1 Juan 3:9 - El Nuevo Testamento

⁹ Xakaj yejuan ikoneu Dios kistinemi ipan tlajtlakojli, pampa inemilis Dios nokaua ipan. Niman yejua xuelis más kistinemis ipan tlajtlakojli, pampa yejua yotlakat itech Dios.

In yencuic iyectlajtoltzin Dios itech ica toTeco Jesucristo

⁹ Xacaj yejhuan iconeu Dios quistinemi ipan tlajtlacojli, pampa inemilis Dios nocahua ipan. Niman yejhua xhuelis más quistinemis ipan tlajtlacojli, pampa yejhua yotlacat itech Dios.

1 Juan 3:9 Iomraidhean Croise

San Mateo 7:18

On kuajli kojtlakijlotl xuelis kipiyas xkuajli itlakyo, nion on xkuajli kojtlakijlotl xuelis kipiyas kuajli itlakyo.

San Juan 1:13

Yejuamej onochijkej ikoneuan Dios xpampa ijki okinekkej imintataj noso iminnanaj, yej otlakatikoj ken Dios okinek para otlakatkej itech.

San Juan 3:3

Kemaj Jesús okijlij: —Ika tlen melauak nimitsijlia, tla yakaj xoksejpa tlakati, xuelis kalakis kampa Dios tlamandaroua.

Hechos 4:20

Tejuamej tej, xuelis tikajkauaskej ika tikijtoskej on tlajtlamach* yejuan yotikitakej niman yotikakej.

Romanos 6:2

¡Melauak tej, ika ka! On tlajtlakojli xueli techtilana pampa tejuamej yotimikkej de on tlajtlakojli para maka más titlajtlakoskej. Yejua ika tej, tla yotimikkej, ¿kenijki uelis más titlajtlakojtiaskej?

Gálatas 5:17

On tlen xkuajli yejuan nemotlalnakayo keleuiya kikualania on iEspíritu Dios, niman on tlen kuajli kineki on Espíritu no kikualania on tlen xkuajli yejuan nemotlalnakayo keleuiya. Sano yejuamej noxixikouaj. Yejua ika, xnenkichiuaj san tlen nenkinekij.

Tito 1:2

niman para kipiyaskej tlamachalistli* ipan in yenkuik nemilistli yejuan para nochipa. Dios, yejuan xueli tekajkayaua, okitlalij ipan ipromesa on yenkuik nemilistli ijkuak in tlaltikpaktli xe onkatka.

1 Pedro 1:23

Nemejuamej tej, yonentlakatkej oksejpa. Onenkiselijkej yenkuik nemilistli yejuan xkaman tlamis. Nemotajuan niman nemonanuan xomechmakakej in yenkuik nemilistli pampa on nemilistli yejuan yejuamej omechmakakej tlamis. Onenkiselijkej in yenkuik nemilistli itechkopa itlajtol Dios, yejuan onkaj niman onyas para nochipa.

1 Juan 2:29

Nemejuamej ye nenkimatstokej ika Dios yejua yolmelajki. Yejua ika, nenkimatij ika nochimej on yejuan kichiuaj on tlen kuajli yejuamej tekoneuan itech Dios.

1 Juan 3:6

Ijkon tej, on yejuan nochipa nemi iuan Cristo, xok kistinemi ipan tlajtlakojli. On yejuan kistinemi ipan tlajtlakojli, xkimati ken nemi Cristo, nion xkixmati.

1 Juan 4:7

Notlajsojkaikniuan, ma titotlajsojtlakan* inuan oksekimej, pampa on tetlajsojtlalistli* ualeua itech Dios. Yejua ika, on yejuan tetlajsojtla yejua tekoneu itech Dios niman kixmati Dios.

1 Juan 5:1

Nochimej yejuan kineltokaj ika Jesús yejua Cristo yejuan Dios okuatitlan, yejuamej ikoneuan Dios. Nochimej yejuan kitlajsojtlaj* sen tajtli no ijki kintlajsojtlaj ikoneuan on tajtli.

1 Juan 5:18

Tikmatstokej ika on yejuan ikoneuan Dios xok kistinemij ipan tlajtlakojli, pampa Cristo yejuan iKonetsin Dios kinmejeua, niman on diablo* xok ueli kintlani.

1 Juan 5:4

pampa nochimej yejuan tekoneuan itech Dios kitlanij in tlaltikpaktli. Niman ikan totlaneltok tiktlanij in tlaltikpaktli.

3 Juan 1:11

Notlajsojkaikniu, maka xmouika ken on yejuan xkuajli nouika, yej xmouika kuajli. On yejuan kichiua on tlen kuajli yejua ikoneu Dios, pero on yejuan kichiua on tlen xkuajli yejua xkixmati Dios.