1 Juan 2:8 - El Nuevo Testamento

⁸ Pero in tlen nemechtlajkuiluiya, sen yenkuik tlanauatijli pampa Cristo ipan onouikak, niman aman nemejuamej no ipan nemouikaj. Tikmatij ika melauak pampa ueli tikitaj ika on tlayouajlotl ye polijtiu niman ye tlauiloua on yejuan melauak tlauijli.

In yencuic iyectlajtoltzin Dios itech ica toTeco Jesucristo

⁸ Pero yejhua in yejhuan nemechtlajcuilhuia nesi quen se yencuic tlanahuatijli pampa Cristo quitlacamatiya in tlanahuatijli niman aman nemejhuamej no yopeu nenquitlacamatztihuij. Ticmatij ica yejhua in melahuac pampa on tlayehualyotl ye polijtiu niman ye tlahuilohua on yejhuan melahuac tlahuijli.

1 Juan 2:8 Iomraidhean Croise

San Lucas 1:79

Niman on Temakixtijketl kinmakixtis yejuan tlajtlakouaj niman yejuan nemij ipan mikilistli. Yejuamej no kinmakas yolseuilistli.

San Juan 1:9

In tlauijli yejua melauak, niman ouajlaj ipan in tlaltikpaktli para nochi tlakatl kajsikamatis on tlajtlamach* yejuan melauak.

San Juan 12:35

Kemaj Jesús okinmijlij: —Nejua yejuan nitlauijli ninemis nemotsajlan sa keski tonaltin más. Yejua ika, xmouikakan ipan on notlauil chika ninemi nemouan, tlamo on tlayouajlotl mechtlanis. Sen tlakatl yejuan nejnemi ipan tlayouajlotl xkimati kanon yau.

San Juan 12:46

Nejua oniuajlaj ipan in tlaltikpaktli ken sen tlauijli para on yejuan nechneltokas xnemis ipan tlayouajlotl.

San Juan 13:34

Nemechmaka in yenkuik tlanauatijli: xmotlajsojtlakan* inuan oksekimej. Ijkon ken nejua nemechtlajsojtla*, nemejuamej no ijki xmotlajsojtlakan* inuan oksekimej.

San Juan 8:12

Jesús oksejpa okinnots on tlakamej niman okinmijlij: —Nejua nitlauijli ipan in tlaltikpaktli. Yejuan yas nouan, xnejnemis kampa tlayouajtok, yej nejnemis ipan on tlauijli yejuan kimakas yenkuik nemilistli.

Hechos 17:30

Yeuejkaui Dios okimijyouilij on tlakamej on tlen xkuajli kichiuayaj, pampa xkimatiyaj tlinon kuajli kichiuaskej. Pero aman nochi tlakatl kinnauatia nouiyan para ma kajkauakan ika kichiuaj on tlen xkuajli.

Hechos 26:18

Nejua intech nimitstitlani para tikintitis on tlen melauak. Ijkon tej, tikintitis para xok yaskej ipan on ojtli yejuan kinuika para mikilistli, yej para uelis kajsiskej on ojtli yejuan kinuikas ipan temakixtilistli. No ijki tej, tikintitis para maka sa ma kinyekana ipoder on Satanás, yej ma kitokatiakan Dios. Ijkon tej, nochimej on yejuan nechneltokaj kiseliskej on tetlapojpoluilistli de on intlajtlakol niman sen chanyotl* intsajlan on yolchipajkej.”

Romanos 13:12

Ye tlamis in tonaltin ijkuak tinemij ipan in tlaltikpaktli, niman ye nisiu peuas on tonaltin ijkuak tinemiskej iuan Dios. Yejua ika, ma tikchiuakan on tlen kuajli niman ma tiktlanikan on tlen xkuajli, ijkon ken sen soldado kitlani itlauelikniu.

2 Corintios 8:9

Nemejuamej tej, ye nenkimatstokej iueyitetlajsojtlalis* toTEKO JesuCristo yejuan xmechtocarouaya nenkiseliskej. Maski yejua kipiya nochi riquezas, onochiu manyanki nemopampa, para itechkopa imanyanalis nemejuamej onemochikej ricos.

Efesios 5:8

Ipan okse tiempo onenkichijkej on tlen xkuajli. Pero aman nenkichiuaj on tlen kuajli, pampa nennemij san sekan iuan toTEKO. Yejua ika, xnemikan ipan itlauil Dios niman xchiuakan tlen kuajli.

2 Timoteo 1:10

Pero in teiknelilistli* okipantlantij ijkuak ouajlaj toTemakixtijkatsin JesuCristo. Yejua okixoxotonij ipoder on mikilistli, niman okuajkik nemilistli yejuan xok kaman uelis tlamis itechkopa on kuajli tlajtojli yejuan kiteijlia kenijki Dios temakixtia.

1 Pedro 1:21

Ipampa Cristo nemejuamej nenkineltokaj Dios, yejuan okiyolitij, niman oketsteu ipan itlalkon, niman okimakak ueyilistli. Ijkon tej, nemejuamej nenkipiyaj nemotlaneltok niman nemotlamachalis* itech Dios.

1 Juan 3:23

Niman in yejua itlanauatil Dios: “Ma tikneltokakan iKonetsin JesuCristo, niman ma titotlajsojtlakan* inuan oksekimej ken yejua yotechnauatij.”

1 Juan 4:11

Notlajsojkaikniuan, tla Dios ijkon sanoyej* otechtlajsojtlak, no ijki noneki titotlajsojtlaskej* inuan oksekimej.

1 Juan 4:21

Dios otechmakak in tlanauatijli: On yejuan kitlajsojtla* Dios no ma kitlajsojtla* ikniu.