1 Juan 3:3 - El Nuevo Testamento

³ Niman nochimej yejuan kinekij nemiskej ken Cristo, nochipajtiuij ijkon ken yejua nemi chipauak.

In yencuic iyectlajtoltzin Dios itech ica toTeco Jesucristo

³ Niman nochimej yejhuan quinequij nemisquej quen Cristo, nochipajtihuij ijcon quen yejhua nemi chipahuac.

1 Juan 3:3 Iomraidhean Croise

San Mateo 5:48

Nemejuamej tej, xnemikan yolchipakej niman xmochiuakan kuajkualtin ipan nochi tlajtlamach* para nennemiskej ken nemoTajtsin iluikak chanej.

San Lucas 6:36

Nemejuamej tej, xteiknelikan* ijkon ken nemoTajtsin teiknelia.

San Juan 17:19

Niman impampa yejuamej sano nejua ninotemaka para yejuamej uelis notemakaskej ipampa motlajtoltsin yejuan melauak.

Hechos 15:9

Niman Dios xakaj okichikouij touan yejuan tihebreos* niman yejuamej yejuan xhebreos*, yej no okinyolchipau pampa otlaneltokakej.

Romanos 15:12

Niman Isaías no kijtoua ipan itlajkuilol: b Sen teuejkakoneu* itech Isaí uajlas. Yejua kinmandaros on yejuan xhebreos*. Niman yejuamej itech kitlaliskej intlamachalis.

2 Corintios 7:1

Aman tej, notlajsojkaikniuan, pampa Dios techmaka nochi in promesas, ma tikixtikan ipan totlalnakayo niman toalma nochi on tlen techijtlakoua. Niman ma kuajli titoyolchipauakan pampa tikmakajsij toTEKO.

Colosenses 1:5

Nenkipiyaj in tlaneltoktli niman tetlajsojtlalistli* pampa nenkimachaj* on tlen yejyejtikaj para nemejuamej ne ipan iluikak. Opeu nenkipiyaj in tlamachalistli* ijkuak onenkakkej on melauak kuajli tlajtojli yejuan kiteijlia ken Dios temakixtia

2 Tesalonicenses 2:16

Ma toTEKO JesuCristo, niman Dios toTajtsin, yejuan techtlajsojtla* niman ikan iteiknelilis* otechmakak yolseuilistli para nochipa niman sen kuajli tlamachalistli*,

Tito 3:7

para ikan iueyitetlajsojtlalis* JesuCristo, Dios kiteneua ika nochi totlajtlakoluan yokintlapojpoluij, niman ijki tikseliskej nemilistli para nochipa yejuan tikmachixtokej.

Hebreos 12:14

Xchiuakan kanika para inuan nochimej xnemikan ikan yolseuilistli, niman xpiyakan yolchipaualistli pampa xakaj kitas toTEKO tla xyolchipauak.

Hebreos 6:18

Ipromesa Dios niman itlajtolmakalis xueli nopatla, pampa Dios xkaman kijtoua on tlen xmelauak. Yejua ika, tinochimej yejuan tikmatij ika yotechmakixtij, tikpiyaj toyoleualis para timelajkanemij ipan on tlamachalistli* yejuan otechprometerouilij.

Hebreos 7:26

Ijkon tej, Jesús yejua toueyitlayekankatiopixkau yejuan noneki tikpiyaskej. Yejua yolchipauak, niman xonkaj itlaj tlinon ika uelis yakaj kijixkomakas*. Yejua xkipiya itlaj tlajtlakojli. Yejua xnemi ne intsajlan on tlajtlakolejkej, yej nemi ne iluikak kampa kipiya ueyi tlakaitalistli.

Santiago 4:8

Xnisiuikan Dios niman yejua mechnisiuis. Nemejuamej tlajtlakolejkej, xmokixtilikan nemotlajtlakoluan ken sen tlakatl kinokixtilia on tlajli ijkuak nomajtekiya. Nemejuamej yejuan nenkinekij tlajtlamach* ipan in tlaltikpaktli ikan xkuajli nemoeleuilis* niman no nenkinekij nenkitokaskej Dios, xchipauakan nemoyojlo.

1 Pedro 1:15

Yej xchipajtiakan de nochi tlen nenkichiuaskej ken Dios chipauak yejuan omechnots para nenkiseliskej temakixtilistli.

1 Pedro 1:3

Ma tikyekteneuakan Dios iTajtsin toTEKO JesuCristo pampa ikan ueyi iteiknelilis* otechmakak yenkuik nemilistli. Ijkon tej, otitlakatkej oksejpa. Yejua ika, tikpiyaj tlamachalistli* yejuan melauak, pampa JesuCristo onoyolitij* niman onoketsteu ipan itlalkon.

2 Pedro 1:4

Ijkon tej, otechmakak sanoyej uejueyi ipromesas, yejuan uejueyi kijtosneki. Ika on promesas yejuan Dios omechmakak, nemejuamej uelis nennemiskej ken Dios nemi. Niman no uelis nenkisaskej ipan on tlen xkuajli yejuan onkaj ipan in tlaltikpaktli ipampa xkuajli eleuilistli*.

2 Pedro 3:14

Yejua ika tej, notlajsojkaikniuan, chika nemejuamej nenkimachixtokej on tonajli, xchiuakan kanika para Dios mechnextijtejkos nenkipiyaj yolseuilistli, nenyolchipajkej niman xikan tlajtlakojli.

1 Juan 2:6

On yejuan kijtoua ika nochipa nemi san sekan iuan Dios, noneki nemis ken JesuCristo nemiya.

1 Juan 4:17

Tla tiktlajsojtlaj Dios niman no tikintlajsojtlaj tokniuan ikan nochi toyojlo ken yejua kineki, xtitomojtiskej ixpan Dios ipan on tonajli ijkuak teyolkuitis. Xtitomojtiskej ipan on tonajli pampa titetlajsojtlaj nikan ipan in tlaltikpaktli ken Cristo tetlajsojtla.