1 Juan 3:2 - El Nuevo Testamento

² Notlajsojkaikniuan, aman ye titekoneuan itech Dios. Hasta aman xtechititia kenijki tinemiskej. Pero tikmatstokej ika ijkuak Cristo uajlas, tinemiskej ken yejua, pampa tikitaskej kenijki mero nemi.

In yencuic iyectlajtoltzin Dios itech ica toTeco Jesucristo

² Notlajsojcaicnihuan, aman ye titeconehuan itech Dios. Hasta aman xtechititia quen ijqui tinemisquej. Pero ticmatztoquej ica ijcuac Cristo huajlas, tinemisquej quen yejhua, pampa tiquitasquej quen mero nemi.

1 Juan 3:2 Iomraidhean Croise

San Mateo 5:8

’Dios kintiochiua on yejuan yolchipajkej pampa yejuamej kitaskej Dios.

San Lucas 17:30

Ijkon nochiuas ipan on tonajli ijkuak nejua yejuan oninochiu Tlakatl niuajnonextis.

San Lucas 20:36

pampa ompa xok mikiskej. Yejuamej ken ángeles yeskej. Niman yejuamej tekoneuan itech Dios pampa yoliuij niman nokuiteuaj intsajlan on mikatsitsimej.

San Juan 1:12

Pero nochimej on yejuan okiselijkej niman itech otlaneltokakej, okinkauilij para onochijkej ikoneuan Dios.

San Juan 11:52

Niman ijkon okijtoj xsan ipampa on país, yej no para kinsentlalis nochimej on ikoneuan Dios yejuan nochajchayajtinemij*.

San Juan 17:24

’NoTajtsin, nikneki para on yejuan otinechinmakak nouan nemiskej kampa ninemis para ma kitakan on ueyilistli yejuan otinechmakak. Nikpiya on ueyilistli pampa otinechtlajsojtlak desde ijkuak in tlaltikpaktli xe onkatka.

Romanos 8:16

On Espíritu Santo niman toyojlo techijlia ika tiikoneuan Dios.

Romanos 8:18

Nejua nikita ika on tlen aman tikijyouiyaj xitlaj* kijtosneki tla tikixtlaloskej iuan on ueyilistli yejuan sakin* tikseliskej.

Romanos 8:19

Nochi on tlen onkaj, on tlen Dios okichijchiu, kichixtokej niman sanoyej* kinekiskiaj ma yejkotetsi on tonajli ijkuak Dios kimpanextis on yejuan ikoneuan.

Romanos 8:29

Dios kimatiya akinomej kineltokaskej Cristo. Yejuamej okintlalij para nemiskej ken Cristo on iKonetsin para yejua yakatstias intsajlan miyekej ikniuan.

1 Corintios 13:12

Aman ken ayautitlan tikitaj on tlajtlamach* itech ika Dios. Tejuamej san tikitaj ken tikitaskiaj ipan sen espejo yejuan xchipauak. Pero ijkuak yejkos on tlen kuajli ajsitikaj, nochi on tlajtlamach* itech ika Dios kuajli tikitaskej. Aman xnochi kuajli nikixmati on tlajtlamach* de Dios. Pero ijkuak yejkos on tlen kuajli ajsitikaj, nochi kuajli nikixmatis ken Dios nechixmati.

1 Corintios 15:49

Ijkon ken aman tikpiyaj on tlalnakayotl ken Adán okipix, se tonajli tikpiyaskej toiluikaknakayo ken iiluikaknakayo Cristo.

1 Corintios 2:9

Niman ijkin kijtoua ipan in Yektlajkuilojli: Dios yokinyektlalilij para on yejuan kintlajsojtla* tlajtlamach* on yejuan xkaman yakaj okitak nion okak nion okinemilij.

2 Corintios 3:18

Tinochimej tejuamej yopoliu topan on tela para otitochijkej ken itlaj espejo yejuan ipan ueli petlani iueyilis toTEKO. Niman titochijtiuij más ken yejua ipan itlachalis pampa tikpiyaj más niman más de iueyilis. Niman in kichiua toTEKO yejuan Espíritu.

