1 Juan 2:1 - El Nuevo Testamento

¹ Notlajsojkakoneuan, nemechtlajkuiluiya yejua in tlajtlamach* para maka nentlajtlakoskej. Pero tla yakaj tlajtlakoua, tikpiyaj totepantlajtojkau yejuan techpaleuis para tikseliskej tetlapojpoluilistli itech toTajtsin Dios. In totepantlajtojkau yejua JesuCristo yejuan yolmelajki.

In yencuic iyectlajtoltzin Dios itech ica toTeco Jesucristo

¹ Noconetzitzihuan, nemechtlajcuilhuiya yejhua in tlajtlamach para ma ca nentlajtlacosquej. Pero tla yacaj tlajtlacohua, ticpiaj totepantlajtojcau yejhuan techpalehuis para ticselisquej tetlapojpolhuilistli itech toTajtzin Dios. In tepantlajtojquetl yejhua Jesucristo yejhuan yolmelajqui.

1 Juan 2:1 Iomraidhean Croise

San Lucas 10:22

Kemaj Jesús okijtoj: —NoTajtsin onechmaktilij nochi tlajtlamach*. Xakaj kimati akinon nejua yejuan niteKoneu, yej san noTajtsin. Niman xakaj kimati akinon noTajtsin, yej san nejua yejuan niteKoneu, niman on yejuan nikneki nikimpanextilia.

San Juan 13:33

Notlajsojkakoneuan, xok ninemis miyek tonaltin nemouan. Nemejuamej nennechtejtemoskej, pero sano ijki ken onikimijlij on hebreos* no ijki nemechijlia aman: Xuelis nenyaskej kampa nejua niau.

San Juan 14:16

Niman nejua niktlajtlanilis noTajtsin ma mechajtitlanili okse yejuan mechyolchikauas, mechpaleuis niman nemouan nemis para nochipa.

San Juan 14:6

Jesús okinankilij: —Nejua niojtli, nitlin melauak, niman ninemilistli. Tej, san nejua notechkopa uelis ajsiskej itech noTajtsin.

San Juan 21:5

Kemaj okomintsajtsilij niman okintlatoltij: —Nokoneuan, ¿xitlaj* michin nenkajsij? Niman yejuamej okijlijkej: —Ka, xitlaj tikajsij.

San Juan 5:14

Más sakin* Jesús okinextij ne ipan on ueyitiopan, niman okijlij: —Xkaki, aman yotipajtik. Maka oksejpa titlajtlakos para maka mopan nochiuas itlaj yejuan más temojtij.

San Juan 5:36

Pero nejua nikpiya notestigo yejuan más ueyi kijtosneki xken on tlen okijtoj Juan. On tlen noTajtsin onechmakak para ma nikchiua kiteititia ika melauak noTajtsin onechajtitlan.

San Juan 6:27

Maka xtekitikan ipampa on tlakuajli yejuan saniman tlami, yej xtekitikan ipampa on tlakuajli yejuan kisa itech Dios yejuan kitemaka nemilistli para nochipa. Nejua yejuan oninochiu Tlakatl nemechmakas in tlakuajli pampa noTajtsin onechmakak tlanauatijli para ijkin nikchiuas.

San Juan 8:11

Yejua okijlij: —Ka noTEKO, xakaj. Kemaj Jesús okijlij: —Tej, nion nejua xnimitstlajtlakolmaka. Aman xuiya, pero maka oksejpa titlajtlakos.

Hechos 7:52

Nemoachtojtajuan nochimej on tiotlajtojkej, niman tlamach ika okintlajyouiltijkej. Okinmimiktijkej on yejuan okiteijlijkej ika uajlas on yolmelajki, niman aman ika youajlaj nemejuamej onenkitemaktilijkej niman onenkimiktijkej.

Romanos 5:10

Tla ijkuak tiitlauelikniuan katkaj Dios, yejua otechmakak yolseuilistli itechkopa imikilis iKonetsin. Tla ijkon tej, aman onkaj más tlinon ika uelis techmakixtis itechkopa inemilis pampa yotechmakak yolseuilistli.

Romanos 6:15

¿Tlinon tej, tikchiuaskej? ¿Más titlajtlakoskej pampa xok titouikaj ipan on tlanauatijli? ¡Melauak tej ika ka!

Romanos 8:34

¿Akinon tej, uelis kintlajtlakolmakas? Xakaj uelis pampa Cristo yejuan omik niman oksejpa oyoliu* nemi ne iyekmakopa Dios kampa topampa tlajtojtikaj.

