1 Juan 3:5 - El Nuevo Testamento

⁵ Nemejuamej ye nenkimatstokej ika JesuCristo ouajlaj ipan in tlaltikpaktli para otechkixtiliko on totlajtlakoluan, niman ika yejua xkipiya tlajtlakojli.

In yencuic iyectlajtoltzin Dios itech ica toTeco Jesucristo

⁵ Nemejhuamej ye nenquimatztoquej ica Jesucristo ohuajlaj ipan in tlalticpactli para otechquixtilico on totlajtlacolhuan, niman ica yejhua xquipia tlajtlacojli.

1 Juan 3:5 Iomraidhean Croise

San Mateo 1:21

María kitlakatilis sen konetsintli, niman tiktokayotis Jesús pampa yejua kinmakixtis de intlajtlakoluan on yejuan kineltokaskej.

San Lucas 23:41

Tejuamej techmelaua* ijkin ma titlajyouikan pampa on tlen xkuajli otikchijkej, pero in tlakatl xitlaj* tlajtlakojli kipiya.

San Lucas 23:47

Ijkuak on soldadojtlayekanki romano okitak tlinon onochiu, ijkin okueyilij Dios, niman okijtoj: —Ika tlen melauak, in tlakatl yolchipauak katka.

San Juan 1:29

Uajmostla Juan okitak Jesús ye ompa kinisiuijtiaya niman okijtoj: —Xkitakan on tlakatl. Yejua kiuentlaliskej ken sen borreguito para Dios kintlapojpoluilis intlajtlakoluan nochimej on tlaltikpaktlakamej.

San Juan 1:31

Nejua no xnikixmatiya akin yejua. Pero niuajtlakuatekijtiu ikan atl para on hebreos* uelis kixmatiskej.

San Juan 14:30

’Nemouan nitlajtlajtos sa achijtsin más, pampa ye uajlau on diablo* yejuan tlamandaroua ipan in tlaltikpaktli. Maski yejua xkipiya poder para nechtlanis,

San Juan 8:46

¿Akinon de nemejuamej uelis nechititis ika nikpiya sen tlajtlakojli? Niman tla nikijtoua tlen melauak, ¿tline xnennechneltokaj?

2 Corintios 5:21

Maski Cristo xokichiu nion se tlajtlakojli, Dios san topampa okimakak castigo ken tlajtlakolej yeskia. In onochiu para Dios ma techseli ken tiyolmelajkej ijkuak san sekan tinemij iuan Cristo.

1 Timoteo 1:15

Yejua in tlajtojli sanoyej melauak niman kuajli para nochimej kineltokaskej, ika Cristo Jesús ouajlaj ipan in tlaltikpaktli para okinmakixtiko on tlajtlakolejkej. Nejua tej, más niueyi tlajtlakolej xken nochimej tlajtlakolejkej.

1 Timoteo 3:16

Tinochimej tikmatij ika on tlen iyantikatka* yejuan Dios otechititij itechkopa totlaneltok sanoyej ueyi kijtosneki: Dios ouajlaj ken sen tlakatl; on Espíritu Santo okiteititij ika yejua chipauak. On ángeles okitakej. Okitemachistijkej ipan tlaltikpaktli. On tlakamej okineltokakej nochiuiyan ipan in tlaltikpaktli. Niman kemaj okuikakej iluikak.

Tito 2:14

Yejua san topampa onotemakak ipan mikilistli para techmakixtia itech nochi kech tlajtlakojli onkaj, niman para techchipaua kuajli. Yejua otechchipau para technoyaxkatia*, niman para tikpiyaskej miyek nekilistli para tikchiuaskej nochi tlen kuajli.

Hebreos 1:3

Cristo yejua kipantlantia iueyilis Dios niman sano yejua kixneskayotia* nochi kenijki nemi Dios. Niman no yejua kejeua nochi on tlen onkaj ikan itlajtol yejuan kipiya poder. Kemaj ijkuak yomik Cristo para otechkixtilij totlajtlakol, onotlalij iyekmakopa itrono Dios kampa tlamandaroua ne iluikak.

Hebreos 4:15

Tikpiyaj sen ueyi tlayekanki tiopixki yejuan ueli techiknelia ijkuak xtikojtikej, pampa sano yejua okipix miyek tetlatlatalistli no ijki ken tejuamej tikpiyaj miyek tetlatlatalistli para ma titlajtlakokan. Pero yejua xkaman otlajtlakoj.