2 Corintios 4:17

Maski titlajyouiyaj achijtsin nikan ipan in tlaltikpaktli, on tlen tikijyouiyaj san panoua. Niman pampa titlajyouiyaj, Dios techmakas ueyilistli yejuan para nochipa tikpiyaskej. Niman on ueyilistli más sanoyej ueyi kijtosneki xken on tlen aman tikijyouiyaj.

Gálatas 3:26

Aman nemejuamej nentekoneuan itech Dios pampa nenkipiyaj tlaneltoktli itech Cristo Jesús.

Gálatas 4:6

Niman pampa titekoneuan, Dios okuajtitlan ipan toyojlo iEspíritu on iKonetsin. Niman on Espíritu techchiualtia para tikijliaj Dios: “¡Abba*, noTajtsin!”

Filipenses 3:21

para techpatilis totlaltikpaknakayo yejuan mikis, para no ijki nokauas ken de yejua, yejuan okiselij ijkuak otlejkok ne iluikak. Ijkon kichiuas ikan ipoder yejuan kipiya para kimandaroua nochi tlajtlamach*.

Colosenses 3:4

Cristo sano yejua nemonemilis, niman ijkuak yejua nopanextis, ijkuakon nemejuamej no nemopanextiskej iuan yejua. Niman no iuan nenkipiyaskej iueyilis.

Hebreos 9:28

No ijki Cristo san sejpa onotemakak ken uentli para miyekej kinkixtilis intlajtlakoluan. Kemaj ika okpa uajnonextis, pero ijkuakon xpara kitekixtilis tlajtlakojli, yej para kinmakixtis on yejuan kichixtokej.

2 Pedro 1:4

Ijkon tej, otechmakak sanoyej uejueyi ipromesas, yejuan uejueyi kijtosneki. Ika on promesas yejuan Dios omechmakak, nemejuamej uelis nennemiskej ken Dios nemi. Niman no uelis nenkisaskej ipan on tlen xkuajli yejuan onkaj ipan in tlaltikpaktli ipampa xkuajli eleuilistli*.

1 Juan 2:28

Aman tej, notlajsojkakoneuan, nochipa xnemikan san sekan iuan Cristo, para xnempinauaskej niman xnenmojmotiskej ijkuak yejua uajlas.

1 Juan 2:7

Nokniuan, xnemechtlajkuiluijtikaj se yenkuik tlanauatijli. Yejua in tlanauatijli ye nenkipiyayaj desde ijkuak onenkineltokakej Cristo. Yejua in tlanauatijli yonenkakaj.

1 Juan 3:1

¡Xmatikan kenijki sanoyej* techtlajsojtla* Dios toTajtsin, hasta techtokayotiaj tiikoneuan Dios, niman melauak tiikoneuan! Yejua ika, on tlaltikpaktlakamej xtechixmatij pampa no xkixmatij Dios.

1 Juan 3:10

Ijkin uelis nenkimatiskej akinomej tekoneuan itech Dios niman akinomej tekoneuan itech on diablo*. Tla yakaj xkichiua tlen kuajli noso xkitlajsojtla ikniu, yejua xtekoneu itech Dios.

1 Juan 3:21

Ijkon tej, notlajsojkaikniuan, tla toyojlo xtechtlajtlakolmaka, tikpiyaj confianza ixpan Dios.

1 Juan 5:1

Nochimej yejuan kineltokaj ika Jesús yejua Cristo yejuan Dios okuatitlan, yejuamej ikoneuan Dios. Nochimej yejuan kitlajsojtlaj* sen tajtli no ijki kintlajsojtlaj ikoneuan on tajtli.

El Apocalipsis 2:28

Niman no nikinmakas iueyi kualtsinyo on kualkan sitlalin.

El Apocalipsis 22:4

Yejuamej kitaskej ixayaktsin, niman kintlaliliskej ipan inmixkuatipan itokatsin Dios.