1 Corintios 15:34

Xmelajkatlalikan nemotlamachilis niman maka sa xchiuakan tlajtlakojli. Sekimej nemejuamej xnenkixmatij Dios, niman in nikijtoua para xpinauakan.

2 Corintios 5:21

Maski Cristo xokichiu nion se tlajtlakojli, Dios san topampa okimakak castigo ken tlajtlakolej yeskia. In onochiu para Dios ma techseli ken tiyolmelajkej ijkuak san sekan tinemij iuan Cristo.

Gálatas 4:19

Notlajsojkakoneuan, aman oksejpa nikijyouijtikaj* on tlen tekokoj nemopampa, ken sen nantli yejuan nokokoua ijkuak kinemitia ikonetsin. Niman ijkon nitlajyouijtias hasta kaman nemonemilis nokauas ken inemilis Cristo.

Efesios 2:18

Aman itechkopa Cristo, tla tihebreos* noso ka, tiueliskej tiaskej itech toTajtsin ikan sanno yejua Espíritu.

Efesios 4:26

Tla nenkualanij, maka xtlajtlakokan. Niman on tlauejli maka xpiyakan nochi tonajli, yej saniman xmoyoltlalikan.

1 Timoteo 2:5

San se nemi Dios, niman no san se nemi yejuan impampa tlajtoua on tlakamej ixpan Dios, in yejua JesuCristo.

1 Timoteo 3:14

Nikneki para saniman nias nimitsontas, pero achtoj nimitstlajkuilouiya in tlajtlamach*,

Hebreos 9:24

Tikmatij ika Cristo xokalak ipan on yektiopan tlachijchijtli de tlakamej yejuan san kixneskayotia* on yejuan melauak tiopan onkaj ne iluikak. Yej Cristo okalak ne iluikak kampa nemi iuan Dios para topampa tlajtojtikaj.

Santiago 1:27

On tlaneltoktli yejuan xkipiya ijtlakauilistli, yej kipiya chipaualistli ixpan Dios, kijtosneki ika on tlakatl kimpaleuis iknomej niman siuakaualtsitsimej* ika on tlen kimpoloua, niman xkichiuas on tlen xkuajli yejuan kichiuaj on tlaltikpaktlakamej.

Santiago 3:9

Ikan tonenepil tikyekteneuaj Dios toTajtsin, niman no ikan tonenepil tikinteneuiliaj tlen xkuajli on tlakamej yejuan Dios okinchijchiu ken yejua nemi.

1 Pedro 2:22

On Yektlajkuilojli kijtoua itech ika Cristo: “Yejua nion se tlajtlakojli xokichiu, nion okajkayau yakaj.”

1 Pedro 3:18

Cristo otlajyouij niman omik ipampa tlajtlakojli. Yejua omik san sejpa para nochipa. Yejua yejuan xokipix tlajtlakojli, omik topampa yejuan xtiyolmelajkej para otechuikak itech Dios. Itlalnakayo omik pero iEspíritu oyoliu*.

1 Juan 3:18

Notlajsojkakoneuan, maka san xteijlikan ika nenkipiyaj tetlajsojtlalistli*, nion maka san xkijtokan ika nenkintlajsojtlaj on tokniuan, yej melauak xkintlajsojtlakan* ikan nochi nemoyojlo niman xkintitikan ika nenkintlajsojtlaj ika on tlen nenkichiuaj.

1 Juan 3:5

Nemejuamej ye nenkimatstokej ika JesuCristo ouajlaj ipan in tlaltikpaktli para otechkixtiliko on totlajtlakoluan, niman ika yejua xkipiya tlajtlakojli.

1 Juan 3:7

Notlajsojkakoneuan, maka xmokauilikan yakaj mechkajkayaua. On yejuan kichiua tlen kuajli, yejua kuajli tlakatl ijkon ken Cristo kuajli.

1 Juan 4:4

Notlajsojtlakoneuan, nemejuamej nentekoneuan itech Dios, niman on yejuan kinekij kixoxotoniliskej itekiu Cristo xomechkajkayajkej ikan on xkuajli temachtijli, pampa on Espíritu Santo yejuan nemouan nemi más kojtik xken on diablo* yejuan nemi ipan in tlaltikpaktli.

1 Juan 5:17

Nochi tlen xkuajli, yejua tlajtlakojli. Pero onkaj tlajtlakojli yejuan xteuika ipan mikilistli para nochipa.

1 Juan 5:21

Notetlajsojkakoneuan, maka xkinneltokakan on yejuan xmelauak dioses. Ma ijki nochiua.

3 Juan 1:4

In yejua más nechpaktia ijkuak nikmati ika nokoneuan itech Cristo kitlakamatij on tlen melauak.