Hebreos 7:26

Ijkon tej, Jesús yejua toueyitlayekankatiopixkau yejuan noneki tikpiyaskej. Yejua yolchipauak, niman xonkaj itlaj tlinon ika uelis yakaj kijixkomakas*. Yejua xkipiya itlaj tlajtlakojli. Yejua xnemi ne intsajlan on tlajtlakolejkej, yej nemi ne iluikak kampa kipiya ueyi tlakaitalistli.

Hebreos 9:26

Tla ijkon yeskia, miyekpa mikiskia desde ijkuak in tlaltikpaktli opeu. Pero aman, ijkuak sa itlajtlankan in tiempo, yejua san sejpa niman para nochipa onotemakak ken sen uentli para okitekixtilij tlajtlakojli.

Hebreos 9:28

No ijki Cristo san sejpa onotemakak ken uentli para miyekej kinkixtilis intlajtlakoluan. Kemaj ika okpa uajnonextis, pero ijkuakon xpara kitekixtilis tlajtlakojli, yej para kinmakixtis on yejuan kichixtokej.

1 Pedro 1:18

Dios tej, omechkixtij ipan on nemilistli yejuan onenkiselijkej intech on ye uejkaui nemotajuan. Yejua on xkuajli nemilistli xomechpaleuij. Niman nemejuamej kuajli nenkimatstokej kech onotlaxtlau nemotemakixtilis. On nemotemakixtilis xonotlaxtlau ikan tlajtlamach* yejuan san panos ken on oro noso plata,

1 Pedro 1:20

Ijkuak in tlaltikpaktli xe onkatka, Dios okitlapejpenij Cristo para kitoyauas iyesyo niman ijkon mechmakixtis. Pero Cristo aman youalajka niman omik nemopampa.

1 Pedro 2:22

On Yektlajkuilojli kijtoua itech ika Cristo: “Yejua nion se tlajtlakojli xokichiu, nion okajkayau yakaj.”

1 Pedro 2:24

Ne ipan kojnepanojli* Cristo okiselij castigo ipan itlalnakayo ipampa totlajtlakol, para tejuamej ma tikajkauakan on ika titlajtlakouaj niman para ma tiyolmelajkanemikan. Aman Dios yomechtlapojpoluij ipampa on tlen okijyouij Cristo.

1 Pedro 3:18

Cristo otlajyouij niman omik ipampa tlajtlakojli. Yejua omik san sejpa para nochipa. Yejua yejuan xokipix tlajtlakojli, omik topampa yejuan xtiyolmelajkej para otechuikak itech Dios. Itlalnakayo omik pero iEspíritu oyoliu*.

1 Juan 1:2

JesuCristo yejua nemilistli. Yejua onopantlantij niman tejuamej otikitakej. Aman temechmachistiaj ika melauak otikitakej. Yejua nemilistli yejuan para nochipa. In nemilistli onkatka itech toTajtsin, niman aman sano yejua onopanextij totech.

1 Juan 1:7

Pero tla xtitlajtlakouaj, yej tinemij yolchipajkej ken Dios nemi, tla ijkon tej, san sekan tinemij inuan oksekimej, niman iyesyotsin JesuCristo, yejuan iKonetsin Dios, techchipauilia nochi totlajtlakoluan.

1 Juan 2:1

Notlajsojkakoneuan, nemechtlajkuiluiya yejua in tlajtlamach* para maka nentlajtlakoskej. Pero tla yakaj tlajtlakoua, tikpiyaj totepantlajtojkau yejuan techpaleuis para tikseliskej tetlapojpoluilistli itech toTajtsin Dios. In totepantlajtojkau yejua JesuCristo yejuan yolmelajki.

1 Juan 2:2

Yejua omik para ikan iyesyo otechchipauilij nochi totlajtlakoluan, niman xsan tejuamej totlajtlakoluan, yej no intlajtlakoluan nochimej on tlaltikpaktlakamej.

1 Juan 2:29

Nemejuamej ye nenkimatstokej ika Dios yejua yolmelajki. Yejua ika, nenkimatij ika nochimej on yejuan kichiuaj on tlen kuajli yejuamej tekoneuan itech Dios.

1 Juan 3:8

Pero yejuan kistinemi ipan tlajtlakojli, yejua tekoneu itech on diablo*, pampa on diablo* yejua tlajtlakolej desde ijkuak nochi opeu onkaj. Niman on iKonetsin Dios ouajlaj para okixoxotoniko on tlen kichiua on diablo*.

El Apocalipsis 1:5

No ijki, ma mechtiochiua JesuCristo yejuan nochipa kuajli tlajtoua ken testigo. Yejua achtoj oyoliu* niman onokuiteu ipan itlalkon para xok kaman mikis, niman kinmandaroua on reyes. Yejua techtlajsojtla* niman otechchipauilij toalma ikan iyesyo.