2

Nejua nikmati nochi tlen tikchiua. Nikmati ika sanoyej* chikauak titekiti nopampa, niman no nikixmati moijyouilis. Nikmatstikaj ika xueli tikinxikoua on xkuajkualtin tlakamej. Nejua nikmatstikaj ika yotikintlatlatak on yejuan noteneuaj apóstoles*, pero xnejli apóstoles*. Niman yotikitak ika san tlakajkayauaj.