1 Juan 1:8 - El Nuevo Testamento

⁸ Tla tikijtouaj xtitlajtlakolejkej, sano tejuamej titokajkayauaj, niman xtikijtouaj on tlen melauak.

In yencuic iyectlajtoltzin Dios itech ica toTeco Jesucristo

⁸ Tla tiquijtohuaj ica xtitlajtlacolejquej, sa no tejhuamej titocajcayahuaj, niman xtiquijtohuaj on tlen melahuac.

1 Juan 1:8 Iomraidhean Croise

San Juan 8:44

Nemejuamej nemotataj on diablo*, niman nenkinekij nenkichiuaskej tlinon yejua kineki. On diablo* desde opeu in tlaltikpaktli temiktia. Xkaman kijtoua on tlen melauak, pampa xkipiya ipan iyojlo on tlen melauak. Ijkuak kijtoua on tlen xmelauak, san kijtoua ken nochipa nouika, pampa yejua tlakajkayaua niman yejua imintataj on yejuan tlakajkayauaj.

Romanos 3:10

Ipan on Yektlajkuilojli ijkin tlajkuilolnestikaj: Nion siquiera se tlakatl xnemi yejuan yolmelajki ixpan Dios.

Romanos 3:23

Nochi tlakatl ouets ipan tlajtlakojli, yejua ika okipolojkej on yolchipaualistli niman ueyilistli yejuan Dios kinekiya ma kipiyakan.

1 Corintios 3:18

Maka yakaj ma nokajkayaua. Tla yakaj kinemilia tlamatki* pampa kipiya tlamatkilistli, yejuan kisa ipan in tlaltikpaktli, ma nokuepa ken on yejuan xtlamatki* itech in tlaltikpaktli, para ijkon melauak kipiyas on tlamatkilistli yejuan kisa itech Dios.

Gálatas 6:3

Tla yakaj kinemilia ueyixtikaj, niman xmelauak ueyixtikaj, tla ijkon, sano yejua nokajkayaua.

1 Timoteo 6:5

niman nochipa iminuan nokualania on tlakamej yejuan ijtlakauki intlamachilis niman xkimatij on tlen melauak. Yejuamej kinekij kitlaniskej tomin para ricojtiskej itechkopa in tlaneltoktli. Xkintlalkaui on kenomej.

2 Timoteo 3:13

Niman on yejuan xkuajkualtin tlakamej niman tlakajkayajkej tlakamej, inyojlo más ijtlakautias. Tlakajkayauaskej niman sano yejuamej yokinkajkayajkej.

Santiago 1:22

Maka san xkakikan on temachtijli, yej xchiuakan tlinon mechijlia on temachtijli. Pampa tla xnenkitlakamatij, sano nemejuamej nemokajkayauaj.

Santiago 1:26

Tla yakaj kinemilia ika kuajli kipiya itlaneltok ixpan Dios niman xkipiya cuidado ken tlajtlatos, sano yejua nokajkayaua niman on tlen kineltoka xitlaj* kijtosneki.

Santiago 3:2

Tinochimej tikchiuaj miyek tlajtlamach* tlen xkuajli. Pero tla yakaj ikan inenepil nochipa san kijtoua tlen kuajli, yejua melauak de nochi kuajli tlakatl, niman ueli kuajli kimandaroua nochi itlalnakayo.

2 Pedro 2:13

Yejuamej no ijki tlajyouiskej ken oksekimej yejuan yejuamej kintlajyouiltiaj. Nomatij ikan pakilistli ijkuak kistinemij, niman kichiuaj nochi tlen inxkuajli eleuilis kineki ne kampa teixpan. Yejuamej kichiuaj tlen tepinajtij niman xyolchipajkej ijkuak nemouan nemij ipan on iluimej kampa nemouikaj ikan tetlajsojtlalistli*. Ijkon nouikaj chika ikan pakilistli tekajkayauaj.

1 Juan 1:10

Dios kijtoua ika nochi tlakatl tlajtlakolej. Yejua ika, tla titoteneuaj xtitlajtlakolejkej, on tlen tikijtouaj sano ijki ken tikijtoskiaj ika Dios sen tlakajkayajketl. Tla ijkon, xnejli tikneltokaj itlajtol.

1 Juan 1:6

Tla tikijtouaj ika tinemij san sekan iuan Dios niman sanken* titlajtlakouaj, tla ijkon, xtikijtouaj on tlen melauak niman xtikchiuaj ken noneki.

1 Juan 2:4

Pero tla yakaj kijtoua ika kixmati Dios niman xkintlakamati itlanauatiluan, yejua nochiua sen tlakajkayajketl, niman xkijtoua on tlen melauak.

1 Juan 4:20

Tla yakaj kijtoua: “Nejua niktlajsojtla* Dios”, pero kitlauelita ikniu, yejua kijtoua on tlen xmelauak, pampa tla se xkitlajsojtla ikniu yejuan kita, no xkitlajsojtla Dios yejuan xkita.

2 Juan 1:2

Nemechtlajsojtla ipampa on temachtijli yejuan melauak yejuan tikpiyaj ipan toyojlo, niman tikpiyaskej para nochipa.

3 Juan 1:3

Sanoyej* onipak ijkuak oualajkej sekimej tokniuan niman onechtlajtlajtouilijkej ika nochipa tiktlakamati on tlen melauak. Melauak tej, timouika ken itemachtil Cristo kijtoua.